NIBOHON MBEN ISRAEL GI NIGOM 27:33 - ALLAH NIHYET MEM TUNGWATU NYA

³³ Ahitofel ne Nibou Ndig de nipingok kep ningonti igkei ri. Lene Husai di mben Arki ne nibou ndig nisut di ningon kieti di pingok kep ningonti cem ri.

NIBOHON MBEN ISRAEL GI NIGOM 27:33 ပူးပေါင်းရင်းမြစ်များ

SAMUEL GI NICAN 15:37

Gima rino Husai di Daud ningon kieti dima ngkwei hanyen ug ei minu ndig Yerusalem cut igbit Absalom nikwei krausi.

SAMUEL GI NICAN 15:12

Tirigi Absalom bon midut nindig mindhe titut kep humti lene sok nihyet bak Ahitofel di bong ei Gilo bikwei ngat noni. No dini ningon ki biya kui Nibou Ndig Daud bipingok ningonti. Apino ide ningon gom mem yaham imbuk kep nibou ndig dimati kum ei nisindemti bu ba, yo di itti kin Absalom bigya kui noni imangti kum eisi bibor.

SAMUEL GI NICAN 15:32

Daud kui ug ei mbigdip dima ei mpia ttou nsi gom di tungwatu nya ikuk yok kigkep bak tuhan eisi tu lene nisut Husai di mben Arki di Daud ba ningon com ya um noni ei sirima. Nide sinsun rik-ta ba, dihyei ndung hi jo ei nibou nggram him.

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

MAZMUR 55:13

Gino ditde siceu nya rino iba da bikek lene midoom dingon tut. Gino hi di ba nitok bida rino nihyet kinei sut da lene midiku da nyahan leu yok.

SAMUEL GI NICAN 17:23

Tirigi jo nibreisi mem Ahitofel bipia Absalom bit nipingok noti pima bi lene noni tin ei nide keledai bibri bingkwei hanyen ug ei nitimieisi. Noni nyohou dimig nide mun di nyeng tut nya hagom biput tu lene ba kuk bisrou nonti nikimam bimai. Lene itig simiak nide bat nya ijui nya.

SAMUEL GI NICAN 16:23

Ei nijam dima ne Absalom nya igyai hagom bit leu nok Ahitofel nipingok yokti lewo iba ingon srip huk bipia nipingok yokti dima tibim kwei leu Allah niji him. Daud kin Absalom yahacem ibit Ahitofel nipingok yoti.

NIBOHON MBEN ISRAEL GI NIGOM 27:32

Daud nipmum Yonatan yai ningon di binggok puig bibor ba, bipingok kep tungwatu ingonti igkei. Noni pikor tut mun nyeng hagom tu. Nibou ndig ndo noni kin Yehiel di Hakhmoni nipmot mem gima inyeng tak kep midyai ningginau nibou ndig nipmot bat nyati.