NIBOHON MBEN ISRAEL GI NIGOM 17:24 - ALLAH NIHYET MEM TUNGWATU NYA

²⁴ Tungwatu nya bidem dihyeisi dini hagom mikon anyeng bijo kikau. Lene mipai ‘tuhan Di Sindem Bibor ne Allah di ninyeng tak kep mben Israel ri.’ Mporo Nani anyohou yo di intun dani him leu binhyepo inyeng tak kep ide limwa nya bram yam bijo kikau.

NIBOHON MBEN ISRAEL GI NIGOM 17:24 ပူးပေါင်းရင်းမြစ်များ

NIBOHON MBEN ISRAEL GI NIGOM 17:23

tuhan Allah e, nogindini ma akrau kep Ade gi preu di andat kep di bitut danti kin ditde nintun him yamti di bram yam nya bijo ninno bijo kikau. Ma abindei bipek kep mun di apreu ei dima hagom.

NIBOHON MBEN ISRAEL GI NIGOM 17:25

Allah e, dibrim dingkek bidibindei ba, ditde nadi dini mitibim ei atingou nsi ug rin lewo Nanti apai brei bida bipia mporo akon yo di intun dani him leu binhyepo ikui bigwam nok nibou ndig ba, inyeng mitak kep mben Israel bram yam kikau.

NIBOHON MBEN ISRAEL GI NICAN 6:33

lene ma angig atingou ei atimieisi ei gwamti mem nihyet ba, abuhup bit leu ningon kanti. Leu binhyepo tungwatu dihyeisi dini hagom ingon mijo kep Nani bibit ahyet noyam kin nye di Ade limwa di mben Israel nibit ahyet. Tug hon nisinati dima ne mben ngkiai migyok ngon kep bipia Ade Ig di dingot dini ne gumihyep gom ngat mem tungwatu nya ikuk yok biNa eisi ri.

MAZMUR 21:13

Noni mikri nide tibor bikes bibindei ba, ikiek kep inghim dip binang.

MAZMUR 72:19

Ma yahagom ikon ninyeng bijo ninno bijo kikau! Abindei ba, nikei-kau-keisi kieng kep dihyei nisurti-nipekti. Ma gima yok hagom pek kep. Igbit ri!

MAZMUR 90:17

Nyende tuhan Allah e, ma anjei mun di kei binye leu binhyepo nyende midyai nya hagom ngat ningat di kei bibor.

YEREMIA 31:1

tuhan pai “Tto bou dem lene midinok tuhan mem mben Israel ide keret nya hagom leu api yoni inok Ditde limwa nya.

YEREMIA 38:17

Dipai bak Zedekia tuhan Di Sindem Bibor di nok Allah di mben Israel ikuk yok bak pai “Gino akes nanti ei yo di igya kui nibou ndig minu Babel indati lene ma angwes ngun lewo yoni ihwen na bi ba, indig minu dini bitimek bingwig cem bi. Apino nani kin ade bat nya cem jahagom jingwes ngun.

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

MATIUS 6:9

Gima rino ma jingat nadi nok gini, ‘Arig e, Nangkom ne nyende Allah ei gwamti ri. Handei kon ba, tungwatu nya yahagom inggei sut Na tut anyeng di kwes-kwau cem.

YOHANES 12:28

Arig e, akum ei Ade ninyeng jei biborti o!” Yesus pai nok rino nihyet gom tibim kwei leu gwamti bibuhup “Dikum ei Ditde ninyeng jei biborti tu ba, midibikum eisi hanyen bu.”

YOHANES 17:1

Tirigi Yesus kes nihyet hon tu lene Noni tou kep ginyo kug bipai bak Allah “Arig e, tto bou dem tu. Ma abindei ba, Apmot ninyeng jei bibor leu binhyepo Apmot mibindei ba, anyeng cem jei bibor.

FILIPI 2:11

Ba, yahagom mitri tut brei bak tungwatu nya bipia Yesus Kristus ne Tuhan rin ba, inggei sut Icig Allah.

IBRANI 11:16

Noro igyok ingon mem minu di kei di dor njiriek bu ba, minu dima ne gwamti ri. Gima rino tirigi ijem Allah nok ide Allah lene Noni mmai sut bi lewo win minu jep mem yok tu.

IBRANI 8:10

Noro tini bu ne dibon gi preu dini mem mben Israel. Ei nidipti bu ne Tuhan pai ‘Midindim dicuk yokti nya ei ibou ngwakti bidipas hagom ei ingonti. Mpe dima lene Dani midinok ide Allah lene yoni minok Ditde limwa nya.’

PETRUS GI NIGOM 4:11

Ma no di tri tut nihyet tri tut Allah nihyet. Ma no di mpu hiter ba nisindemti leu Allah bimpu yok leu binhyepo jiyai munti nya hagom bindei ba, tungwatu nya ikon Allah ninyeng tug hon Yesus Kristus. Allah rino nyeng tut nikei-kau-keisi kin nisindemti kikau buug hon nohonti bi. Igbit ri.

NINGAT-HI-NGAT NYA 21:3

Leu api nihyet nindig bibor tibim kwei leu banggo mbrei bipai “Nogindini Allah ningat rin bit tungwatu nya! Noni kwei bong bit yok ba, yoni ne Nide limwa nya ri. Allah Nonti di nok ide Allah ningat rin bit yok.