NIBOHON MBEN ISRAEL GI NIGOM 20:8 - ALLAH NIHYET MEM TUNGWATU NYA

⁸ Ibou ningai di Daud nya igyai nimai biyok dima ne yo di ingut anjan ndig ngat di intun timiei Gat di ingut anjan ndig ngat him ri.

NIBOHON MBEN ISRAEL GI NIGOM 20:8 ပူးပေါင်းရင်းမြစ်များ

SAMUEL GI NICAN 21:16

Leu api tentara anjan Yisbi-Benob tau kwei. Nide micim dima ne micim di iba ngkimom-tembaga bibon di nibuhunti kilo ningai biniken ri. Noni kri simeda di nijep-jau gom kin nintig bou bikan bipia miyai nimai bak Daud hak.

SAMUEL GI NICAN 21:22

Ibou bitai di Daud ya tut nide nimpung nya di igyai nimai biyok dima ne yo di intun keret anjan nya him ei Gat ri.

NIBOHON MBEN ISRAEL GI NIGOM 20:7

Lene noni kiju bisrep huk mben Israel. Gima rino Yonatan di Daud nikindig Simea nipmot kiju bihwen noni bimai hak.

NIBOHON MBEN ISRAEL GI NIGOM 21:1

Jei bi lene Bilis joi sut bindei ba, mun di buhun micut igkep mben Israel. Gima rino pingok ei Daud ningonti leu binhyepo pas kep nide limwa nya inyeng bikan tut imangti.

NIBA NINGON SRIP HUKTI 9:11

Dingat hi kin bu bou diyai him ei dihyeisi dini. Ibinang yam ne mpe hi no di dor sindem ug krau nipekti bibie bi. Ikon pran ne mpe hi no di mimbri kui ningkek bindei sar nide siceu bi. Mpe hi no di ningon ki tug ndei mun di bahati tut nonti bi. Mpe hi no di nintin kimbo nyeng tut mitiei nindig bibor bi. Mpe hi no di ninda bit hou tug ndei ninyeng di jei bi. Lewo mpe hi ne mun di buhun cut igkep tungwatu nya yahagom.

YEREMIA 9:23

Lene tuhan pai “Ma yo di ingon ki nya illei sut ide ningon kiti au. Ma yo di isindem nya illei sut ide nisindemti au. Ma yo di inyeng nya illei sut mun di inyeng tut nya au.

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?

YOSUA 14:12

Gima rino ma akwas minu ndig nya ei nungug him po tuhan preu ei mem da mpe di po dani kin ditde limwa nya ningkwei hanyen binitri tut mun di ningat bou nyenti niyai him pima tut da. Mpe dima lene nitri tut bina bipia mben Enak di anjan bibor ingat rin ei mpia dima. Yoni ibong ei minu ndig ngat di ibon ngug tig ser. Mpaba tuhan mimpu da ba, midijji yok dem igbit tuhan nitto ei bidati pima.”