NIBOHON MBEN ISRAEL GI NIGOM 18:12 - ALLAH NIHYET MEM TUNGWATU NYA

¹² Abisai (di nipmem ninyeng Zeruya) hwen mben Edom bicut bak noni. Lene biyai nimai bak ibou sribu simnaimuhwidip brimigtehiningai ei Mbang Briep Nsim.

NIBOHON MBEN ISRAEL GI NIGOM 18:12 ပူးပေါင်းရင်းမြစ်များ

SAMUEL GI NICAN 10:10

Lene noni kes tentara nindigsi nya bak nikinjoi Abisai ba, dimig yok leu binhyepo iba yoho rok tentara Amon nya.

SAMUEL GI NICAN 10:14

Tirigi mben Amon ingat lo, tentara Siria nya inang leu siceu yoho bei tu lene yoni cem inang leu Abisai nya yoho bei ba, itti kep inghim dip hanyen ug ei minu ndig nsi. Tirigi Yoab bindei timek tentara Amon leu su lene ngkwei hanyen ug ei minu ndig Yerusalem.

SAMUEL GI NICAN 20:6

Lo bi lene nibou ndig pai bak Abisai “Seba dima mihwen bit nye bibor dor njiriek Absalom nihwen bit nyeti bu ug ri. Gima rino ma aya tut ditde tentara nya ba, juhuk bram noni. Leu binhyepo nang leu nyeni ba, ningwes ngun ug ei minu ndig gom di bon nide ngug tig di ngkiem bibor bi.”

SAMUEL GI NICAN 21:17

Noro Abisai di Zeruya nipmot kwei mpu Daud bitot tentara anjan dima biyai nimai bak. Gima leu lene Daud de tentara nya ibidip huk noni leu binhyepo preu ei mem yok bipia mibit yok tirigi yuug kon pran bu bi. Ipai bak “Na di Anyeng Jei e, nani ne nibou ndig di mben Israel yahagom iba ingon com ri. Nikou sut gima Na di Anyeng Jei asar leu nye a.”

SAMUEL GI NICAN 23:18

Tungwatu nya ijem nibou tentara ibou ningot ningai di inyeng jei dima ‘Nimpung Ningot Ningai.’ Abisai di Zeruya nipmot di Yoab nikinjoi rinok nibou di bie tut yok. Mpe hi lene ba nide micim biyai nimai bak ibou sratus ningai. Gima bindei bininyeng jei noro noni ne mimbri ngat noyam kin ‘Nimpung Nihwen Kep Mun Cig Ningai’ pima bi.

SAMUEL GI NICAN 3:30

Gima ne nipui mun tut Yoab Abisai nya di ingon nggrom kep Abner ba, ibuhup bak drek dip gi po yai nimai bak ikinjoi Asael ei pranti ei Gibeon pima ri.

SAMUEL GI NICAN 7:13

Noni rima mingot ig gom mem Da. Lene midibindei ba, yo di intun noni him minok nibou ndig nya bigya luei nohoti bram yam bijo ninno bijo kikau.

NIBOU NDIG NYA GI NIGOM 11:15

Nipou mimbrek tirigi iba nitok biyam bigyo ne Daud bindei timek mben Edom. Mpe dima lene Yoab di nibou pran pima ug ei minu Edom leu binhyepo tig nide tentara di imai nimbiam nya. Yoab ya tut nide tentara di ibit nya bibong bed muhwindagom ei minu Edom. Ei nijam dima lene igyai nimai bak pinai timiei mben Edom nya yahagom.

NIBOU NDIG NYA GI NICAN 14:7

Mpe di gom tirigi Amazia kon pran lene noni yai nimai bak mben Edom ide tentara ngat nya ibou sribu simnai ei Mbang Briep Nsim leu api yai minu ndig Sela biyati. Noni jem minu ndig dima ninyeng Yokteel ba, ninyeng dima jo nok kikau kwei bipek ammani kep.

NIBOHON MBEN ISRAEL GI NIGOM 11:20

Nibou tentara ibou ningot ningai di inyeng jei dima ne ijem yok ‘Nihwen Mun Cig Ibou Ningot Ningai’ ba, Abisai di Yoab nikijoi rinok nibou mem yoni. Abisai ba nide micim biyai nimai bak ibou sratus ningai leu api tug ndei ninyeng di jei tug hon nibon munti dima. Noro tug ndei ninyeng jei noyam kin Nihwen Mun Cig Ibou Ningai pima bi.

NIBOHON MBEN ISRAEL GI NIGOM 18:11

Nibou Ndig Daud ttei ndigban dima yok hagom ba, bikuk no bak tuhan bidimig hagom ei mem nibon midutti nya ei tuhan De Ig. Daud yai bram niyaisi dima tut ndigban mas kin perak di pos leu Hadadezer kin mben Edom kin Moab kin Amon kin Filistin kin Amalek nya di noni bindei timek yok tu.

NIBOHON MBEN ISRAEL GI NIGOM 18:13

Noni bikes nide tentara nya ba, yohok ide prak meng yati mem gima ibiya ser Edom nisurti-nipekti. Lene mben Edom inok Nibou Ndig Daud de limwa nya bu. tuhan bindei ba, Daud hwen nide siceu nya bidem nikon pranti nya hagom bingwig.

NIBOHON MBEN ISRAEL GI NIGOM 19:11

Lene noni kes tentara nindigsi nya bak nikinjoi Abisai ba, dimig yok leu binhyepo iba yoho rok tentara Amon nya.

NIBOHON MBEN ISRAEL GI NIGOM 2:16

Isai yai nipmisop bat ibou can di inyeng rino Zeruya kin Abigail. Zeruya yai nipmot bat nya ibou ningai ba, inyeng rino Abisai kin Yoab kin Asael.

NIBOHON MBEN ISRAEL GI NICAN 25:11

Lene Amazia brim ningkek tut nide tentara nya ba, yuug ei Mbang Briep Nsim. Ikon pran bit yam ei sirima ba, igyai nimai bak mben Edom ide tentara ibou sribu simnai.

MAZMUR 60:1

Daud de doia ningginausi mem no di bie tut doia nimpung di ibrim leu doia Mitou Bakung Nibigyok Ngon Kep.

MAZMUR 60:2

Ba doia dini bikiek mpe dino ikon pran bit mben Aram-Mesopotamia kin mben Aram-Zoba ba, bikiek mpe di po Yoab ngkwei hanyen leu api bindei timek mben Edom ibou sribu simnaibrimigcan ei Mbang Briep Nsim cem.

SAMUEL GI NIGOM 26:6

Leu api Daud hig Ahimelekh kin Abisai di Yoab nikinjoi di mben Het (di ipmem ninyeng rino Zeruya) “Tou brim ningkek bibit da ba, nicoi ug ei Saul de prak meng yati i?” Lene Abisai buhup “Dibit na.”

SAMUEL GI NIGOM 26:8

Lene Abisai pai bak Daud “Allah kes ade siceu ei andati mem mmun dini tu. Ma ace tut bidiba nonti nide micim bidat ningut bikus nite hi leu ba, tibim dihyeiti hak ug. Didat noni mbican bram yam bi noro mbigom ngat bimai hak ug.”