NIBOHON MBEN ISRAEL GI NIGOM 19:11 - ALLAH NIHYET MEM TUNGWATU NYA

¹¹ Lene noni kes tentara nindigsi nya bak nikinjoi Abisai ba, dimig yok leu binhyepo iba yoho rok tentara Amon nya.

NIBOHON MBEN ISRAEL GI NIGOM 19:11 ပူးပေါင်းရင်းမြစ်များ

NIBOHON MBEN ISRAEL GI NIGOM 11:20

Nibou tentara ibou ningot ningai di inyeng jei dima ne ijem yok ‘Nihwen Mun Cig Ibou Ningot Ningai’ ba, Abisai di Yoab nikijoi rinok nibou mem yoni. Abisai ba nide micim biyai nimai bak ibou sratus ningai leu api tug ndei ninyeng di jei tug hon nibon munti dima. Noro tug ndei ninyeng jei noyam kin Nihwen Mun Cig Ibou Ningai pima bi.

NIBOHON MBEN ISRAEL GI NIGOM 18:12

Abisai (di nipmem ninyeng Zeruya) hwen mben Edom bicut bak noni. Lene biyai nimai bak ibou sribu simnaimuhwidip brimigtehiningai ei Mbang Briep Nsim.

NIBOHON MBEN ISRAEL GI NIGOM 19:10

Yoab ngat lo, siceu nya injei bigya ser no bei noho cem bei ninghim cem. Gima rino noni dimig tentara Israel di mimbri kui ingkek nya leu binhyepo iba yoho rok tentara Siria nya.

NIBOHON MBEN ISRAEL GI NIGOM 19:12

Lene Yoab pai bak nikijoi “Gino dihwen tentara Siria lo, ide nisindemti om kep da lene ma akwei mpu da. Nok gima cem gino ahwen tentara Amon nya lo, ide nisindemti om kep na lene midihwou mpu na.

NIBOHON MBEN ISRAEL GI NIGOM 19:9

Mben Amon injei siceu leu ide minu ndig ba, idimig ide nimpung tentara nya igyati ei dimbou pmem hammi minu ndig Raba dima nuhuigya. Ba, Raba ne nibousi mem Hanun ninyeng tak kepti ri. Lene nibou ndig ngot di ikwei mem gima impu yok nya idimig ide nimpung nya igyati ei ngoi dumti.