NIBOHON MBEN ISRAEL GI NIGOM 17:21 - ALLAH NIHYET MEM TUNGWATU NYA

²¹ Mben nindigsi di ingat rin ei dihyei nisurti-nipekti hi di noyam kin nye di mben Israel bi. Mben Israel ne mben gom ngat di akwek yok leu gi yuubon yok nok awak leu binhyepo inok Nanti Ade limwa nya. Nibon mun di nindig biborti nya kin gi mindur bibor nya di abon mem yok hagom bindei ba, anyeng di jei kieng kep dihyeisi dini hagom. Akwek Ade limwa nya leu minu Mesir leu api ajji mben ngkiai leu itimieisi ei mpe di po Ade limwa nya injei siceu mem gima ikon pran bit yok.

NIBOHON MBEN ISRAEL GI NIGOM 17:21 ပူးပေါင်းရင်းမြစ်များ

NIBOHON MBEN ISRAEL GI NIGOM 17:20

Hi di noyam kin Nani bi. Allah rino Nangkom he. Nikan tut gima lewo itri tut binye habiei leu nipou pima kwei bipek nijam dini kep.

NIBOHON MBEN ISRAEL GI NIGOM 17:22

Akon mben Israel binok Nanti Ade limwa nya bijo ninno bijo kikau. Lene abindei ba, Na Di tuhan anok ide Allah.

NEHEMIA 9:10

Abindei mun di mindur di buhun bibor cut igkep nibou ndig mem mben Mesir kin yo di igya kui noni kin nide limwa nya yahagom lewo angig ayai kep Ade limwa nya tirigi mben Mesir ihwen bit yok. Mun dima bindei ba, anyeng jei bibor kikau kwei bipek ammani kep.

MAZMUR 107:2

Gino Noni teu je leu nikineisi tu ne ma jindat kep nihyet dima ei juhui him.

MAZMUR 111:9

Noni kwek Nide limwa nya leu awak lene ba nipreu ninghig-niker bipreu ei mem yok. Noni ne tuhan di kwes-kwau ba, sindem bibor cem ri!

MAZMUR 147:20

Noni bibon ngkiai nya hi nok gima bi sren. Yo dima ikan tut Nide niggai serti nya bi. Ma inggei sut tuhan!

MAZMUR 65:5

Yo di adimig yok ei su nya ingon llei bibor lewo abuwak yok bibong kikau kep Ade Ig. Nyeni nijoi sut mun di kei di anjei bak nye ei Ade Ig di kwes-kwau di abong ser dima.

MAZMUR 77:15

Nani ne Allah di bibon mindur nya ri. Ando asindemti ei ngkiai nya ikieti tu.

NEHEI LEUSI 6:6

Midibindei ba, mijinok Ditde limwa nya leu api mijikuk je biDa. Mijo nibreisi mem je bipia Dani ne tuhan bidinok jide Allah di teu je bijingwes ngun leu mben Mesir di iba isibut bico kep je ri.

YESAYA 48:9

Doom kep Ditde niggati leu binhyepo tungwatu nya mikon dinyeng bidem minu. Doom kep niggati dima nyahan drek dip je leu binhyepo dibibindei sar je bi.

YESAYA 63:12

tuhan po ya tut Musa pima no ritou i? Lewo Noni ba ninda di sindem bibor bitot minyei ngwa dip ei yoho bei bibindei ba, tungwatu nya ikon ninyeng bijo ninno bijo kikau.

YESAYA 63:9

leu mun di buhun di cut igkep yok hagom. tuhan cuk malaikati hi kin no di ya hacan hi ndam yok bi noro Nonti kwek yok lewo ngondut yok ba, ningon nggriu sut yok. Noni nyohou yok ei nimbie him kikau kwei bipek njap dima kep.

YESAYA 64:3

Tirigi po ajuk kwei pima lene abon mindur di buhun bibor di nyeni nikan tut nipou ei bi. Leu api nungug nya ugwa-kwei ei Aho bei.

YEREMIA 32:21

Aba Ade nisindemti di nindig bibor bibuwak mben Israel ba, yehei leu minu Mesir. Abon mindur kin mun di bibon ninggap leusi nya tug hon bindo di biyai ningon di ttin bibor bak ide siceu nya.

NINDAT KEP TUHAN NICUKTI NYA 15:15

Ma jiyok ngon kep bipia nipou yo lene jeni cem jinok awak ei minu Mesir leu api jide tuhan Allah kwek je. Gima rino diyai nicukti dini bije.

NINDAT KEP TUHAN NICUKTI NYA 4:7

Ngkiai nya di isindem bibor nindigsi hi bon nide kwar di ngig nitingou mem ighyet tirigi mun di buhun cut igkep yok bi. Noro tuhan di nok nyeni ide Allah ningat rin bit nye ba, Noni buhup nyeni ighyet hammi tirigi yahara Noni.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

YOSUA 10:42

Yosua nya iba nikon pran sindam dima bibindei sar nibou ndig dima yok yahagom. Lene ibindei sar minu ndig di ide di inyeng tak kep nya cem leu api igyai bigyati. Lewo tuhan Allah Israel hati tut tentara Israel bikon pran tut yok.