NIBOHON MBEN ISRAEL GI NIGOM 21:12 - ALLAH NIHYET MEM TUNGWATU NYA

¹² Ajoi sut gima tuhan ba ninggum di buhun bibor bihwen Israel kikau mem nijam ari bingwam ningai e, he ma siceu nya yuhuk na ba, anang-nang nyen kikau mem nijam bed ningai e, he ma tuhan ba nide malaikati di ba nide simeda di nok nsuwer ajar di buhun di ttei nimai bimbut tut ug ei tirima-tirima bihwen ade limwa nya ei minu dini hagom kikau ei ninsi njap ningai e? Suar adimig mun nyeng gom leu mun nyeng ningai dima ei nogindini leu binhyepo dipai sut abuhupti hanyen bak tuhan.”

NIBOHON MBEN ISRAEL GI NIGOM 21:12 ပူးပေါင်းရင်းမြစ်များ

SAMUEL GI NICAN 21:1

Ei nijam di Daud ninyeng tak kep mben Israel lene ninggum di buhun bibor hwen mben Israel mem nijam ari bingwam nitindur ningai. Leu api Daud hig ser tuhan bindo ningon kanti bak tut ninggum dima. Lene tuhan buhup “Diba ninggum di buhun bibor dima bihwen Israel drek dip Saul kin nide ig bei nsi nya itunggweisi tirigi igyai nimai bak mben Gibeon pima ri.”

NIBOU NDIG NYA GI NIGOM 17:1

Mpe di gom lene nabi Elia leu Tisbe ei hanjop Gilead ug pai bak Nibou Ndig Ahab “Andigpoi e, dinok awak mem mben Israel ide tuhan Allah di niyaijo. Dipai tug hon Nonti ninyeng bipia hon kep ammani kui lene mpia ngei ndung ba, nggou mipren leu dihyei ninjek dip kikau mem ari bingwam can ningai dini kui bibo danti dipai sut hanyen ug e.”

NIBOU NDIG NYA GI NICAN 19:35

Himmun dima ne tuhan de malaikati gom kwei ya bidem tentara Asyur ide prak meng yati bihwen ibou sribu sratus ningot muhwindaningai sribu muhwi ba, imai. Njap dihyep bu lene nimbiam nya jo sinsiou bidem mpia dima hagom.

NIBOU NDIG NYA GI NICAN 8:1

Mpe di gom ne tuhan ba ninggum di buhun bibor bihwen mben Israel kikau mem nijam ari bingwam nitindur muhwindacan. Tirigi ninggum di buhun bibor dima cut igkep yok bigyo lene Elisa mbot kep tut gima bak sop timiei Sunem po nipmot mai pima lo, Elisa win bikiju hanyen leu nimai eisi tu. Elisa mbot kep tut gima lene bidip huk noni leu binhyepo pri tut nide ig bei nsi nya biyuug ei minu hiter ug e.

NIBOHON MBEN ISRAEL GI NIGOM 21:11

Leu api Gad ug ngat Daud bindat kep tuhan nihyet dima bak bipai “Gi tou rino adimig i?

MAZMUR 91:6

kin nsuwer ajar di hwen tungwatu nya mem nidinditi kin yo di isibut nya di ihwen kikep tungwatu nya mem mpia nicomti bu bi.

NEHEI LEUSI 12:23

Tirigi tuhan ya bidem minu Mesir nisurti-nipekti biyai nimai bak mben Mesir lene Noni mingat domba dima ninggrom ei jide ighyei cin kin dimbou hui kin biei njiti di jo nai dimbou hui bou niyai him apino minjiriek jide ig dima yok. Noni misindui sut Malaikati Di Bindei Nimai coi ug ei jide ig dima biyai nimai bije bi.

YESAYA 66:16

Lewo Noni miba hum kin singau simeda bikes hukum ei yo di ide nitunggweisi nya jo brei niyai him dip apino imang bibor di itug ndei hukum dima imai drek dip.

