NIBOHON MBEN ISRAEL GI NIGOM 17:8 - ALLAH NIHYET MEM TUNGWATU NYA

⁸ Dimpu na bidem aug eisi nya hagom lene dibindei ba, ade siceu nya cem isar bingwig ei mpe di akon pran bit yoni. Midibindei ba, anyeng jei bibor noyam kin nibou di inyeng jei nindigsi nya ei dihyeisi dini.

NIBOHON MBEN ISRAEL GI NIGOM 17:8 ပူးပေါင်းရင်းမြစ်များ

NITRITI 28:15

Amiap e, midingat rin bit na kikau bidem ambutti nya hagom ba, dinyohou na. Lene mporo midibuwak na hanyen kwei ei atimieisi dini. Midimbres Da leu na bi sren. Midibindei ba, mun di dipreu kep na tut nya hagom mipek kep mem na.”

SAMUEL GI NICAN 22:1

Tirigi tuhan teu Daud biningwes ngun leu Saul kin nide siceu nindigsi nya cem inda nsi lene Daud pai doia dini bibinggei sut tuhan. [

SAMUEL GI NICAN 7:9

Dingat rin bit nani bidem ambutti nya hagom ba, dihwen ade siceu nya bingwig ei aho bei cem tu. Midibindei ba, anyeng jei bibor noyam kin nibou ndig di inyeng jei nindigsi nya bidem dihyeisi dini hagom.

SAMUEL GI NICAN 8:6

Leu api Daud hok prak meng yati di nok tentara nibousi di igya coi nya ei ide minu ndig nya ba, ninyeng tak kep yok. Lene igo kep belasten bak noni. tuhan bindei ba, Daud bindei timek nide siceu nya mem nituti di noni ug kon pran bit yok hagom.

SAMUEL GI NICAN 8:8

Ter leu gima lene Daud yai ngkimom-tembaga di nibuhunti nindig bibor leu minu ndig Betah kin Berotai po Hadadezer ninyeng tak kep nya pima.

NIBOHON MBEN ISRAEL GI NIGOM 14:17

Apino Daud ninyeng di jeisi tibim bidem minu hagom nisurti-nipekti. tuhan bindei ba, mben nya yahagom idigit tut Daud bibor.

NIBOHON MBEN ISRAEL GI NIGOM 17:17

Noro abon mun di kei dor tunggwei gima binye tu. Apreu sut yo di mintun dani him ei nijam gima kwei cem ba, abibon da tereu nok no di ninyeng jei.

NIBOHON MBEN ISRAEL GI NIGOM 17:2

Lene Natan buhup “Na Di Anyeng Jei e, akinyon ei angon kanti nya hagomti hak ug. Lewo Allah No mpu Na Di Anyeng Jei.”

NIBOHON MBEN ISRAEL GI NIGOM 17:7

Gima rino na di Nabi Natan aug pai bak Ditde awak di Daud bipia Da di tuhan Di Dinyeng Jei dipai binoni ‘Didimig nani leu ade midyai ninyohou domba nya ei ngoi dumti leu api dikon na nok nibou ndig ba, anyeng tak kep Ditde mben Israel tu.

NIBOHON MBEN ISRAEL GI NIGOM 17:9

Tut Ditde mben Israel ne ditin ei mpia gom di minok ide dihyei di igyati mem yok tu. Ditin ei mpia dima mem yok leu binhyepo ibong nyahan ei dihyei dimati ba, hi giwaisi yok bu bi. Yo di imbuk nya ihwen kep yok habiei nipou tirigi ikwei krau minu dini bigyo ba, nipou tirigi ita nibou ndig hi mem yok bigyo cem pima. Noro mun di buhun dima micut igkep yok bu bi. Dipreu ei mem na bipia midibindei timek ade siceu nya yahagom. Lene midiyai ade nintun him yamti di bram yam nya binani cem.

EZRA 4:20

Nipou yo ne nibou ndig di isindem bibor nya inyeng tak kep minu ndig dima cem hanjop nsi Efrat-Bei-Mpia-Nikimbasti titut yam cem. Lene ibindei mbut belasten kin ndigban nibigo gau minu cem.

MAZMUR 18:1

tuhan de awak di Daud pai doia dini bak tuhan ba, bikiek mpe di po tuhan kwek no leu Saul kin nide siceu nindigsi nya inda nsi pima. Doia dini mem no di bie tut nimpung doia.

MAZMUR 46:11

Noni ba nihyet bikak yok bipai “Jikes hon bijikon pran bu au. Ma jingon jo kep bipia Dani ne Allah rin ba, ngkiai nya yahagom inggei sut da. Tungwatu dihyeisi dini hagom ikon dinyeng bijo nai.”

MAZMUR 46:7

Allah nihyet dem kep nok kru di cut bibindei ba, tungwatu dihyeisi dini inghuisi jet bingwig ba, yahagom ingon ttin bibor, Nibou ndig di inyeng tak kep limwa nya titut yam mitti bingwig cem.

MAZMUR 71:21

Mporo abindei bidinyeng jei bibor bu lene agwam ser dingon hanyen bu.

MAZMUR 75:7

Lewo hukum di micut igkep tungwatu nya mikwei leu mpia nipriti kin mpia nicutti bi. Mikwei leu mpia nijjai kin mpia nibiho cem bi.

LUKAS 1:52

Noni njei nibou ndig nya leu ide banggo dip leu api kon yo di tungwatu nya ingwes pri gau yok binyeng jei.

SAMUEL GI NIGOM 18:14

Noni yai bipek kep midyai di yai nya hagom lewo tuhan mpu noni.

SAMUEL GI NIGOM 18:28

Saul ningon kan bipia tuhan nyohou mpu Daud ba, nipmisop Mikhal bungwam kep Daud nindig bibor cem.

SAMUEL GI NIGOM 26:10

Lene Daud binut nihyet bu bisimbot dat “Dikan mungkun tug hon tuhan di niyaijo ninyeng bipia tuhan Nonti miyai nimai bak Saul tirigi nide njap ngon bou dem mem gi mai e, he tirigi ug kon pran lene bitug ndei nimai e.