NIBOHON MBEN ISRAEL GI NIGOM 22:5 - ALLAH NIHYET MEM TUNGWATU NYA

⁵ Daud tin ei mun nyeng dima yok hagom mem tuhan De Ig. Lewo kan “Ma sitin ei mun nyeng hagom di sipmot misuar mem gima biwin tuhan De Ig. Lewo sipmot Salomo pilei yo he ba, kan tut mun nyeng di biwin Ig dima bigyo. Suar tuhan De Ig di Salomo miwin dima ne Ig di kei bibor kei ba, ninyeng jei bibor dor njiriek ig hagom ei dihyeisi dini cem.” Tirigi Daud mai bigyo lene noni tin ei mun nyeng mang bibor mem tuhan De Ig.

NIBOHON MBEN ISRAEL GI NIGOM 22:5 ပူးပေါင်းရင်းမြစ်များ

NIBOU NDIG NYA GI NIGOM 3:7

Ditde tuhan Allah e, mbro nok gino dinok andigpoi haigtu bigyo lene dibie tut ditde limwa nya kan bi lo, asindui sut da bidiya luei dicig nohoti tu.

NIBOU NDIG NYA GI NIGOM 9:8

Mben ngkiai minggek Ditde Ig dini bibindei ba, tig gom mijo-jo yam dip bu bi. Lene bikwop yo di injiriek minu dini minga leu nindig bibor leu api mihig yam ‘Nggon rino tuhan kes hukum nok gima ei minu kin Nide Ig diniti i?’

NIBOHON MBEN ISRAEL GI NIGOM 29:1

Leu api Nibou Ndig Daud pai bak yo di idem yam ei dima yahagom “Allah dimig Salomo leu dipmot bat nya yahagom ikieti ei nok no di mingot tuhan De Ig. Noro noni pilei yo ba, ba ningon bou biyai midyai hi nok gima bikan bigyo. Lene midyai dini nindig ba, buhun bibor cem. Nok gima cem ig di ingot dima ne nibou ndig de ig di mem tungwatu nya bi. Noro ig di mem tuhan Allah.

NIBOHON MBEN ISRAEL GI NICAN 13:7

Lene noni mbus yo di ingon bum nimpung gom ba, ibidip huk Rehabeam di Salomo nipmot leu binhyepo noni miyai igbit yonti ingon kanti lo, mpe dima lene Rehabeam ne pilei ngat di ningon bou yo rin ba, um mun di nok gima hi bigyo apino srep tut bi ug o!

NIBOHON MBEN ISRAEL GI NICAN 2:4

Nogindini diyok dingon mem gima dingot ig gom pijum mem gima dibikuk da bak ditde tuhan Allah eisi ba, mem gima nibikon ninyeng cem. Midiya tut ditde limwa nya ba, nikuk nye bak Allah eisi. Lene nibindig biei nggrai di ui-gwang kei nya ba, niba roti di nidis ei tuhan Noho bei bikuk nye bak Noni cem bikwop njap ngwa hagom. Minibon midut nindig mindhe titut kep humti bikwop njap tekti kin mmunti ba, bikwop Njap Nigwam Kep Ninghuisi kin njap nibon midut Bed Jep kin njap di bon ninyeng nindigsi nya cem bak tuhan ei ig dimati leu binhyepo nibikuk nye bak nyende tuhan Allah eisi. Lewo nyende tuhan Allah cuk nye di mben Israel tut gima leu binhyepo nibindei mbut nibon midut dima yok bijo ninno bijo kikau.

NIBOHON MBEN ISRAEL GI NICAN 2:5

Nyende Allah di nikuk nye bak ne Allah di nindig bibor dor njiriek mun di tungwatu nya ikuk yok bak. Gima rino tuhan De Ig di dijoi sut dingot dima ne ig di nindig bibor.

