NIBOHON MBEN ISRAEL GI NIGOM 2:51 - ALLAH NIHYET MEM TUNGWATU NYA

⁵¹ Hur nipmot gi nican di Salma win minu ndig Betlehem lene nipmot gi niningai di Haref win minu ndig Bet-Gader.

NIBOHON MBEN ISRAEL GI NIGOM 2:51 ပူးပေါင်းရင်းမြစ်များ

NITRITI 35:19

Niabiati tirigi Rahel mai leu su lene nide bat nya itig ei simpak di bie ug ei Efrata ninghas him bijem mpia dima ninyeng Betlehem.

NIBOHON MBEN ISRAEL GI NIGOM 2:50

Kaleb de nintun him di bram yam nya hi kin bu yo rinaha. Kaleb kin nitnem Efrat igyai ipmot mighumbou di ninyeng Hur. Hur yai nipmot Syobal di win minu ndig Kiryat-Yearim.

NIBOHON MBEN ISRAEL GI NIGOM 2:52

Syobal di win minu ndig Kiryat-Yearim pima ne pung di mben Haroe kin timiei Menuhot nite hi,

MATIUS 2:1

Maria srek tut Yesus ei minu mien Betlehem ei hanjop Yudea mem nijam di Herodes ninyeng tak kep mben Yahudi. Mpe dima cem andigpoi di ingon ki tut ham mpia-bbed him nya ibou poi ijo leu mpia nipriti bikwei krau minu ndig Yerusalem.

MATIUS 2:6

‘He minu mien Betlehem ei hanjop Yudea e, anyeng mitibim nok minu mien he ei minu Yehuda bu bi. Lewo nibou di ninyeng jei mijem nitimieisi leu ade minu mien leu api Noni mibie tut Ditde mben Israel.’ ”

YOHANES 7:42

Allah nihyet pai ‘Nibou Ndig di teu tungwatu nya biyai niyaijo nijep biyok ntun Nibou Ndig Daud him ba, nipmem srek tut Noni ei minu ndig Betlehem di Daud nitimieisi.’ ”

SRAT RUT 1:1

Habiei mimbrek tu nipou tirigi nibou ndig hi ninyeng tak kep mben Israel bigyo lene ninggum nindig bibor kieng kep minu Kanaan. Gima rino timiei gom leu hanjop keret Yehuda di bong ei Betlehem kin nitnem kin nipmot bat nya ibou can yahagom yuug bong ingkiaisi ei minu Moab.

SRAT RUT 1:19

Lo bi lene yahacem imbut kikau ba, yuug krau Betlehem. Tirigi icoi ug ei minu dima lene timiei nya yahagom itri tut biyam. Lene sop timiei nya ihig yam “No dima ne Naomi nijit rin e?”

SRAT RUT 2:4

Jei bi lene Boas nonti kwei leu Betlehem ba, ngig niyai kep nide awak nya bipigo yok bipai “Handei kon ba, tuhan sindem tut je.” Lene yo dima ipigo noni bipai “Handei kon ba, tuhan njei mun di kei bak na di Andigpoi.”

SRAT RUT 4:11

Lene yo dima yahagom isimbot dat bipai “Igbit ri. Ningat hagom bou niyai him tu. Handei kon ba, tuhan bindei ba, atnem noyam kin Rakhel kin Lea po igyai imunggwom bat nya imang bibor bak Yakub mimbrek ngan tu pima. Nnaba ma anyeng bibor ei ade bat di itig mbier tut Efrata ikieti ba, anyeng jei bibor ei Betlehem.