NIBOHON MBEN ISRAEL GI NIGOM 21:7 - ALLAH NIHYET MEM TUNGWATU NYA

⁷ Allah joi sut niyai inyeng nimangti dima bi. Apino Noni kes hukum ei mben Israel dip ug a.

NIBOHON MBEN ISRAEL GI NIGOM 21:7 ပူးပေါင်းရင်းမြစ်များ

SAMUEL GI NICAN 11:27

Nijam ningon ngguk bram nimaisi dima ngwig leu su lene Daud cuk tungwatu nya leu binhyepo yuug brim Batsyeba ninda bibuwak noni kwei ei nibou ndig de igya. Lene Daud wak Batsyeba nok nitnem. Jei bi lene Batsyeba yai nipmot gom bak noni. Noro Allah ningon pus tut Daud niyai munti dima.

SAMUEL GI NICAN 15:26

Ne gino Noni joi sut da bi lene handei kon ba, Noni bibon da bit leu ningon kanti hak ug.”

SAMUEL GI NICAN 21:1

Ei nijam di Daud ninyeng tak kep mben Israel lene ninggum di buhun bibor hwen mben Israel mem nijam ari bingwam nitindur ningai. Leu api Daud hig ser tuhan bindo ningon kanti bak tut ninggum dima. Lene tuhan buhup “Diba ninggum di buhun bibor dima bihwen Israel drek dip Saul kin nide ig bei nsi nya itunggweisi tirigi igyai nimai bak mben Gibeon pima ri.”

SAMUEL GI NICAN 21:14

Leu api itig Saul Yonatan nya injum bitut ibou muhwindacan pima injum ei Saul nicig Kish nijui di jo ei Zela di keret Benyamin ide dihyei hanjop nsi. Tirigi igyai gima yok hagom bit leu nibou ndig nicuk yokti tu lene Allah buhup ide nadi di ingat mem ide minu dima.

SAMUEL GI NICAN 24:1

Mpe di gom bu ne tuhan gga mben Israel apino Noni bindei ba, mun di buhun bibor cut igkep yok drek dip Daud ningon kanti. Nok rino tuhan pai binoni “Apas kep tentara Israel kin Yehuda nya inyeng ba, akwop imangti.”

SAMUEL GI NICAN 24:10

Noro tirigi Daud bindei ba, Yoab nya ipas kep limwa dima imangti leu su rino ningon huk niti bikan lo, bon mun tunggwei sut tu. Leu api hara bak tuhan bipai “tuhan e, dibon sisar nindig bibor tu! Nnaba akos ser ditde sisar lewo diyai munti dima bindo tut dingon di mbum bibor.”

NIBOU NDIG NYA GI NIGOM 15:5

tuhan yai nok gima drek dip Daud po yai mun bipwoi tuhan ningon pima. Daud bon mun tunggwei tuhan nicuk noti nya bi. Noro nitunggwei sutti gom rino munhyet po kim Uria di mben Het pima.

NIBOHON MBEN ISRAEL GI NIGOM 21:14

Leu api tuhan ba nsuwer ajar di buhun bihwen mben Israel bibindei ba, ibou sribu ningot muhwindacan imai hak ei ikieti.

NIBOHON MBEN ISRAEL GI NIGOM 21:6

Noro Yoab kwop keret Lewi kin Benyamin imangti bi drek dip gi po noni joi sut nibou ndig nicuk noti pima bi.

NIBOHON MBEN ISRAEL GI NIGOM 21:8

Lene Daud ngat nadi bak Allah bipai “Allah e, dibon sisar nindig bibor tu. Diba ningon di mbum bikwop limwa nya imangti. Gima rino ma akos ser ditde nibon mun tunggweisi dima!”

YOSUA 7:1

tuhan pai bak mben Israel tu bipia suar ibindei sar ndigban hagom ei minu ndig Yerikho bihigom lene ma igyai mun nyeng gom mem yonti au. Noro ibit nicukti dima bi. Apino tuhan gga limwa mben Israel bibor drek dip pinai gom di ninyeng Akhan bon mun tunggwei nicukti dima. (Akhan nicig ninyeng rino Karmi ba, nignyon ninyeng rino Zabdi leu Zerah ninsi de ei keret Yehuda.)

YOSUA 7:13

Yosua e? Akiju ba, aya hak ug! Lene ma abindei kwes limwa mben Israel yahagom leu binhyepo itin ei mem gima ikwei ya ei Doho bei. Acuk yok bipia suar itin ei mem njap di hyep lewo Da di dinok ide tuhan midipai biyok ‘Mben Israel jen! Ndigban po dicuk je bipia suar jibindei sar pima hi no jo bit je yo. Gino jicom ndigban dima yok bi lene bit bon jahau mem gima jikon pran bit siceu nya cem kan bi!’

YOSUA 7:5

Lene timiei minu ndig Ai nya ikiju ba, yuhuk yok leu dimbou pmem ei minu ndig Ai nuhui kikau ug ei tig bata nibousi gom. Tentara Israel inang bijuk kwei leu minu ndig Ai lene timiei minu ndig Ai igyai nimai bak ibou ningot ningai ba, muhwindagom. Apino mben Israel ingon mbut-mbut nyen ba, idigit tut cem.