NIBOHON MBEN ISRAEL GI NIGOM 17:13 - ALLAH NIHYET MEM TUNGWATU NYA

¹³ Noni minok dipmot lene Dani midinok nicigya. Midingon kei sut noni kikau bit leu dipreu ei mem jeti. Midikrau kep Ditde gi preu di dipreu ei mem je lene midison noni leu ninyeng noyam kin Saul po dison leu ninyeng leu api akui ba, agwam nok nibou ndig luei nohoti pima bi.

NIBOHON MBEN ISRAEL GI NIGOM 17:13 ပူးပေါင်းရင်းမြစ်များ

NIBOU NDIG NYA GI NIGOM 11:36

Noro midisindui sut ba, Salomo nipmot ninyeng mitak kep keret gom ngat leu binhyepo Ditde awak di Daud de nintun him yamti di bram yam nya gom minok nibou ndig mem Da ei minu ndig Yerusalem. Lewo didimig minu ndig dima nok gumihyep gom ngat mem tungwatu nya ikuk yok biDa eisi.

NIBOHON MBEN ISRAEL GI NIGOM 17:14

Midikon apmot di didimig ei dima ba, kui bigwam nok nibou ndig mem Ditde limwa nya ba, ninyeng mitak kep yok bijo ninno bijo kikau. Lene yo di intun noni him inyeng mitak kep ide limwa nya bram yam bijo kikau.’ ”

MAZMUR 2:12

Ma jiba jingwak bikik mpia ei tuhan nimig him. Gi bi ne Noni migga bibor kros ba, mibindei sar jahagom kros bihigom. Bikwop tungwa tou rino ya coi tuhan ne no dima ningon nggei-hi-nggei!

MAZMUR 2:7

Nibou ndig dima pai “Miditri tut tuhan nisimbot datti.” Noni pai bida “Nani ne dipmot ri. Njap di ammani ne Dani dinok acigya.”

YESAYA 55:3

Ditde limwa jen, ma jintu kep dihyet bijikwei bit Da leu api midiyai niyaijo nijit bije. Midipreu ei mem je bidiyai ningon ngakeisi kin ningon gomti bijo ninno bijo kikau bije bit leu nok dipreu ei mem Daudti.

LUKAS 1:32

Noni miyai ninyeng di jei ba, tungwatu nya mijem ninyeng Allah Di Ninyeng Jei Nipmot. Tuhan Allah mibindei ba, Noni yai ninyeng nibou ndig noyam kin Nibou Ndig Daud di Noni ntun him.

LUKAS 9:35

Leu api nihyet gom tibim kwei leu bumbuhui dima bitri tut “No dini ne Dipmot rin ba, didimig Noni ei su. Ma jimiap kep Noni nihyet!”

YOHANES 3:35

Nicig ningon ngakei Nipmot bibindei ba, Noni krau nisindemti hagom ei nindati.

KORINTUS GI NICAN 6:18

Dibibon Danti bidinok Jicigya lene jibibon jenti bijinok dipmot bat kin dipmisop bat nya. Gini ne Allah di Sindem Bibor nipreu kep nyeti ri.”

IBRANI 1:5

Allah pai sut Nide malaikati nya “Dipmot riNani ba, njap di ammani di nok Acigya”. Nok e? Noni pai nok gima bi sren. Nok gima cem Noni pai sut malaikati hi bipai “Midinok Nicig lene Noni minok Dipmot rin” bi sren

SAMUEL GI NIGOM 15:28

Lene Samuel pai binoni “Allah rik anyeng di tak kep ade limwa nya bingwig leu na mem njap di ammani leu api yai bak no di ningon sren dor njiriek na di Andigpoi tu.