NIBOHON MBEN ISRAEL GI NIGOM 17:9 - ALLAH NIHYET MEM TUNGWATU NYA

^9-10 Tut Ditde mben Israel ne ditin ei mpia gom di minok ide dihyei di igyati mem yok tu. Ditin ei mpia dima mem yok leu binhyepo ibong nyahan ei dihyei dimati ba, hi giwaisi yok bu bi. Yo di imbuk nya ihwen kep yok habiei nipou tirigi ikwei krau minu dini bigyo ba, nipou tirigi ita nibou ndig hi mem yok bigyo cem pima. Noro mun di buhun dima micut igkep yok bu bi. Dipreu ei mem na bipia midibindei timek ade siceu nya yahagom. Lene midiyai ade nintun him yamti di bram yam nya binani cem.

NIBOHON MBEN ISRAEL GI NIGOM 17:9 ပူးပေါင်းရင်းမြစ်များ

NIBOHON MBEN ISRAEL GI NIGOM 17:8

Dimpu na bidem aug eisi nya hagom lene dibindei ba, ade siceu nya cem isar bingwig ei mpe di akon pran bit yoni. Midibindei ba, anyeng jei bibor noyam kin nibou di inyeng jei nindigsi nya ei dihyeisi dini.

MAZMUR 44:2

Allah e, nimiap tut ayai munti di mindur nya di ayai kep ei nijam gi nipou pima di nidigup bat-nidigai bat nya ipui sut binye ei nitingou nsi tu.

MAZMUR 89:22

Ditde nisindemti minyohou noni bijo ninno bijo kikau. Ditde nisindemti mibindei ba, mimbri kui ningkek.

MAZMUR 92:13

Yo di ingon sren nya yehe nok nibiop di hei binnum kei noyam kin dui sraba ba, ide nimeng nggrou dem kep buom Libanon.

NEHEI LEUSI 2:23

Mimbrek-mimbrek bu lene Firaun pima niyaijo ngwig hon tu noro mben Israel sisip inso kwop nyen tut mun di buhun tak yok. Gima rino ingat nadi bak Allah ei gwamti.

YESAYA 49:17

Jei bi ne yo di iwin minu ndig Yerusalem hanyen mikwei yo. Leu api yo di inggek minu ndig Yerusalem bitimek bingwig mimbut.

YESAYA 60:18

Nimbuk tut yamti kin nibindei timek yam bingwigsi kin mun di buhun bibor nibimbiti mitibim kwei ei jikieti bu bi. Midiya srak ko hagau na dem kep nok ngug tig di krop ttai na apino anggei sut Da lewo diteu na ba, angwes ngun.

YESAYA 61:3

Noni bindei ba, timiei Sion di ingon ngguk bibor igyai nillei. Yo di ingon buhun bibor nya migyai ningon di nggan-triot hanyen. Noni bindei ba, iba doia di ibinggei sut Allah biluei ningon kineisi. Mpe dima lene idem kep nok biei mon di tuhan Nonti ta. Igyai munti nya hagom nok igbit ba, kei bibor cem bibindei ba, tungwatu nya ikon tuhan ninyeng di jei bibor.

YEREMIA 24:6

Midiya ser yok ba, dibuwak yok hanyen kwei ei itimieisi dini yo. Midiwin kep ingonti lene dinggek yok bi. Midita yok lene dohom yok bi.

YEREMIA 32:41

Dijoi sut nibon mun di kei bak yoni bidibindei ba, ibong ei minu dini bijo ninno bijo kikau.

YEHEZKIEL 28:4

Aba ade ningon di ki kin ningon di huk niti bimbus ndigban kin mas kin perak keyam ba, anyeng bibor.

YEHEZKIEL 34:13

Miditeu yok bingwes ngun leu mben dihyeisi dini ikieti kin ingkiaisi nya ba, midimbus yahagom keyam lene dibuwak yok hanyen kwei ei itimieisi. Dijem yok hanyen kwei kep minyei nggram nya ei nungug him ei minu Israel. Midihyen kep yok ei abris nghousi di nnum kei.

YEHEZKIEL 37:25

Yoni kin ide nintun him di bram yam nya mibong ser itimieisi di diyai bak Ditde awak di Yakub kin idigup bat-idigai bat nya di ibong ser nipou su bijo ninno bijo kikau. Nibou ndig di noyam kin Ditde awak di Daud ninyeng mitak kep yok kikau.

AMOS 9:15

Midikes Ditde limwa nya hanyen ei itimieisi di diyai biyok nipou su lene bit bon hi hom yok hanyen kan bi. Da di tuhan di jide Allah disimbot dat tu.”

EFESUS 5:6

Ma jitindei ser yo di iba ighyet mini biris je. Lewo tut gima rino Allah ningon misibui sut yo di ibit nihyet bi.

NINGAT-HI-NGAT NYA 21:4

Noni midip tut igyai nggwei hagom bingwig leu yok. Imai cem ingon ngguk cem ipim cem inghuisi wei cem bu bi. Mun di nitimiei nya hagom pror leu su.”