NIBOHON MBEN ISRAEL GI NIGOM 21:15 - ALLAH NIHYET MEM TUNGWATU NYA

¹⁵ Leu api tuhan pinak malaikati gom bipi bibindei sar minu ndig Yerusalem cem. Tirigi malaikati dima ug biya dideu Arauna di mben Yebus de ig gudan di co kep gandum eisi lene tuhan nggek ningonti tut nikos tutti bak mben Israel pima. Lene pai ser malaikati dima “Cobi ba, akes hon!”

NIBOHON MBEN ISRAEL GI NIGOM 21:15 ပူးပေါင်းရင်းမြစ်များ

NITRITI 19:13

Lewo minicok tut minu ndig dini ningwig ug ri. Timiei minu ndig dini inghapti di kinei bibor tibim ei tuhan nitingou nsi tu ba, Noni cuk nye kwei leu binhyepo nicok tut Sodom bihigom.”

NITRITI 6:6

ningon ngkwei leu gi po pai tes yok di kes yok bikieng kep dihyeisi pima ba, nso Nonti tut.

SAMUEL GI NICAN 24:16

Tirigi tuhan de malaikati di bindei nsuwer ajar hwen yo dima kwei krau Arauna di timiei minu ndig Yebus de ig gudan di illet gandum ninjep leu nisina bai kikep eisi ei minu ndig Yerusalem lene tuhan ngat lo, malaikati dima tin ei mem gima bindei sar timiei minu ndig dima cem ri. Lene Noni luei ningonti tut nikos tutti ba, kes ninda tut gi ba nsuwer ajar bihwen yo dima bipai bak malaikati dima “Dem tu! Akes hon hak ug!”

SAMUEL GI NICAN 24:18

Lene Nabi Gad kwei ngat Daud mem njap dima bipai bak “Na di Anyeng Jei e, suar akui ug ei Arauna de ig gudan di illet gandum ninjep leu nisina bai kikep eisi ba, awin nimbar hum dok mem tuhan ei sirima.”

NIBOU NDIG NYA GI NIGOM 19:4

leu api mbut nimig kikau mem njap nitindur gom ug ei iggum ndigsi. Noni kuk no bigwam ei biei ndig behei gom leu api joi sut um nimai hak ug ba, ngat nadi bipai “tuhan e, cobi! Ayai dinnei leu da hak ug lewo diyai munti nya kei bibor dor njiriek didigup bat-didigai bat nya igyai munti nya bi.”

NIBOHON MBEN ISRAEL GI NICAN 3:1

Nibou Ndig Salomo kos tut ei su bipia mingot tuhan De Ig ei minu ndig Yerusalem ei Nungug Moria ninggram him ei mpia di Arauna di mben Yebus de ig gudan di co kep gandum kikep eisi. Mpe dima lene Nibou Ndig Salomo kinyon ei tuhan De ig dimati bingot,

MAZMUR 78:38

Noro Allah ngondut Nide limwa nya bikos ser ide sisar leu ba, bindei sar yok bi. Noni om kep niggati bitak kep ningon sibui sut yokti bikwop.

MAZMUR 90:13

tuhan e, angon sibui sut nye apig bu i? Ma aluei angonti ba, angondut ade awak di nyeni o.

NEHEI LEUSI 32:14

Lene tuhan ningonti nggek ba, Noni kes mun di buhun bibor pima bicut igkep Nide limwa nya bit leu nok nipaisi pima bi.

NEHEI LEUSI 9:28

Ma angat nadi bak Noni mem nye! Nyeni nitug ndei hukum nidut di cut igkep nye tug hon kru di cut kin biget di mbras nok tig njep dem tu. Cobi! Midikes je bijimbut bijingwes ngun hak ug. Mijibong kep minu dini bu bi.”

YEREMIA 26:18

“Tirigi Hizkia ninyeng tak kep minu Yehuda lene Nabi Mikha leu Moresyet tri tut tuhan Di Sindem Bibor nihyet bak yo dima, ‘Tungwatu nya miba sapi bikkin dihyei Sion noyam kin yo di igyai miai. Minu ndig Yerusalem mitti binok ig kum kroi ba, mbigdip di iwin tuhan De Ig eisi dini minok baham tindurti.’

YEREMIA 26:9

Nggon rino aba tuhan ninyeng bitri tut bipia mun di cut igkep Silo micut igkep tuhan De Ig dini ba, minu ndig dini mitimek bingwig apino hi mibong ser bu bi cem i?” Lene tungwatu ningot ndig ingwig kep da.

YEREMIA 7:12

Ma juug ei Silo. Minu ndig di didimig ei mem gima jikuk je biDa eisi. Ma jingig jiyai kep hukum di dikes ei Ditde limwa nya dip drek dip ide sisar di ibon ei mpia dima bou jiyai him.

AMOS 7:3

Lene tuhan luei ningonti bipai “Mun di angat dima micut igkep yok bi.”

AMOS 7:6

Lene tuhan luei ningonti bipai “Mun di angat dima cem micut igkep yok bi.”

YUNUS 3:10

Allah ngat bou niyai him bipia igyai mun di igbit ba, ittin ser igyai munti di kinei bibor nya hagom. Gima rino Noni luei ningonti bikes hukum ei yok dip bit leu nok nikos tutti bi.

YUNUS 4:2

Lene noni ngat nadi bipai “tuhan e, tirigi dijo leu ditimieisi bigyo ne dikan tut bipia mporo abindei ba, timiei minu ndig Niniwe mittin ser ide sisar. Dikan tut bipia angondut tungwatu nya ba, angon nggriu sut yok. Aom angon tut yok ba, asingat tut yok leu api atin ei mem gima aluei angonti tut hukum di akes ei yok dip. Apino bitig dino dinang leu Ade nicuk dati leu api dinang ug ei minu Spanyol leu a.

MARKUS 14:41

Tirigi Noni kwei ngat yok nimbiningai bu lene hig ser yok “Jibong mai kep jinghuisi kikau e? Cobi! Tto bou dem mem tungwatu nya itri Munggwom Tungwatu Nipmot ei yo di isibut nya indati tu.

KORINTUS GI NIGOM 10:10

Harin dima ilua sok nok gi yoni ilua sok a. Lewo Malaikati di ninyeng tak kep Nimai bindei ba, imai drek dip.

NIJAM NIKEI NYA 10:16

Leu api icom kwar nya hagom. Leu lene ikuk yok bak Allah hanyen bu. Apino Allah ngig niyai kep yok bingat mun di buhun tak yoni lene ngondut yok.

NIJAM NIKEI NYA 2:18

Tirigino tuhan dimig mben Israel ide nibou gom ei bimpu noni leu binhyepo bie tut yok biteu yok bingwes ngun leu ide siceu nya lene yahagom ibong kei igwam kei kikau bibou nibou dima mai leu yok ug e. Ei nijam dima ne tuhan ngondut mben Israel lewo ingon buhun tut ide siceu di imbuk tut yok bico kep yok.

SAMUEL GI NIGOM 15:11

“Dinso Danti tut gi didimig Saul nok nibou ndig lewo noni kiek noho ter leu Da ba, bit ditde nicuk noti bi.” Lene Samuel ningon buhun bibor ba, ngat nadi bibidip huk Allah kikau mem mmun dima.