NIBOHON MBEN ISRAEL GI NIGOM 19:6 - ALLAH NIHYET MEM TUNGWATU NYA

^6-7 Lene Nibou Ndig Hanun kin mben Amon ingon huk niti bipia ibon munti dima bindei ba, Daud ningon sibui sut yok. Gima rino ipinak perak kilo sribu ningot ningai bitai ug ei minu ndig Mesopotamia Bei Nai cem ug ei minu ndig can di Maakha kin Zoba ei minu Siria cem. Iba perak dima bingot kep nibou nya leu kroba pran ningat sribu ningot ningai can kin tentara di iba kuda bikon pran kan nya cem. Leu api nibou ndig Maakha de tentara ikwei sut kroba pran di mben Amon iba perak bingot kep nibou leu pima hagom ba, yohok ide prak meng yati dideu ig kumti Medeba. Mben Amon cem yahagom injei kwei leu ide minu ndig nya hagom binjei siceu mem gima ikon pran bit Daud.

NIBOHON MBEN ISRAEL GI NIGOM 19:6 ပူးပေါင်းရင်းမြစ်များ

NITRITI 34:30

Lene Yakub nso tut bipai bak Simeon kin Lewi “Jibindei ba, mbigom mun di buhun micut igkep da. Nogindini mben Kanaan kin mben Feris kin timiei minu dini yahagom mingon mpo tut da. Dibon ditde limwa nya imang bi. Gino yo dima ibicom yam nok gom bikon pran bit da lene jei bi nyeni ide keret mimai bingwig hak ug.”

SAMUEL GI NICAN 10:6

Apino mben Amon ingon huk niti bipia igyai munti dima bindei ba, Daud ningon sibui sut yok. Gima rino ingot kep tentara Siria nya di ibong ei Bet-Rehob kin Zoba ibou sribu nyatungwagom kin tentara nya di ibong ei Tob ibou sribu simnaibrimigcan kin nibou ndig minu Maakha bitut nide tentara nya ibou sribu gom cem.

SAMUEL GI NICAN 8:3

Kikau ba, Daud bindei timek Nibou Ndig Hadadezer di Rehob nipmot de ninyeng tak kepti ei Zoba. Ba, Zoba ne minu ninyeng tak kepti gom di jo dideu minu ndig Damsyik ri. Mpe dima Hadadezer ningat rima kak puig sinon mem gima pindi ninyeng tak kepti di jo dideu Minyei Efrat nibrig hanyen.

NIBOHON MBEN ISRAEL GI NIGOM 18:5

Tirigi mben Siria ei minu ndig Damsyik ipinak tentara mem gima impu Nibou Ndig Hadadezer lene Daud hwen yoni bicut ba, nimbiam di hwen yok nya ibou sribu nyatungwagom can.

NIBOHON MBEN ISRAEL GI NIGOM 18:9

Tirigi nibou ndig Tou di bong ei Hamat miap tut Daud nibindei timek Hadadezer de tentara nya yahagomti tu,

NIBOHON MBEN ISRAEL GI NIGOM 19:5

Noro immai sut gi ingkwei hanyen ug ei ide ig a. Gima rino yuug ei minu ndig Yerikho. Tirigi mun di cut igkep yok tibim ei Daud nitingou nsi tu lene noni sok mem yok leu binhyepo ibong hak ei sirima bibou yuhui nta dima hei hanyen ug e.

NIBOHON MBEN ISRAEL GI NICAN 18:3

Noni hig ser Yosafat “Gino ace tut lene ma abit da ba, sinjei siceu mem gima sihwen minu ndig Ramot” Lene Yosafat buhup “Dice tut ba, side tentara nya mibicom yam nok gom ba, yahagom injei bikon pran bit timiei minu ndig dima.