NIBOHON MBEN ISRAEL GI NICAN 2:8

Dikan tut bipia tukan di iwim kep biei ei ade minu nya yahagom ingon ki tut niwim bieisi tu. Gima rino Na Di Andigpoi e, ma apinak buom Libanon kin buom nyeng hiter bitut biei cendana leu Libanon kwei mem da. Leu api midicuk ditde tungwatu nya mem gima impu ade tukan nya tut midyai dima.

NIBOHON MBEN ISRAEL GI NICAN 7:21

Nogindini tungwatu nya yahagom idigit tut Ig nikuk no bak Dani eisi dini bibor. Noro mpe dima lene bikwop tungwagom-gom di mbut sir ig dini bingat bou niyai him lene mikit nibou leu. Leu api mipai ‘Nggon rino tuhan bibon minu dini kin ig dini nok gima i?’

EZRA 3:12

Mpe dima lene imam nya kin keret Lewi nya kin nibou mbier nya yahagom di iwer andig-ndau su lo, ingat tuhan De Ig gi nitimiei bou igyai him tu isrig yo dima ikieti. Tirigi itou kep tukan nya di iwin tuhan De Ig nikiou dini bu lene ipim ba, igyai nggwei kibor drek dip. Noro nindigsi di induk yam kwei yahagom imbos-hi-mbos lewo ingon llei bibor.

NIPINGOK NINGONTI 4:3

Tirigi po dimien yo di dinok munggwom di nimig gom ngat bak dicig lene,

NIBA NINGON SRIP HUKTI 9:10

Ma ata abou ei ade midyai nyati sri lewo tungwatu nya igyai midyai cem ikan-kan nyen cem ingon dor niti cem ingon ki cem ei minu nimai nya ide bu bi. Ba, mporo ador ug ei sirima.

YESAYA 64:11

Hum yem tuhan De Ig di kwes-kwau po nyeni nidigup bat-nidigai bat nya ipiga ei mem Na bibikon anyenga eisi pima bitimek bingwig. Ig nindigsi nya di nyeni ningat ningwes eisi nya hagom sar bingwig.

YEHEZKIEL 7:20

Nipou yo ne inggei sut ide tig permata di kei-kau-kei nya di ibimau yonti lo, iba tig permata dima bibon kwar di ikuk yok bak di suwok nya. Apino tuhan bindei di ingon mpo tut ide ndigban dima.

HAGAI 2:3

“Bihi di isrig jikieti no igyok ngon kep Ditde Ig nitimiei nikei-kau-keisi e? Nogindini jingat ig dini bou jiyai him bijipai igbit mun di jingat. Mpaba jikan bipia ig dini kei bibor bu bi e?

HAGAI 2:9

Ditde Ig jep nikei-kau-keisi kei bibor dor njiriek ig timiei pima bu. Midibindei ba, Ditde limwa nya ibong kei igwam kei ba, inyeng tut mun nyeng di isuar nya hagom ei gumihyep dini.” tuhan Di Sindem Bibor simbot dat tu.

LUKAS 21:5

Mpe dima lene ibou poi isimbot kep biyam tut Tuhan De Ig bipai biyam “Mbenjen! Jingat tig di nibok kak dima yok kin nimbumbati nya di tungwatu nya ikwas tut Allah!” Noro Yesus pai biyok,

YOHANES 13:1

Njap gom nipou tirigi tto bou dem mem Njap Ndig Paskah bigyo lene Yesus kan tut bipia tto bou dem mem gima Noni ug leu dihyeisi dini bingkwei hanyen ndam Nicigya. Ningon ngakei Nide limwa nya ei dihyeisi dini biningon ngakei yok kikau ug bipek niyaijo ningwig honti.

YOHANES 3:30

Suar Noni bon ninyeng di jei bibor noro dibon dinyeng wer cun he.”

YOHANES 9:4

Tirigi njap jei yo ne suar nyeni igyai midyai di Allah di cuk Da kwei pima Nide nya. Jei bi ne mmun nggai nye ri. Mpe dima lene bit bon hi yai midyai bu kan bi.