NIBOHON MBEN ISRAEL GI NIGOM 22:13 - ALLAH NIHYET MEM TUNGWATU NYA

¹³ Gino abit tuhan nikos tutti nya hagom po yai bak Musa mem mben Israel pima lene mporo ma angat ningat di kei di ntun him. Suar angon ngkiem ba, abrim angkek cem. Lene ma angon nghen ba, adigit tut mun nyeng hi di aum kep nya au.

NIBOHON MBEN ISRAEL GI NIGOM 22:13 ပူးပေါင်းရင်းမြစ်များ

NIBOU NDIG NYA GI NIGOM 2:2

“Son dideu diyaijo ningwig honti tu. Gima rino ma angon gom ba, abrim angkek,

NIBOU NDIG NYA GI NIGOM 2:3

leu binhyepo ayai igbit ade tuhan Allah nicuk nati nya hagom. Abit Nide niggai serti kin nicukti di Musa pas kep tu nya hagom leu binhyepo ningat nindig bibor mintun ayai munti nya hagom him bidem minu di aya bidem eisi nya.

NIBOHON MBEN ISRAEL GI NIGOM 28:10

Ma ayok ngon kep mungkun kei bipia tuhan dimig nani pijum ei mem gima angot ig gom mem Noni. Gima rino nogindini ma ata abou eisi ba, angot kikau biput kep.”

NIBOHON MBEN ISRAEL GI NIGOM 28:20

Leu api Nibou Ndig Daud pai bu bak nipmot Salomo “Suar aba angon ngkiem bibingwam kep midyai dima. Akinyon eisi lene ma adigit tut mun nyeng hi au. tuhan Allah di dikuk da bak mimpu na. Noni mikes nani ei bi sren. Noni minggre kin nani tut midyai ningot tuhan De Igsi dima kikau biput kep.

NIBOHON MBEN ISRAEL GI NIGOM 28:7

Gino noni bit Ditde nikos tutti kin Ditde nicukti nya hagom nok mungkun kei noyam kin gi po bit kwei bipek njap di ammani kep lene midibindei ba, ninyeng tak kepti sindem bibor bijo ninno bijo kikau.’ ”

NIBOHON MBEN ISRAEL GI NICAN 14:6

Gima rino bon nituti mem noni bon ngug tig di ngkiem bibor ser minu ndig nya hagom ei Yehuda ug a. tuhan bindei ba, nibong kei nigwam kei kieng kep nide minu mem ari bingwam poi leu ba, tungwatu nya igikon pran bit yam mem nijam dima bi.

NIBOHON MBEN ISRAEL GI NICAN 20:20

Njapti kui lene limwa timiei Yehuda nya injei mem njap tekti ba, yuug ei iggum ndigsi dideu Tekoa pima. Tirigi ikiju bimbut rin lene Yosafat sok kep yok “Timiei Yehuda kin Yerusalem jen! Ma jiba jingon com jide tuhan Allah leu api mijiya ngkiem mem gima jikon pran bit yok! Ma jice tut bijibit nabi jide nya ipingok jeti leu api mijibindei cut jide siceu nya!”

NIBOHON MBEN ISRAEL GI NICAN 26:5

Zakharia pingok kep ningonti tut Allah ningon kanti nya. Nijam di Zakharia niyaijo yo dima lene Uzia ba ningon di gom bikuk no bak tuhan kikau. Apino tuhan njei mun di kei bak noni.

NIBOHON MBEN ISRAEL GI NICAN 32:7

“Ma mimbri kui jingkek ba, jingon nddong kei. Ma jidigit tut nibou ndig mben Asyur kin nide tentara nya au. Nisindemti di ningat rin bit nyeni nindig bibor dor njiriek nisindemti di ningat rin bit noni.

MAZMUR 1:3

No dima ne ningat di kei ntun nide midyai nya hagom him noyam kin biei di hei ei minyei ntig dip ba, ngat ningat di kei bidem nijam hagom. Nimeng cem nggrou kei lene ngoi hanyen bi sren.

MAZMUR 119:6

Gino dingig ditingou mem Ade nicukti nya hagom lene midiyai nimmai drek dip bi.

MAZMUR 72:1

Doia Salomo. Allah e, ma angginau nibou ndig tut Ade nikos tutti nya. Akwas angon sren-srausi ndrim hi tut nibou ndig nipmot,

HAGAI 2:4

Mbro nok gima lo, ma jahagom jingon cut leu au! Ma jinda jo kep midyai niwin ig dimati lewo midimpu je kikau.

ZAKHARIA 8:9

tuhan pai bak Nide limwa nya “Nogindini jimiap mun nyeng di nabi nya indat kep ei mpe di iprion cou mem gima iwin Ditde Ig hanyen ei nitti leusi tu. Gima rino ma mimbri kui jingkek!

MATIUS 3:15

Noro Yesus buhup “Nok ug e. Lewo tug hon nisinati dini ne siyai mun bit leu Allah ningon kanti mem sa.” Lene Yohanes ce.

KISAH 13:22

Tirigi Allah cut Saul ninyeng nibou ndig leu lene Noni dimig Daud binok nibou ndig mem yok bu. Allah pai sut Daud ‘Jo nibreisi mem Da bipia Daud di Isai nipmot yai dingon di llei sut noni. Noni yai midyai hagom bit leu dingon kanti.’

KORINTUS GI NIGOM 16:13

Ma jiyai ngkiem bijiba jingon di nddong bingon jo kep Kristus ningginausi nya. Ma jiba jingon di nddong biyai jibou tut yo di itte tut je lene ma jiyai nisindemti.

GALATIA 6:2

Ma jahati tut yam bijikon hiter de mun di buhun tut. Tug hon nisinati dima ne jibit Kristus nicuk nyeti nya.

EFESUS 6:10

Dirop ninda ndigsi nok gini. Ma jisindui sut Tuhan ba Nide nisindemti di nindig bibor bibikum ei jide nisindemti lewo jinok gom kin Noni.

2 TIMOTIUS GI NICAN 2:1

He dipmot Timotius ug o! Suar ayai nisindemti tug hon Kristus Yesus di singat tut sa drek dip gi sinok gom kin Noni.

YAKOBUS 2:8

Gino jiba ningon di gom bibit niggai serti di ntun Allah Ninyeng Tak Kepti him gi ipas ei gi preu nitimieiti “Ma angon ngakei hiter bit leu nok angon ngakei nanti” pima lene gima igbit ri.

YOSUA 1:18

Minikes hukum nimai bikwop ei tungwa tou rino srep tut na ba, njiriek acuk noti nya hagom. Ma abindei ba, angon nddong ba, abrim angkek hak ug!”