NIBOHON MBEN ISRAEL GI NIGOM 21:22 - ALLAH NIHYET MEM TUNGWATU NYA

²² Lene Daud pai bak “Dijoi sut diwin nimbar hum dok mem tuhan ei mpia dini leu binhyepo nsuwer ajar dini mikes leu nye. Gima rino ma atri mpia ttou nsi gom dini bida. Apai igbit nibok bida ug leu api dipek leu na.”

NIBOHON MBEN ISRAEL GI NIGOM 21:22 ပူးပေါင်းရင်းမြစ်များ

NIBOU NDIG NYA GI NIGOM 21:2

Mpe di gom lene Ahab ug pai bak Nabot “Ma akwas ade ba anggur nghousi dima tut da leu binhyepo diyai miai eisi lewo jo dideu ditde ig. Gino ace tut lene midiba ba anggur nghousi hiter di kei bibor kei biluei ade ba anggur nghousi dima. Gi bi lene midiba mitiei di dem bipek leu nani hak ug.”

SAMUEL GI NICAN 24:21

“Mindei rino Na di Anyeng Jei akwei sut i?” Lene Daud buhup “Dikwei pek ade ig gudan dini ba, diwin nimbar hum dok mem tuhan eisi leu binhyepo nsuwer ajar kes leu nye.”

MBEN ISRAEL IMBUT-MBUT NYEN 25:8

leu api buhuk bram pinai kin sop pima ug ei prak meng nsi leu api ba micim dima bidat cin dima kin yam. Tug hon nisinati dima lene nsuwer ajar di sindi hwen mben Israel dima kes hon.

MBEN ISRAEL IMBUT-MBUT NYEN 16:48

Apino nsuwer ajar dima kes hon ba, Harun no ya hacan ei yo di igyaijo nya kin yo di imai su nya ikieti.

NITRITI 50:10

Tirigi ikwei krau gumihyep di tungwatu nya ibui gandum ngan eisi ei Goren-Haatad ei Yordan nyai nite dima ug lene ipim kui jei sut nimai. Lene Yusuf bon midut ningon ngguk ei mpia dima kikau mem mmun-njap muhwindacan.

NIBOHON MBEN ISRAEL GI NIGOM 21:21

Arauna ngat Daud di kwei lene kiju buug ngat noni leu api kuk no biba ningwak bikik mpia ei Daud noho bei.

NIBOHON MBEN ISRAEL GI NIGOM 21:23

Noro Arauna buhup bak “Nok bi! Na Di Anyeng Jei ayai dihyei dini hak ba, abon mun di Na Di Anyeng Jei akan tut bipia kei mem nye eisi hak ug. Disindui sut sapi dini yok cem mem nibon midut nindig mindhe titut kep humti. Lene ma Na Di Anyeng Jei ayai biei sra di dibikinding mem gandum di dico kep eisi dini nok biei hum a. Lene abiyai gandum cem mem nibon midut njita nibipai sigyo bak Allahti cem. Dikwas mun dima yok hagom mikuisi tut Na Di Andigpoi hak ug. Ma akou kep da au.”

NITRITI 23:9

leu binhyepo noni mitri hak mihyeti ei Makhpela ei nide ngoi dum ninghas him bida. Lene ma noni tri bida bou jahagom jiyai him bit leu nok nibok di joti. Lene midijem mpia dima bou da nok jui dip mem ditig ditnem ningut eisi.”