NIBOHON MBEN ISRAEL GI NIGOM 18:13 - ALLAH NIHYET MEM TUNGWATU NYA

¹³ Noni bikes nide tentara nya ba, yohok ide prak meng yati mem gima ibiya ser Edom nisurti-nipekti. Lene mben Edom inok Nibou Ndig Daud de limwa nya bu. tuhan bindei ba, Daud hwen nide siceu nya bidem nikon pranti nya hagom bingwig.

NIBOHON MBEN ISRAEL GI NIGOM 18:13 ပူးပေါင်းရင်းမြစ်များ

NITRITI 25:23

Lene tuhan buhup “Atta buhun tut pung di intun him ningat can rin ba, mporo agwam tut munggwom nggre di inok pung di keret can di iba nitok biyam intun him. Keret gom misindem dor njiriek keret gom ba, munggwom mighumbou nok awak mem nikinjoi.”

NITRITI 27:29

Nna ba mben nya hagom ibon yonti nok awak mem na bibit ahyet. Nna ba anyeng tak kep ade bat nya yahagom leu binhyepo yo di intun apmem him yahagom ikuk yok ei amig him. Nna ba yo di isigion na yahagom itug ndei nisigionti hanyen ba, yo di ingon kei sut na lene yoni cem mitug ndei mun di kei bu.”

NITRITI 27:37

Lene Ishak buhup “Dita noni bininyeng tak kep nani lene dibon nide bat nya yahagom binok awak mem noni ba, dinjei njita ngan kin ba anggur nikioi hagom binoni tu. Dipmot ndia ug o, niken hi jo mem na bu bi.”

NITRITI 27:40

Mporo ayaijo tug hon ade simeda lene dibindei ba, hon kep ammani kui anok awak mem akinjoi. Noro mpe di gom bu tirigi aham ambuk kep noni lene mporo angwes ngun leu api Yakub ninyeng mitak kep na bu bi.”

NIBOU NDIG NYA GI NIGOM 11:15

Nipou mimbrek tirigi iba nitok biyam bigyo ne Daud bindei timek mben Edom. Mpe dima lene Yoab di nibou pran pima ug ei minu Edom leu binhyepo tig nide tentara di imai nimbiam nya. Yoab ya tut nide tentara di ibit nya bibong bed muhwindagom ei minu Edom. Ei nijam dima lene igyai nimai bak pinai timiei mben Edom nya yahagom.

NIBOHON MBEN ISRAEL GI NIGOM 18:12

Abisai (di nipmem ninyeng Zeruya) hwen mben Edom bicut bak noni. Lene biyai nimai bak ibou sribu simnaimuhwidip brimigtehiningai ei Mbang Briep Nsim.

NIBOHON MBEN ISRAEL GI NIGOM 18:14

Nok gima lene Daud ninyeng tak kep minu Israel titut yam biyok niyai kep nide limwa nya leu binhyepo ide nibou nya iba ingon di gom bibon yok cem.

NIBOHON MBEN ISRAEL GI NIGOM 18:6

Leu api Daud kes nide tentara nya ba, yohok ide prak meng yati mem gima igya ser minu di ninyeng tak kep dima. Yo dima yahagom inok Daud de limwa nya bu ba, igo belasten cem bak noni. tuhan bindei ba, Daud bindei timek nide siceu nya bidem nikon pranti nya hagom bingwig.

MAZMUR 121:7

tuhan miya ser na leu binhyema mun di buhun bibor cut igkep na bi. Noni miteu na ba, angwes ngun apino ayaijo a.

MAZMUR 144:10

Abindei ba, nibou ndig nya ibindei timek ide siceu nya ba, abikwek Ade awak di dani cem.

MBEN ISRAEL IMBUT-MBUT NYEN 24:18

Nide siceu nya igyai minu Edom bigyati noro mben Israel misindem mem gima ihwen yok.

KORINTUS GI NICAN 11:32

Tirigi dingat rin ei minu ndig Damsyik lene nibou ndig Aretas sok nihyet bak tentara nya leu binhyepo igya ngkiem ser dimbou heisi nya leu binhyepo ikat da bidisima.

SAMUEL GI NIGOM 10:5

Lene ambut kikau ug bipek Allah de nungug tou Gibea leu api angat prak meng yati di mben Filistin ide. Tirigi aug krau dimbou hui ei minu dima lene aum nabi nya nimpung gom di sindi ijuk kwei leu nimbar hum dok ei nungug tou dima. Yoni mikek nggong nya kin ndug nya kin porei nya kin nggong mbrei nya tirigi ipri-pri nyen ba, imbos-hi-mbos.

SAMUEL GI NIGOM 13:3

Lene Yonatan nya ihwen tentara Filistin ei Geba ba, igyai nimai bak ide nibou pran apino ninghapti tibim kikau bidem minu Filistin nisurti-nipekti. Lene Saul cuk tungwatu nya leu binhyepo imbut bidem mben Ibrani ide minu hagom ba, imiep ide pun mbrei nya bibinduk tungwatu nya yahagom binjei bikon pran.

SAMUEL GI NIGOM 14:1

Mpe di gom Yonatan pai bak pinai pilei gom dittei kep nide minggwen nya “Akwei ba, suug cem kep mben Filistin ei ide prak meng yati.” Pai nok noro ndo ningon kanti bak nicig bi.

SAMUEL GI NIGOM 18:14

Noni yai bipek kep midyai di yai nya hagom lewo tuhan mpu noni.