NIBOHON MBEN ISRAEL GI NIGOM 16:36 - ALLAH NIHYET MEM TUNGWATU NYA

³⁶ Jikon tuhan Allah Israel ninyeng nogindini cem bijo ninno bijo kikau cem! Leu api mben Israel yahagom ipai “Igbit ri.” Leu api ikon tuhan ninyeng a.

NIBOHON MBEN ISRAEL GI NIGOM 16:36 ပူးပေါင်းရင်းမြစ်များ

NIBOU NDIG NYA GI NIGOM 8:15

Lene noni pai biyok “Ma nyeni yahagom inggei sut mben Israel ide tuhan Allah! Noni yai mun di Noni preu ei mem dicig Daud hagom nok gi dem bit leu nok gi po pai binoni,

NIBOU NDIG NYA GI NIGOM 8:56

“Jikwei ba, yahagom inggei sut tuhan di bindei ba, Nide limwa nya ibong kei igwam kei bit leu nok Noni preu ei binye tug hon Nide awak di Musa. Mun di kei di Noni preu ei mem nye hagom pek kep mem nye tu.

NEHEMIA 8:6

Lene Ezra pai “Jikwei ba, yahagom inggei sut tuhan! Noni ne Allah di ninyeng jei bibor ri!” Lene nide limwa nya yahagom isu inda kui bibuhup “Igbit ri! Igbit ri!” Lene ikuk yok ba, iba ingwak bikik dihyei binggei sut Allah.

NEHEMIA 9:5

Yo di ibie tut yok mem njap ndig dima rino keret Lewi nya di inyeng rino Yesua kin Kadmiel kin Bani kin Hasabneya kin Serebya kin Hodia kin Sebanya kin Petahya yahagom ipai, “Ma jahagom jikiju bijiya leu api jinggei sut tuhan di nyeni ide Allah! Ma jinggei sut Noni bijo ninno bijo kikau! Ma tungwatu nya yahagom inggei sut ninyeng di jei bibor ba, sindem bibor cem! Ninyeng jei bibor dor njiriek ighyet di ibinggei sut Noni.”

MAZMUR 106:47

Nyende tuhan Allah e, ateu nye biningwes ngun. Anduk nye kwei leu ngkiai nya ikieti leu binhyepo nipai sigyo ba, nikon anyeng di kwes-kwau cem.

MAZMUR 106:48

Jikwei ba, ikon Israel de tuhan Allah ninyeng nogindini bijo ninno bijo kikau cem. Jikwei ba, nye di tungwatu yahagom ipai “Igbit ri!” Ma jinggei sut tuhan!

YEREMIA 28:6

“Kei bibor! Handei kon ba, ahyet di atri tut dima mipek kep hak ug ba, tuhan ngkwei ndigban di ipos leu tuhan De Ig hagom hanyen kwei leu minu Babel bitut yo di isima ei ingkiaisi ei minu dima yahagom hak ug.

KORINTUS GI NIGOM 14:16

Leu gino jiba jinnei he bipai sigyo bak Allah lo, hiter di miap Allah Ninnei nihyet di mindur bi srig jikieti ne bit bon no dima pai “Igbit ri!” hanyen drek dip jide nadi kan bi. Lewo miap igbit jihyet bi.

EFESUS 1:3

Jikwei ba, inggei sut Allah di nok ide Yesus Kristus Nicigya! Lewo Noni njei mun di kei di ntun gwamti him ninyeng hagom bak innei drek dip gi inok gom kin Kristus.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.