NIBOHON MBEN ISRAEL GI NIGOM 27:1 - ALLAH NIHYET MEM TUNGWATU NYA

^1-15 Midyai nidimig Israel ninyeng tak kepti nimbutti ne nibou ig bei nsi nya kin nibou nya di ibie tut insi de nya kin nibou tentara nya ide midyai ri. Bikwop nijam bed gom mem nijam ari bingwam gom lene nibou gom ya tut nide nimpung nya ba, iluei-luei yam tut midyai di igyai mem nijam bed gom dima. Bikwop nimpung gom-gom nide tungwatu imangti ibou sribu ningot can bitai. Nibou mem nimpung nya di igyai midyai bikwop bed nya inyeng rino Yasobam di Zabdiel nipmot (di ntun keret Yehuda him bicoi bit Peres ninsi de nya) yai midyai mem bed gi nigom lene Dodai di ntun Ahohi him yai midyai mem bed gi nican ba, Miklot ya kui noni lene Benaya di Imam Yoyada nipmot yai midyai mem bed gi niningai ba, noni nok nibou mem Nimpung Nikon Pran Cig Ibou Ningot Ningai (nipmot Amizabad ya kui noni) lene Asael di Yoab nikinjoi yai midyai mem bed gi nibitai (nipmot Zebaja ya luei nohoti) lene Samhut di ntun Yizrah him yai midyai mem bed gi nimuhwi lene Ikes di Ira di nitimieisi leu Tekoa nipmot yai midyai mem bed gi nimuhwindagom lene Heles di nitimieisi leu minu ndig Peloni di ntun keret Efraim him yai midyai mem bed gi nimuhwindacan lene Sibkhai (di ntun keret Yehuda him bicoi Zerah ninsi de nya) di nitimieisi leu minu ndig Husa yai midyai mem bed gi nimuhwindaningai lene Abiezer di nitimieisi leu minu ndig Anatot ei keret Benyamin de hanjop nsi yai midyai mem bed gi nimuhwindatai lene Maharai di ntun Zerah him ba, nitimieisi leu minu ndig Netofa yai midyai mem bed gi nisimnai lene Benaya di nitimieisi leu minu ndig Piraton ei keret Efraim de hanjop nsi yai midyai mem bed gi nisimnaibrimiggom lene Heldai di ntun Otniel him ba, nitimieisi leu minu ndig Netofa yai midyai mem bed gi nisimnaibrimigcan.

NIBOHON MBEN ISRAEL GI NIGOM 27:1 ပူးပေါင်းရင်းမြစ်များ

SAMUEL GI NICAN 23:8

Daptar dini tibim tut Daud de nibou tentara di inyeng jei nya. No di nigom rino Ishbaal di mben Hakhmoni di nok nibou di bie tut ‘Nimpung Nihwen Kep Mun Cig Gi Niningai’ Mpe di gom ne tentara Daud ikon pran bit siceu nya leu api Ishbaal nongkom bindei timek siceu ibou sratus muhwindaningai biba nide micim bidat yahagom bimai ei njap gom.

NIBOU NDIG NYA GI NIGOM 4:27

Salomo de nibou hanjop nya itunggwei-tunggwei yam tut njita ba, iba bed bikwop yok bimbus njita pima sindam biyuug sut bigyai bak Nibou Ndig Salomo kin nide ig bei nsi nya yahagom apino njita dima hagom dem mem igyemti.

NIBOU NDIG NYA GI NIGOM 4:7

Salomo kon nibou hanjop nya ibou simnaibrimigcan ba, kes yok bidem minu Israel nisurti-nipekti. Ide midyai rino imbus njita leu ide hanjop nya mem nibou ndig kin nide ig bei nsi nya. Bikwop nibou hanjop dima yok inyohou dimig inyeng sindam ba, gom-gom mbus njita dima ei ninsi bed gom-gom bikwop ari bingwam gom.

NIBOU NDIG NYA GI NIGOM 5:14

Lene noni ta Adoniram nok no di ninyeng tak kep yok. Noni kwas pinai dima yok ei nimpung ningai ba, nimpung gom imangti ibou sribu simnai lene bikwop nok. Bikwop nimpung nya hagom igyai midyai ei Libanon mem bed gom leu api ingkwei hanyen ei ide ig mem bed can.

