NIBOHON MBEN ISRAEL GI NIGOM 25:5 - ALLAH NIHYET MEM TUNGWATU NYA

⁵ Heman ne nabi di ya kui nibou ndig pijum ri. tuhan yai nipmot bat nya ibou simnaibrimigtai pima kin nipmisop bat nya ibou ningai bak Heman. Lewo tuhan preu ei mem noni bipia miyai ninyeng di jei bak.

NIBOHON MBEN ISRAEL GI NIGOM 25:5 ပူးပေါင်းရင်းမြစ်များ

NITRITI 33:5

Lene Esau kon nibou bingat sop nya kin munggwom nya lene hig ser Yakub “Tou nya rino ibit na dima i?” Api Yakub buhup “Andigpoi e, yo dini yahagom ne dimunggwom bat nya ri. Allah yai yahagom bida lewo ningon nggriu sut da.”

SAMUEL GI NICAN 24:11

Lene tuhan pai bak Nabi Gad di ya hacan mem tuhan kin Daud “Aug pai bak Daud bipia dindo puig ningai bak leu api suar noni kos tut puig gom leu api midibindei mbut puig dima.” Njap di hyep bu tirigi Daud kiju leu nibongti,

NIBOHON MBEN ISRAEL GI NIGOM 21:9

Lene tuhan pai bak Nabi Gad di ya hacan mem Daud kin tuhan,

NIBOHON MBEN ISRAEL GI NIGOM 25:4

Kin Heman di yai nipmot bat nya ibou simnaibrimigtai. Ba, nipmot bat dima yok inyeng rino Bukia kin Hananya kin Uziel kin Sebuel kin Yerimot kin Hananya kin Hanani kin Eliata kin Gidalti kin Romamti-Ezer kin Yosbekasa kin Maloti kin Hotir kin Mahaziot.

NIBOHON MBEN ISRAEL GI NIGOM 28:5

Noni yai dipmot bat nya imang bibor cem bida. Lene bidimig Salomo leu dipmot bat nindigsi nya ikieti leu binhyepo ninyeng tak kep mben Israel di nok Nide ninyeng tak kepti dima.

NIBOHON MBEN ISRAEL GI NICAN 35:15

Lewi nya ibou poi itin ei nibon midut kep Njap Ndig Paskah mem yo di ingon ki tut nikek musik di igya coi Asaf ninsi de nya di intun keret Lewi him di ingat rin ei mpia di igyai midyai dima eisi po Nibou Ndig Daud ndo ei mem yok tu pima. Yo dima inyeng Asaf kin Heman kin Nabi Yedutun di ya kui nibou ndig bitut yo di igya ngkiem ser dimbou pmem nya di igikes ide dikti ei bi ri.

MAZMUR 127:3

Munggwom nya di Allah yai binye ne munkwas di kwei leu Noni ri. Ibindei ba, nyeni ingon nggei-hi-nggei.

YESAYA 8:18

Dani kin dimunggwom bat nya di tuhan yai bida nahagom ningat rin ei sirini. tuhan Di Sindem Bibor di bon Nide banggo mbrei ei Nungug Sion cuk nye ndam Nide limwa di mben Israel ba, ninok bindo mem yok.

SAMUEL GI NIGOM 9:9

Ei nijam dima ne tungwatu nya ijem no di nabi ninyeng hi no di kan huk mindur kan cem. Gino tungwagom hig ser Allah tut mun nyeng hi lene noni mipai “Jikwei ba, yuug cem kep no di kan huk mindur kan.”)