NIBOHON MBEN ISRAEL GI NIGOM 21:26 - ALLAH NIHYET MEM TUNGWATU NYA

²⁶ Noni win nimbar hum dok gom mem tuhan eisi leu api bibon midut nindig mindhe titut kep humti kin nibon midut nibiyai ningon kwes kin Allahti cem eisi. Leu api bingat nadi bak tuhan. Apino tuhan buhup nadi dima tug hon nisinati dino pinak hum kwei leu mpia-bbed him biyem mindhe-ndhe di ibui di ikes ei nimbar hum dokti dip pima bingwig.

NIBOHON MBEN ISRAEL GI NIGOM 21:26 ပူးပေါင်းရင်းမြစ်များ

IMAM NYA IDE MIDYAI 9:24

Jei bi lene tuhan pinak nide hum kros kwei bibindei hum dima yem mindhe titut kin nimmau hagom ei nimbar hum dokti bingwig. Tirigi yo dima ingat mun di mindur dini lene yahagom ikon ighyet nok gom leu api yom yok biba ingwak bikik mpia.

NIJAM NIKEI NYA 6:21

Lene malaikati dima su nide tom bingget mikwau kin roti dima. Nok rino hum di cig-cai sror kros kwei leu tig mma dima ninsi ba, yem mikwau kin roti hagom bingwig. Lene malaikati nonti cem pror hak.

NIPINGOK NINGONTI 15:8

tuhan joi sut yo di ingon kwes kei nya ide nadi noro ningon mpo tut midut di yo di isibut nya ibon ei nimbar hum dokti nya.

NIBOU NDIG NYA GI NIGOM 18:38

Ngat nadi nok rino tuhan kes hum di ninjeng srei kwei leu mpia-bbed him kros leu api hum dima yem sapi ninghui kin biei hum kin tig nya hagom leu api cig-cai ug ei dihyei ninjek dip bibindei ba, minyei di jo got nsi pima hagom pingge.

YEREMIA 33:3

“Ahara Da leu api midibuhup ahyet. Midimbot kep tut mun di kei-kau di biyai ningon nggap leusi di akan tut bi sren nya bina.

YESAYA 65:24

Nipou tirigi ingat nadi bingwig bigyo lene midibuhup ighyet. Nipou tirigi ikes ighyet hon ba, ingat nadi bingwig bigyo lene midibirop hanyen biyok.

MAZMUR 99:9

Ma jikon ide tuhan Allah ninyeng bijo anai. Jikuk je biNoni ei Nide mbigdip di Noni dimig ei mem Nonti lewo ide tuhan Allah ningon kwes-kwau.

MAZMUR 91:15

Tirigi yahara Da lene dibuhup ighyet. Tirigi mun di buhun cut igkep yok lene Dingat rin bit yok biditeu yok bingwes ngun ba, dikon inyeng cem.”

MAZMUR 51:15

Leu api miditri tut Ade nicuk nyeti nya bak yo di ibon sisar nya leu api yoni mingkwei hanyen leu puig srawir ndam Na hanyen bu.

NIBOHON MBEN ISRAEL GI NICAN 7:1

Tirigi Nibou Ndig Salomo ngat nadi leu su rino hum cut leu mpia-bbed him biyem mindhe-ndhe di ibui mem gima ibikuk yok bak tuhan hagom. Leu api nipigati di piga kei di bindo tut tuhan ningat rin ei gumihyep dima kieng kep tuhan De Ig titut yam.

NIBOHON MBEN ISRAEL GI NICAN 3:1

Nibou Ndig Salomo kos tut ei su bipia mingot tuhan De Ig ei minu ndig Yerusalem ei Nungug Moria ninggram him ei mpia di Arauna di mben Yebus de ig gudan di co kep gandum kikep eisi. Mpe dima lene Nibou Ndig Salomo kinyon ei tuhan De ig dimati bingot,

NIBOU NDIG NYA GI NIGOM 18:24

Lene ma Baal de nabi nya ingat nadi bak ide kwar Baal di ikuk yok bak leu api midingat nadi bak tuhan. Gi hi di buhup ighyet tug hon gi pinak hum kwei leu mpia-bbed him kwei ne Allah nijit ri.” Lene mben Israel yahagom imbos-hi-mbos bipai “Nice tut ade nicuk nyeti!”

NIJAM NIKEI NYA 13:20

Hum di cig-cai sror kui leu tig di nok nimbar hum dok dima lene tuhan de malaikati cem kui ug ei gwamti srig hum njeng dimati. Tirigi Manoah nya ingat gima tu lene iba ingwak bikik dihyei.

NIBOHON MBEN ISRAEL GI NIGOM 21:27

Leu api tuhan cuk malaikati pima bijus nide simeda hanyen ei nahamti. Lene noni yai igbit tuhan nicukti dima.

MBEN ISRAEL IMBUT-MBUT NYEN 16:50

Tirigi nsuwer ajar dima kes hon lene Harun ngkwei hanyen ndam Musa bigya kui dimbou ei tuhan De Prak Meng nuhui a.