NIBOHON MBEN ISRAEL GI NIGOM 16:29 - ALLAH NIHYET MEM TUNGWATU NYA

²⁹ Jikon tuhan Ninyeng di dia-diau kei. Lene jijem mindhe mem jibui bijindig ei nimbar hum dokti ei Nide Ig. Ma jiba sinsun di pwoi di bindo bipia jingon gom tut Noni bikuk je bak.

NIBOHON MBEN ISRAEL GI NIGOM 16:29 ပူးပေါင်းရင်းမြစ်များ

MAZMUR 100:4

Ma jipai sigyo nindig bibor tirigi jicoi kak dimbou pmem ug ei Nide Ig. Jinggei sut Noni mpe dino jicoi ug ei Nide Ig Him. Jipai sigyo nindig bibor bijinggei sut Noni!

YESAYA 6:3

Lene yahagom ighyet kui yam bipai, “tuhan Di Sindem Bibor kwes-kwau o! Kwes-kwau o! Kwes-kwau o! Dihyeisi dini mpung tut nikei-kau-keisi o.”

MAZMUR 96:9

Ma jijuk sinsun midut ba, jibikuk je biNoni. Je di jidigek kep dihyeisi dini hagom e, ma jinghuisi mpig sut Noni tirigi jikwei ya ei Noho bei!

MAZMUR 96:6

Nikei-kau-keisi kin ninyeng di jei biborti bikrop ttai Noni. Nide Ig mpung tut Nide nisindemti kin nidia-diau keisi.

MAZMUR 95:2

Jikwei ba, yahagom igya ei Noho bei bipai sigyo biNoni ba, iba doia di llei bibor binggei sut Noni.

MAZMUR 29:2

Ma jinggei sut tuhan di dia-diau! Ma jijuk sinsun midut di kwes-kwau leu api jibikuk je bak.

MAZMUR 72:15

Abindei ba, nibou ndig bong kei gwam kei bijo ninno bijo kikau! Abindei ba, mben Arab injei mas bak noni ba, tungwatu nya ingat nadi tindei noni mem mmun-njap cem. Allah e, ma anjei mun di kei bak noni bijo ninno bijo kikau.

NINGAT-HI-NGAT NYA 7:12

bipai “Igbit ri! Jikwei ba, inggei sut ide Allah lewo ninyeng jei ba, ningon ki cem. Ma ipai sigyo bikuk nye bak Noni lewo Nongkom sindem bibor kikau buug hon nohonti bi! Igbit ri.”

MAZMUR 110:3

Ade limwa nya minjei siceu bit na ei nungug tou di adimig ei su mem njap dino atin ei mem akon pran bit ade siceu nya. Pinai pilei nya di imangti dem kep nggou njap bigyoti minduk yam kwei ndam na.

NIBOHON MBEN ISRAEL GI NICAN 20:21

Tirigi nibou ndig mbrap bit limwa nya leu su lene cuk nimpung di ipai doia leu binhyepo ijuk sinsun nimig-ninda di ijuk kikep mem njap di ibon midut nya ei tuhan De Ig pijum nya. Suar nimpung nipai doia dima ibon nimpung bigya igyati tut ide sinsun nibon midut ei nimpung tentara yoho bei ba, ibipai doia ninno “Ma jinggei sut tuhan! Lewo ningon ngakei nye bijo ninno bijo kikau!”

YEHEZKIEL 24:25

tuhan pai bida, “Na di tungwatu di ayaijo kikau bi e, midiyai Ditde Ig di ngkiem kei di inggei sut cem ingon kei sut cem igya bimian huk nggilun cem icem kep bit leu ingon kanti cem dima leu yok. Leu api midipos imunggwom bat nya cem leu yok.

MAZMUR 72:10

Nibou ndig minu Tarsis kin mios nya mikwei binjei munkwas bak noni. Nibou ndig minu Arab kin Etiopia nya mikwei go belasten binoni.

MAZMUR 50:2

Allah de nisieng-siausi piga kwei leu minu ndig Sion di kei bibor kei bipiga kei.

YEHEZKIEL 7:20

Nipou yo ne inggei sut ide tig permata di kei-kau-kei nya di ibimau yonti lo, iba tig permata dima bibon kwar di ikuk yok bak di suwok nya. Apino tuhan bindei di ingon mpo tut ide ndigban dima.

SAMUEL GI NIGOM 6:5

Gima rino ma jiba mas bibon kwar hi nok ningkek dip dimaham kin ncup di igyem jide njita bingwig leu je cem leu api ma jikon mben Israel ide Allah ninyenga. Tug hon nisinati dima Noni mikes hukum ei jeni kin jide kwar nya kin jide dihyei hanjop nsi nya dip bu bi.

NIBOHON MBEN ISRAEL GI NIGOM 16:28

Je di tungwatu nya e, ma jikon tuhan nikei-kau-keisi kin nisindemti!

NIBOHON MBEN ISRAEL GI NIGOM 16:30

Je di tungwatu dihyeisi dini jahagom jidigit tirigi jiya ei Noho bei! Dihyeisi dini nddong kei ba, bit bon ugwa-kwei kan bi.

MAZMUR 29:1

Doia Daud. Je di Allah pai tes ei gwamti e, jinggei sut tuhan ninyeng di jei biborti kin Nide nisindemti.

MAZMUR 96:7

Je di tungwatu dihyeisi dini hagom e, ma jinggei sut tuhan. Ma jinggei sut Nide nikei-kau-keisi kin Nide nisindemti!

YESAYA 52:1

Je di mben Yerusalem e, ma jikiju hanyen lene ma jingonti yai nisindem bijijuk jide sinsun di kei-kau hanyen! Je di jinok Allah de limwa di jingon kwes e, ngkiai di irom ndok nya micoi dimbou hui kwei ei jide minu ndig bu bi sren.