NIBOHON MBEN ISRAEL GI NICAN 18:5

Leu api Ahab nduk nabi nya ibou sratus bitai kwei bihig ser yok “Gino duug kon pran bit timiei minu ndig Ramot lene Allah mimpu da e, he bi e?” Lene ibuhup “Aug kon pran bit yok hak ug lewo Allah mibindei ba, yo dima micut bak Na Di Andigpoi hak ug ri.”

NIBOHON MBEN ISRAEL GI NICAN 18:9

Mpe dima lene Ahab Yosafat nya isu yo ei ide sinsun nibou ndigti noyam ba, ibigwam tut ei banggo mbrei gom dip kui dimbou pmem nuhui ei minu ndig Samaria dideu mpia gom di tungwatu nya illet gandum ninjep leu nisinabai kikep eisi lo, nabi pima yok ikwei ya kui nibou ndig cin dima bimbot kep tut mun di mipek kep ei nidipti bu biyok.

NIBOHON MBEN ISRAEL GI NICAN 25:6

Ter leu gima lene ba perak kilo sribu ningai sratus bitai bingot kep tentara Israel ibou sribu sratus gom bu ba, bikum nide tentara nya.

NIBOHON MBEN ISRAEL GI NICAN 27:5

Noni kon pran bit Nibou Ndig Amon lene bindei timek noni bitut nide tentara nya cem. Leu api bidip huk mben Amon leu binhyepo iba mitiei belasten bigo gau yonti bikwop ari bingwam. Iba mitiei belasten dima bigo gau yonti bikwop ari bingwam nitindur ningai. Ba, bikwop ari bingwam ningai di gwam yam dip dima iba perak kilo sribu ningai sratus bitai kin gandum nitu kin gandum barli hacem nibuhunti kilo juta gom ba, iba hagom bigo gau yonti.

MAZMUR 14:3

Noro yahagom ikrau tunggwei puig ba, ingon rom bibor. No di ningon sren no rinaha bisrig ikieti bi sren. Hi bi sren.

MAZMUR 46:9

Jikwei ba, imian ser tuhan niyai munti nya. Ma jitou kep mindur nya di Noni bibon ei dihyeisi dini.

NEHEI LEUSI 5:21

Lene ilua bak Musa kin Harun bipai “Mun di jibon dima jo nibreisi ei tuhan niyai him tu. Apino Noni mikes hukum ei je dip drek dip gima! Jibindei ba, nibou ndig kin yo di igya kui noni ingon mpo tut nye. Jei bi lene yoni migyai nimai binye drek dip.”

LUKAS 10:16

Lene Yesus pai bak yo di ibit Noni “Bikwop no di ngig nitingou mem jihyet lene gima dem kep nok ngig nitingou mem Dani dihyet. No di kou sut je lene gima dem kep nok noni kou sut Dani cem. No di kou sut Dani ne gima dem kep nok noni kou sut No di cuk Da kwei cem.”

TESALONIKA GI NIGOM 4:8

Gima rino tungwa tou rino rok ningginausi dini lene rok tungwatu nya ighyet bi noro rok Allah di kes Ninnei nyahan ei jingonti nihyet tu.

SAMUEL GI NIGOM 13:4

Yo di imiep pun pima itri tut bak tungwatu nya tut Saul po yai nimai bak tentara Filistin ide nibou pran pima ba, ibitri tut mben Filistin di ingon sibui sut yok bibor cem. Gima rino tungwatu nya ibrim ingkek bidem yam bit Saul ei Gilgal.

SAMUEL GI NIGOM 14:47

Niabiati mben Israel ita Saul nok nibou ndig lene noni kon pran bit nide siceu nya bidem hantou-hantou bitut mben Moab kin Amon kin Edom yahagom kin nibou ndig nya ei Zoba kin Filistia. Tirigi noni kon pran lene nide siceu nya yahagom icut bak noni.

SAMUEL GI NIGOM 27:12

Noro Akhis ba ningon com Daud lene kan “Daud de mben migga noni bibor apino bitig dino noni minok awak mem da kikau ug bipek niyaijo ningwig honti.”