NIBOHON MBEN ISRAEL GI NIGOM 11:10

Yo dini ne Daud de nibou tentara di isindem bibor nya inyeng ri. Ibie tut mben Israel ba, ikon pran kikau leu binhyepo Daud kui bigwam nok nibou ndig bipek kep mun di tuhan preu ei mem no nipou su. Yo dini yahati tut Daud ninyeng tak kep limwa nyati cem.

NIBOHON MBEN ISRAEL GI NIGOM 13:1

Nibou Ndig Daud mbrap bit nide nibou tentara di ibie tut nimpung tentara ibou sribu gom nya kin nimpung sratus gom nya yahagom.

NIBOHON MBEN ISRAEL GI NIGOM 26:32

Lene Nibou Ndig Daud kes midyai nyeng hagom di bitut tuhan De Ig kin midyai nidimig Israel ninyeng tak kepti nimbutti tut mben Israel di ibong Minyei Yordan nyai nite bei mpia nipriti hagom bak nibou ig bei nsi nya ibou sribu can sratus muhwindacan di coi Yeria ninsi de nya. Ba, yo dini ne pinjoi ndig di mimbri kui ingkek ningkom. Yo di ibong ei hanjop nsi dima ne keret Ruben kin keret Gad kin keret Manasye nite hi ri.

NIBOHON MBEN ISRAEL GI NIGOM 28:1

Daud nduk nibou nya yahagom kwei leu api idem yam ei minu ndig Yerusalem. Gima ne nibou keret nya kin nibou di inyohou Daud ninyeng tak kepti nimbutti nya kin nibou di inyeng tak kep insi de nya kin nibou di inyohou ndigban kin mindhe-ndhe nimuhup tu di nibou ndig de nya bitut imunggwom bat nya cem. Ipai ninda ndigsi tut bipia andigpoi nya di igyai midyai ei nibou ndig de ig kin nibou tentara nya kin yo di inyeng jei nya yahagom ba, idem yam ei minu ndig Yerusalem.

NIBOHON MBEN ISRAEL GI NIGOM 29:6

Lene nibou insi de nya kin nibou keret nya kin nibou tentara nya kin yo di inyohou nibou ndig de ndigban nya yahagom ipai bipia yoni cem ijoi sut ikwas mun nyeng hi tut ig di ingot dima.

NIBOHON MBEN ISRAEL GI NICAN 1:2

Nibou Ndig Salomo cuk nibou tentara nya ibou sribu gom kin nibou tentara nya ibou sratus gom kin nibou di inyeng jei ei nide ninyeng tak kepti dima kin nibou mem nimpung ig bei nsi mben Israel yahagom,

NEHEI LEUSI 18:25

Ba, noni dimig pinai di ingon ki nya leu mben Israel ikieti ei bita yok nok nibou mem nimpung nya di imangti ibou sribu gom kin ibou sratus gom kin ibou ningot muhwi kin ibou ningot gom lene nok.

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

NINDAT KEP TUHAN NICUKTI NYA 1:15

Leu api dimbus nibou di ingon ki bibor kin gi igya hacan mem tungwatu nya igkei di jindo ei su pima ba, dita yok nok nibou nya mem je. Dita yok nok nibou mem nimpung nya di imangti ibou sribu gom kin nimpung nya di imangti ibou sratus gom kin nimpung nya di imangti ibou ningot muhwi kin nimpung nya di imangti ibou ningot gom lene nok. Lene dita nibou hiter nya mem gima igyok igyai kep jide mben nya.

YOSUA 23:1

Tirigi tuhan bindei ba, mben Israel ibong kei igwam kei wer mimbrek ngan tu ba, siceu nya ihwen bit yok bu bi lene mpe dima Yosua wer andig-ndau su.

SAMUEL GI NIGOM 8:12

Noni mita bihi nok nibou mem tentara ibou sribu gom lene mita bihi nok nibou mem tentara ibou ningot muhwi. Noni mikes midyai di buhun bibor ei jipmot bat nya inghat dip. Yoni migyai kep nide miai nya bipuk nide njita ningat kwei leu beisi cem ba, ibon nide minggwen nya kin nimbumbati mem nide kroba pran cem.