NIBOHON MBEN ISRAEL GI NIGOM 19:3 - ALLAH NIHYET MEM TUNGWATU NYA

³ lene nibou nya ei minu dima ipai bak Nibou Ndig Hanun “Na Di Anyeng Jei e, ma akan bipia Daud ba ningon di ngguk bipinak nibou niya hacan nya kwei drek dip na di Anyeng Jei acig nimaisi e? E bi! Daud pinak yok kwei nok yo di igyok itta kep ide minu dini rin ba, ikwei yok igyai kep minu ndig dini leu binhyepo noni mibindei timek nye ba, yai ide minu dini biyati ri!”

NIBOHON MBEN ISRAEL GI NIGOM 19:3 ပူးပေါင်းရင်းမြစ်များ

SAMUEL GI NIGOM 29:9

Lene Akhis buhup “Akan tut bipia diba dingon bisrip huk na nok no di ningon gom noyam kin Allah de malaikat. Noro nibou pran nindigsi nya ikos tut mem nani bipia abit nye ba, igya pran diniti bi.

SAMUEL GI NIGOM 29:4

Noro nibou pran mben Filistin ingon sibui sut Akhis bipai bak “Acuk no dima bingkwei hanyen ug ei minu mien di ayai binoni tu. Ma ace tut ba, noni kon pran bit nye au. Leu ma hi rino igya pranti lene noni mikiek no kep nye bihwen nye. Leu gima mibon nituti di kei bibor mem noni bipwoi nide nibou ndig Saul ningon tug hon gi yai nimai bak nye di tentara Filistin.

NIJAM NIKEI NYA 18:2

Gima rino keret Dan idimig yo di mimbri ngat nya ibou muhwi leu ide bat nya di ibong ei Zora kin Esytaol. Leu api icuk yok leu binhyepo igyok itta kep minu dima nisurti-nipekti. Yo dima ikiju bimbut leu api yuug krau nungug him ei Efraim de dihyei hanjop nsi bibong bit Mikha ei nide ig bei.

SAMUEL GI NICAN 10:3

Tirigi yo dima yuug krau Amon lene nibou nya ei minu dima ipai bak Nibou Ndig Hanun “Na di Anyeng Jei e, akan bipia Daud ba ningon di ngguk bipinak yo dini kwei drek dip Na di Anyeng Jei acig nimaisi e? E bi! Daud pinak yok kwei nok yo di igyok itta kep minu igkei nya ba, ikwei yok igyai kep minu ndig dini leu api noni mibindei timek nye leu ba, yai minu dini biyati ri.”

NIBOHON MBEN ISRAEL GI NIGOM 19:2

Leu api Nibou Ndig Daud pai “Nahas ne sisut di ningon gom ri. Gima rino suar sijem sisut bit nipmot Hanun cem.” Gima rino Daud pinak nibou niya hacanti ba, yuug ei minu Amon leu binhyepo igwam ser Hanun ningon ei nicig nimaisi dima. Tirigi yuug krau minu Amon,

NIBOHON MBEN ISRAEL GI NIGOM 19:4

Gima rino Nibou Ndig Hanun kat yo di igya kui Daud pima bikak yuhui nta leu cem kos sinsun di ide leu yok bijo sur intig bou hak cem leu api cuk yok bingkwei hanyen.