YEREMIA 12:12

Siceu nya di ikwei leu nungug him ibikwam ug ei iggum ndigsi mem gima ipos ndigban. Dibindei ba, pran cut lene diba pran dima binggek minu titut yam. Apino tungwa hi dima bong kei gwam kei bu bi.

YEREMIA 42:16

“Pran kin ninggum di jittin tut dima muhuk bram je kikau ug ei minu Mesir bijimai ei minu dima.

YEREMIA 47:6

Jahara ‘tuhan de singau simeda e, ma ahwen nye bipek apig bu i? Ma angkwei hanyen ei ahamti ba, agwam kep anghuisi ei sirima hak ug!’

NIBWOS-BWOS NYENTI 4:9

Yo dima icut ei nikineiti ba, inyohou tug ndei nimai poi mien bijo kep yok kikau lewo ide njita hi bi bibor o! Yo di igyai nimai didiyam tug hon nikon pranti nya itug ndei mun di kei dor njiriek yo di imai inggum nya o!

IMAM NYA IDE MIDYAI 26:10

Njita ngat di mpung bipias hagau mintun him jide miaisi nya ba, mijiyem kep njita dima kikau mem nijam ari bingwam nitindur gom. Nipek kepti dima mibindei ba, jicom njita ningat gi nitimiei di jike kin yam leu leu binhyepo bon ningwakti mem gima jinju njita ningat di sindi ntun him hagom eisi bu.

IMAM NYA IDE MIDYAI 26:17

Midikes hukum ei jeni dip apino jide siceu nya mibindei timek jeni. Lene yo di isibut tut jeni nya minyeng tak kep je. Mbro nok gino hi huk je bi lo, jingon ttin apino jinang-nang wai.

LUKAS 4:25

Ma jintu kep dihyet. Tirigi Nabi Elia niyaijo lene mpia ngei kikau mem ari bingwam ningai apino ninggum nindig bibor hwen tungwatu nya bidem minu dima hagom. Mpe dima ne sop kibom mben Israel wer imang bibor yo rinaha.

KISAH 12:23

Hammi tirigi ikon ighyet nok rino Tuhan de malaikati gom tot Herodes kros lewo noni nggei sut Allah Nongkom he bi. Apino nji nya isui ningut bibindei ba, mai hak ug.

NINDAT KEP TUHAN NICUKTI NYA 28:15

“Noro gino jibit jide tuhan Allah nihyet ba, jiba jingon di gom bibit nicuk jeti nya kin nikos tutti nya di diyai bije njap di ammani hagom bi lene nisigionti dini yok hagom micut igkep jeni.

NINDAT KEP TUHAN NICUKTI NYA 28:22

tuhan mibindei ba, ninggwenti di kieng kep tungwatu nya yahagom micut igkep jeni ba, jidwoi-dwoi nyen ba, jingkek dut bibor cem. Noni mibindei ba, ngei ndung cut bihwen mun di hagom bi ngak-cai cem hou di bindei ngkiong mun nyeng hagom mihwen jide gandum di ningat ntun him tu hagom bikinei bingwig. Mun di buhun bibor dima yok micut igkep je kikau ba, jibisar kep.

NINDAT KEP TUHAN NICUKTI NYA 28:25

Gino jibit jide tuhan Allah nicuk jeti nya bi lene Noni mibindei ba, jide siceu nya ibindei timek jeni. Mijibrim jimig sindem bibor ug ndam yok leu binhyepo jicut igkep yok noro mijinang sinsiou leu yoho bei. Tungwatu dihyeisi dini hagom di ingat mun di buhun di cut igkep je dima midigit tut.

NINDAT KEP TUHAN NICUKTI NYA 28:27

tuhan miba buhwei nya bihwen jeni noyam kin gi po bibon bak mben Mesir pima tu. Bras di ullen kin kudis mikieng kep jingkek dip lo, obat hi mem bi.

NINDAT KEP TUHAN NICUKTI NYA 28:35

tuhan mibindei ba, bras yem jimig ba, bit bon jikei hanyen kan bi. Buhwei cem micom jingkek dip leu jimig jou kikau ug bipek jibou nggram him.