NIBOHON MBEN ISRAEL GI NIGOM 26:4 - ALLAH NIHYET MEM TUNGWATU NYA

^4-5 Gi bram bu lene indo Obed-Edom. tuhan njei mun di kei bak noni tirigi yai nipmot bat nya ibou muhwindaningai bak noni. Inyeng di bibit leu njap di ipmem srek tut yokti rinok gini ba, inyeng rino Semaya kin Yozabad kin Yoah kin Sakhar kin Nataneel kin Amiel kin Isakhar kin Peuletai.

NIBOHON MBEN ISRAEL GI NIGOM 26:4 ပူးပေါင်းရင်းမြစ်များ

SAMUEL GI NICAN 6:10

Gima rino noni kos tut bipia mimbut tut Brua Gi Preu dima kikau ug ei minu ndig Yerusalem bigyo. Leu api noni kriek tut Brua Gi Preu ug ei Obed-Edom di nitimieisi leu Gat nide ig.

SAMUEL GI NICAN 6:11

Leu api Brua Gi Preu dima jo ei Obed-Edom de ig kikau mem bed ningai apino tuhan njei mun di kei bak bitut nide ig bei nsi nya cem.

SAMUEL GI NICAN 6:12

Lene Nibou Ndig Daud miap tut bipia tuhan njei mun di kei bak Obed-Edom bitut nide ig bei nsi nya kin mun di noni nyeng tut nya hagom drek dip Brua Gi Preu dima. Gima rino noni ug ei Obed-Edom de ig lene ba nimbos-hi-mbos bikon Brua Gi Preu dima buug sut hanyen ug ei minu ndig Yerusalem.

NIBOHON MBEN ISRAEL GI NIGOM 13:14

Brua dima jo kikau ei sirima mem nijam bed ningai. Lene tuhan njei mun di kei bak Obed-Edom kin nide ig bei nsi nya bitut mun di nyeng tut nya hagom cem.

NIBOHON MBEN ISRAEL GI NIGOM 16:38

Leu api Obed-Edom di Yedutun nipmot kin ibou ningot muhwindagom ba, muhwindaningai bu di insi de gom kin noni impu Asaf. Yo di igya ser dimbou pmem nya inyeng rino Obed-Edom kin Hosa.

NIBOHON MBEN ISRAEL GI NIGOM 16:5

Asaf ne nibou di ya bibie mem yok ri. Lene Zakharia ya kui noni. Idimig Yoel kin Semiramot kin Yehiel kin Matica kin Eliab kin Benaya kin Obed-Edom kin Yeiel ei mem gima ikek nggong mbrei nya. Asaf bui yeng beng ngkimom-tembaga ba,