NIBOHON MBEN ISRAEL GI NIGOM 25:8 - ALLAH NIHYET MEM TUNGWATU NYA

⁸ Yo dini yahagom ikus bit leu binhyepo bit dima bindo tut nituti dima iba musik bipai doia. Ba, gima tut pilei nya kin ndigpoi nya di iba musik bipai doia kan tu nya kin yo di sindi ikinyon eisi di ipikor tut cem.

NIBOHON MBEN ISRAEL GI NIGOM 25:8 ပူးပေါင်းရင်းမြစ်များ

NIBOHON MBEN ISRAEL GI NIGOM 15:22

Idimig Kenanya binok nibou di bie tut yo di intun Lewi him di iba musik bipai doia lewo ningon ki tut gi ba musik bipai doia nya.

NIBOHON MBEN ISRAEL GI NIGOM 24:31

Tut midyai di igyai bibit leu ide nimpung nya lene bikwop nibou ig bei gom kin nikinjoi pinai yoni ikus bit sur yam noyam kin gi ide bat di imam nya di intun Imam Harun him ibon pima. Ikus bit dima bou Nibou Ndig Daud kin Zadok kin Ahimelekh kin nimpung imam nya di inok nibou mem nimpung ig bei nsi nya kin nimpung Lewi nya di inok nibou mem nimpung ig bei nsi nya yahagom igyai him.

NIBOHON MBEN ISRAEL GI NIGOM 24:5

Yo di intun nimpung Eleazar kin Itamar him bihi inok nibou mem midyai nya di igyai ei tuhan De Ig lene bihi inok imam nya. Gima rino ikwas midyai nya tut yok tug hon niko nibinggok tut.

NIBOHON MBEN ISRAEL GI NIGOM 25:2

Yo dima ne Asaf di yai nipmot bat nya ibou bitai di inyeng rino Zakur kin Yusuf kin Netanya kin Asarela. Asaf ne nibou di bie tut yok tirigi iba musik bipai doia ba, ikon Allah ninyeng ei mpe di nibou ndig cuk yok ri.

NIBOHON MBEN ISRAEL GI NIGOM 25:9

Ikwas ibou sratus can ningot muhwindaningai ba, muhwindaningai dima ei nimpung ningot can ba, bitai bibikwop ide nimpung ninsi de nya gom-gom. Yo di inggre kin bikwop nimpung nya imangti ibou simnaibrimigcan ba, nibou gom bie tut yok. Inyeng di hei di bibit nikus bitti mem iba musik bipai doia sindam dima rino nigom rino Yusuf leu Asaf de igbei nsi nya. Nican rino Gedalya. Niningai rino Zakur. Nibitai rino Yizri. Nimuhwi rino Netanya. Nimuhwindagom rino Bukia. Nimuhwindacan rino Yesarela. Nimuhwindaningai rino Yesaya. Nimuhwindatai rino Matanya. Nisimnai rino Simei. Nisimnaibrimiggom rino Azareel. Nisimnaibrimigcan rino Hasabya. Nisimnaibrimigningai rino Subael. Nisimnaibrimigtai rino Matica. Nisimnaimuhwidip rino Yeremot. Nisimnaimuhwidip brimigtehigom rino Hananya. Nisimnaimuhwidip brimigtehican rino Yobekasa. Nisimnaimuhwidip brimigtehiningai rino Hanani. Nisimnaimuhwidip brimigtehibitai rino Maloti. Gi nyatungwagom rino Eliata. Gi nyatungwagom gom rino Hotir. Gi nyatungwagom can rino Gidalti. Gi nyatungwagom ningai rino Mahaziot. Gi nyatungwagom bitai Romamti-Ezer.

NIBOHON MBEN ISRAEL GI NIGOM 26:13

Bikwop insi de nya gi nindig cem gi nimien cem ikus bit leu binhyepo ibikan tut dimbou pmem dima igya ser nya.

NIBOHON MBEN ISRAEL GI NIGOM 26:16

Supim kin Hosa itug ndei midyai niya ser dimbou pmem di jo bei mpia nicutti kin midyai niya ser dimbou pmem Syalekhet di bie ug ei puig di rop ei anai. Ikwas midyai niya ser dimbou pmem nya dima tut yo di igya ser nya sindam ba, bihi igya ser dimbou pmem nya kikau.

NIBOHON MBEN ISRAEL GI NICAN 23:13

Ug krau su lene ngat nibou ndig nijep di ya hak ei dimbou hui ei tuhan De Ig nuhui bingat nibou tentara nya kin yo di imiep pun mbrei di igya ser mpia di ibindei kui Yoas binok nibou ndig eisi pima. Lene limwa nya yahagom iba ingon di llei bimbos-hi-mbos bibimiep pun mbrei cem ser. Yo di ikek kep musik ei tuhan De Ig cem iba musik hi gom hi gom bikon njap midut dima. Lene Atalya ba ningon di digit birik nide sinsun lene bahara pia “Jikinei sut da bijitri da o! Jikinei sut da bijitri da o!”

NEHEMIA 12:24

Ikwas midyai tut Lewi nya di igyai midyai ei Hasabya kin Serebya kin Yesua kin Binui kin Kadmiel yoni inda behei bikwop nimpung nya. Ikwas nimpung nya ba, nimpung can dima ikiju ipai doia nibuhup-buhup nyen biyamti bipai doia bibinggei sut tuhan ninyeng cem bibipai sigyo biNoni cem sindam bit leu Nibou Ndig Daud di Allah de awak pima nicuk yoti.

NIPINGOK NINGONTI 16:33

Tungwatu nya iko bibinggok tut leu binhyepo ibikan tut mun di mipek kep mem yok noro tuhan mibuhup bit leu Nonti ningon kanti.

IMAM NYA IDE MIDYAI 16:8

Ei sirima lene ma noni ba tig njep can pima biko binggok tut kambir nya. Leu api noni pas inyeng ei tig njepti nok gini “mem tuhan” ei gi di hiti lene “mem Azazel” ei gi di hiti.

KISAH 1:26

Pai nok leu rino iko binggok tut ibou can dima leu api mun di iko dima ndo Matias. Gima rino ikon noni ninyeng nok no di ya kui Yesus nijep di ba no bikum ibou simnaibrimiggom bu.