NIBOHON MBEN ISRAEL GI NIGOM 22:19 - ALLAH NIHYET MEM TUNGWATU NYA

¹⁹ Gima rino suar jiba jingon titut kin jinnei titut kin jide nisindemti titut bibon jenti nok awak mem jide tuhan Allah. Ma jikinyon ei ningot ig mem tuhanti leu binhyepo jikes tuhan De Brua Gi Preu kin ndigban nindigsi nya hagom di jibiyai midyai pijum bitut nibon midut nibikuk je biNoniti hagom eisi.”

NIBOHON MBEN ISRAEL GI NIGOM 22:19 ပူးပေါင်းရင်းမြစ်များ

NIBOU NDIG NYA GI NIGOM 5:3

“Andigpoi di anyeng jei e, akan tut bipia bit bon dicig Daud ngot ig mem nide tuhan Allah kan bi lewo sisip noni kon pran bit nide siceu nya kikau bibou Allah bindei ba, nide siceu nya di ibong ttai nyende minu dini kou yahagom icut bak noni ug e.

NIBOU NDIG NYA GI NIGOM 8:21

Nok gima cem ditin ei ninsi gom ei tuhan De Ig mem Brua Gi Preu di tig mma ningat can po Allah bon mem idigup bat-idigai bat nya pima joti ba, bipreu ei mem yok tirigi Noni buwak yok kwei leu minu Mesir pima.

NIBOU NDIG NYA GI NIGOM 8:6

Lene imam nya ikon Brua Gi Preu kikau ug ei tuhan De Ig bikes bijo ei kerub nya ibehei ei Ninsi Di Kwes-Kwau.

NIBOHON MBEN ISRAEL GI NIGOM 16:10

Noni ne tuhan gom ngat di ninyeng jei ri. Ma jingon nggei-hi-nggei lewo ninyeng tak kep nye. Ma yo di yahagom di ikuk yok bak Noni ingon nggei-hi-nggei.

NIBOHON MBEN ISRAEL GI NIGOM 16:11

Jahara Noni leu binhyepo yai nisindemti bijeni. Jikuk je biNoni bijo ninno bijo kikau.

NIBOHON MBEN ISRAEL GI NIGOM 22:16

Tukan mas cem tukan perak cem tukan ngkimom-tembaga cem tukan ngkimom nitu cem yahagom yo rinaha. Gima rino ma akinyon eisi haninyai! Handei kon ba, tuhan mimpu nani tut.”

NIBOHON MBEN ISRAEL GI NIGOM 22:7

Daud pai bak Salomo “Dipmot na e, diyok ngon mem gima dingot ig gom nok mun di bindo bipia dibikon ditde tuhan Allah ninyeng mimbrek ngan eisi tu.

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOHON MBEN ISRAEL GI NICAN 20:3

Lene Yosafat digit tut nihyet di miap dima bingat nadi bak tuhan leu binhyepo ndo ningon kanti bak. Leu api cuk limwa nya yahagom ba, igyem njita bi mem nituti poi.

NIBOHON MBEN ISRAEL GI NICAN 5:7

Gima leu lene imam nya kin Lewi nya ibindei coi Brua Gi Preu dima ug ei tuhan De Ig bikes ei kerub cin pima ibehei ei Ninsi Di Kwes-Kwau.

NIBOHON MBEN ISRAEL GI NICAN 6:11

Ditin ei ninsi gom ei tuhan De Ig dima bidikon Brua Gi Preu eisi tu. Ba, tig gi preu di tuhan preu ei mem limwa mben Israel jo niti.”

MAZMUR 119:2

Yo di ibit tuhan nicukti ba, iba ingon titut biyai hamem gima ikan tut Nide nicukti nya ingon nggei-hi-nggei.

MAZMUR 14:2

tuhan cap kwei leu gwamti bingig niyai kep tungwatu nya. Noni nggok ser yo di ingon ki di ikuk yok biNoni.

MAZMUR 27:4

Dahara tuhan mem mun nyeng gom ngat he ba, dillei sut bipia dibong ser tuhan De Ig tereu nok ditde nghim nsi kikau ug bipek diyaijo ningwig honti. Miduun leu nide nikei-kau-keisi ei sirima bidahara Noni leu binhyepo Noni bie tut da.

NEHEI LEUSI 25:8

Ma ade limwa nya yohok prak meng gom di ipiga ei mem gima dibong ei ikieti.

YESAYA 60:1

Minu ndig Yerusalem e, ma akiju ba, apiga digai dihyeisi dini lewo No di teu na ba, angwes ngun dima Nide nipigati com kwei ba, Allah nikei-kau-keisi piga digai na tu.

YEREMIA 29:13

Jinggok Dani leu api mijingat Da lewo jiba ningon titut yam binggok Da.

DANIEL 9:3

Leu api duhuk nadi kikau bak tuhan Allah leu binhyepo Noni ngondut Nide limwa nya. Diyem njita bi mem nituti poi bidijuk sinsun kron cem ba, dikuk da bidigwam atriemti.

HAGAI 1:5

Jingig jiyai kep mun di cut igkep je nya ug e!

HAGAI 1:8

Nogindini ma jikui ug ei nungug tou nya bijikut bum kwei mem gima jibiwin Ditde Ig leu api dingon mikei sut jiyai munti dima. Tug hon nisinati dima ne mijikuk je biDa nok gi dem hanyen bu. Ma jingig jiyai kep mun di cut igkep je nya!

KISAH 11:23

Tirigi noni kwei krau bingat lo, Allah singat tut yok lene ningon llei bibor. Lene noni pingok yo dima ingonti leu binhyepo iba ingon titut yam bingon gom tut Tuhan.

KISAH 22:16

Nogindini amem kep ser mindei i? Akiju ba, ayai nitur na ei minyeiti ba, ahara Tuhan leu binhyepo Noni kwek na leu ade sisar cem.’ ”

NINDAT KEP TUHAN NICUKTI NYA 4:29

Mpe dima ne mijinggok tut tuhan di nok jide Allah ba, gino jiba jingon di gom binggok tut Noni lene mijingat Noni.