NIBOHON MBEN ISRAEL GI NIGOM 21:27 - ALLAH NIHYET MEM TUNGWATU NYA

²⁷ Leu api tuhan cuk malaikati pima bijus nide simeda hanyen ei nahamti. Lene noni yai igbit tuhan nicukti dima.

NIBOHON MBEN ISRAEL GI NIGOM 21:27 ပူးပေါင်းရင်းမြစ်များ

IBRANI 1:14

Gi nok lene malaikati nya ingat rin mem mindei i? Yoni ne ninnei di inok awak mem Allah. Noni cuk yok leu binhyepo yahati tut tungwatu nya di igyai niteu leu sisarti kin niyaijo nijep.

YOHANES 18:11

Noro Yesus mbrua ser Petrus “Ajus ade simeda hanyen ei nahamti hak ug! Akan bipia midiyai ninghuisi wei di Dicig yai biDa bi e?”

MATIUS 26:52

Noro Yesus mbrua ser noni bipai “Ajus ade simeda hanyen ei nahamti hak ug. Lewo yo di iba simeda bikon pran yahagom mitug ndei nimai tug hon simeda hanyen.

YEHEZKIEL 21:30

Je di mben Amon e, jijus jide singau simeda hanyen ei nahamti! Midimbus jingonti ei mpia di dipai tes je kin mpia di jisrek eisi cem.

YEREMIA 47:6

Jahara ‘tuhan de singau simeda e, ma ahwen nye bipek apig bu i? Ma angkwei hanyen ei ahamti ba, agwam kep anghuisi ei sirima hak ug!’

MAZMUR 103:20

Je di malaikati di jisindem di jibit nicukti nya ba, jingig jitingou mem nihyet cem e, ma jinggei sut Noni.

NIBOHON MBEN ISRAEL GI NIGOM 21:20

Mpe dima lene Arauna kin nipmot bat nya ibou bitai no igya kep gandum di ico kep ei ig gudan pima. Tirigi ingat malaikati dima lene Arauna nipmot bat pima yok inang biku yok.

NIBOHON MBEN ISRAEL GI NIGOM 21:12

Ajoi sut gima tuhan ba ninggum di buhun bibor bihwen Israel kikau mem nijam ari bingwam ningai e, he ma siceu nya yuhuk na ba, anang-nang nyen kikau mem nijam bed ningai e, he ma tuhan ba nide malaikati di ba nide simeda di nok nsuwer ajar di buhun di ttei nimai bimbut tut ug ei tirima-tirima bihwen ade limwa nya ei minu dini hagom kikau ei ninsi njap ningai e? Suar adimig mun nyeng gom leu mun nyeng ningai dima ei nogindini leu binhyepo dipai sut abuhupti hanyen bak tuhan.”

SAMUEL GI NICAN 24:16

Tirigi tuhan de malaikati di bindei nsuwer ajar hwen yo dima kwei krau Arauna di timiei minu ndig Yebus de ig gudan di illet gandum ninjep leu nisina bai kikep eisi ei minu ndig Yerusalem lene tuhan ngat lo, malaikati dima tin ei mem gima bindei sar timiei minu ndig dima cem ri. Lene Noni luei ningonti tut nikos tutti ba, kes ninda tut gi ba nsuwer ajar bihwen yo dima bipai bak malaikati dima “Dem tu! Akes hon hak ug!”

NIBOHON MBEN ISRAEL GI NIGOM 21:26

Noni win nimbar hum dok gom mem tuhan eisi leu api bibon midut nindig mindhe titut kep humti kin nibon midut nibiyai ningon kwes kin Allahti cem eisi. Leu api bingat nadi bak tuhan. Apino tuhan buhup nadi dima tug hon nisinati dino pinak hum kwei leu mpia-bbed him biyem mindhe-ndhe di ibui di ikes ei nimbar hum dokti dip pima bingwig.

NIBOHON MBEN ISRAEL GI NIGOM 21:28

Tirigi Daud ngat lo, tuhan buhup nide nadi tug hon nibon midut ei nimbar hum dokti dima tu lene noni bon midut nindig mindhe-ndhe titut hi kin bu kep humti pima bak tuhan.