NIBOHON MBEN ISRAEL GI NIGOM 16:33 - ALLAH NIHYET MEM TUNGWATU NYA

³³ Biei bigbehei nya mimbos-hi-mbos lewo tuhan kwei krau mem gima ta ninyeng tak kepti ei dihyeisi dini tu.

NIBOHON MBEN ISRAEL GI NIGOM 16:33 ပူးပေါင်းရင်းမြစ်များ

MAZMUR 98:9

Lewo tuhan kwei bigwam nok nikei di ba ningon sren-srausi kin nisingatti bimbus ngkiai nya ingonti.

PETRUS GI NICAN 3:14

Gima rino disut bat di dingon kieti jen, tirigi sisip jibet jingon mem Njap dima nittausi lene ma jimbres jenti leu sisar kin mun di kinei di sigi ser jingonti nya hagom ei Allah niyai him leu binhyepo jingon kwes kin Noni.

TESALONIKA GI NICAN 1:8

Ba, Noni mittau kwei sut hum njeng di cig-cai leu binhyepo bikes hukum ei yo di irok Allah kin yo di ingkek ndok tut Nihyet Di Kei tut ide Tuhan Yesus dip.

TESALONIKA GI NICAN 1:10

Ba, gini hagom mipek kep mem njap dino Noni kwei hanyen leu api Nide limwa nya yahagom inggei sut Noni bikon ninyeng cem. Jeni cem jicoi bit yo dima lewo jingon jo kep nihyet di nitri tut bije tu.

NIBOHON MBEN ISRAEL GI NIGOM 16:32

Muk ngei kin mun nyeng di joti nya hagom e, ma jigwei bong noyam kin kru di cut di nigwei bong. Miai nya kin njita kioi di joti nya e, ma jiyai nillei hak ug!

NIBOHON MBEN ISRAEL GI NIGOM 16:34

tuhan ningon kei sut nye ba, ningon ngakei nyeti jo kikau bijo ninno. Gima rino ma jipai sigyo bak Noni.

YESAYA 55:12

Mijiyai nillei tirigi jehei leu minu Babel. Ngkiai nya miba ingon di kwes kin je behei sut je. Mbigdip nya kin nungug tou nya migyai nillei ba, biei susti nya ittem inda.

NITRITI 18:25

Dem mem gima acok tut yo di ingon ngun kin yo di ingon mui yahagom srig yamti bi. Gima igbit bi! Bit bon ayai nok gima bi! Gino ayai nok lene yo di ingon ngun nya mitug ndei hukum noyam kin yo di ingon mui nya lene gini dem tut bi. Suar no di nok nikei mem mpia-bbed him kin dihyeisi dini ba ningon sren biyai nibou tut.”

MAZMUR 9:9

Noni ba ningon gom binyeng tak kep ngkiai nya hak. Noni ba ningon di sren kei bimbus ingonti cem.

YESAYA 44:23

Mpia-bbed him e, ma ambos-hi-mbos! Dihyei jou e, ma ayai nillei! Mbigdip nya e, ma jimbos-hi-mbos! Baham tindurti bitut biei nya hagom e, ma jiyai nillei! Lewo tuhan ndo Nide nikei-kau-keisi brei tirigi Noni teu Nide limwa nya.