NIBOHON MBEN ISRAEL GI NIGOM 2:13 - ALLAH NIHYET MEM TUNGWATU NYA

^13-15 Isai yai nipmot bat nya ibou muhwindacan di ipas kep bit leu njap di ipmem srek tut yokti ba, inyeng rino Eliab kin Abinadab kin Simea, kin Nataneel kin Radai, kin Ozem kin Daud.

NIBOHON MBEN ISRAEL GI NIGOM 2:13 ပူးပေါင်းရင်းမြစ်များ

SAMUEL GI NICAN 13:3

Amnon bon nisut Yonadab di ningon tek tut ninggok puig igkeisi. No dini ne Daud nikindig Simea nipmot ri.

SAMUEL GI NICAN 2:32

Gima leu lene Yoab ya tut nide tentara nya bikon Asael ningut bimbut tut leu api itig ei jui nsi di nide bat nya ide ei Betlehem. Leu api Yoab ya tut nide tentara nya ba, injei bram yam mmun jei dima kikau ba, dideu njap tekti yuug krau Hebron.

NIBOHON MBEN ISRAEL GI NIGOM 20:7

Lene noni kiju bisrep huk mben Israel. Gima rino Yonatan di Daud nikindig Simea nipmot kiju bihwen noni bimai hak.

SAMUEL GI NIGOM 17:12

Daud nicig ninyeng Isai lene Isai tig mbier tut keret Efrata bibong ei Betlehem ei hanjop keret Yehuda ide. Noni yai nipmot bat nya ibou muhwindaningai. Tirigi Saul ninyeng tak kep mben Israel lene Isai nok andig-ndau leu su.

SAMUEL GI NIGOM 17:13

Nipmot bat nya ibou ningai di indig su ibit Saul bikon pran. Mot mighumbou ninyeng Eliab lene nican ninyeng Abinadab lene niningai ninyeng Syama.

SAMUEL GI NIGOM 17:28

Daud nikindig di Eliab miap Daud nihyet tirigi mbrap bit tentara pima yok leu api ningon sibui sut bipai binoni “Akwei nggon i? Tou rinyohou ade domba nya ei iggum ndigsi dima i? Dikan tut bipia aba angon di jei bibrim angkek kwei mem gima atou kep nye di nikon pran dini he!”