NIBOHON MBEN ISRAEL GI NIGOM 21:23 - ALLAH NIHYET MEM TUNGWATU NYA

²³ Noro Arauna buhup bak “Nok bi! Na Di Anyeng Jei ayai dihyei dini hak ba, abon mun di Na Di Anyeng Jei akan tut bipia kei mem nye eisi hak ug. Disindui sut sapi dini yok cem mem nibon midut nindig mindhe titut kep humti. Lene ma Na Di Anyeng Jei ayai biei sra di dibikinding mem gandum di dico kep eisi dini nok biei hum a. Lene abiyai gandum cem mem nibon midut njita nibipai sigyo bak Allahti cem. Dikwas mun dima yok hagom mikuisi tut Na Di Andigpoi hak ug. Ma akou kep da au.”

NIBOHON MBEN ISRAEL GI NIGOM 21:23 ပူးပေါင်းရင်းမြစ်များ

NIBOU NDIG NYA GI NIGOM 19:21

Elisa ngkwei hanyen bibui nide sapi nya lene ba biei di prion ei inggibi dip pima bindig hum leu api bam mikwau kep. Noni kwas mikwau dima hagom tut nisut bat di igyai midyai bit noni leu api igyem hagom bingwig. Gima ngwig lene ba no bikum Elia bahati tut noni.

NIBOHON MBEN ISRAEL GI NIGOM 21:22

Lene Daud pai bak “Dijoi sut diwin nimbar hum dok mem tuhan ei mpia dini leu binhyepo nsuwer ajar dini mikes leu nye. Gima rino ma atri mpia ttou nsi gom dini bida. Apai igbit nibok bida ug leu api dipek leu na.”

NIBOHON MBEN ISRAEL GI NIGOM 21:24

Noro nibou ndig buhup “E bi! Midipek gima yok hagom leu na, dem igbit nibok a. Lewo midikwas mun di nani anyeng tut nya kin mun di ditug ndei mikuisi tut tuhan bi sren.”

YEREMIA 32:8

Leu api Hanameel kwei ngat da ei nibou ndig de mpia di jo bas hak pima ba, hara da leu binhyepo dipek nide dihyei hanjop nsi dem igbit tuhan nipaisi. Gima rino diba dingon com bipia tuhan nimbrap bit dati pima ne igbit ri.

SAMUEL GI NIGOM 6:14

Sapi nya ibrim kroba dima bikwei ya simiak tig nindig bibor ei beisi gom di niceu ne Yosua di timiei Bet-Semes. Leu api timiei minu dima inggek kroba bibui sapi nya cem ba, ibon midut nindig mindhe titut kep humti bak tuhan.