NIBOHON MBEN ISRAEL GI NIGOM 15:29 - ALLAH NIHYET MEM TUNGWATU NYA

²⁹ Tirigi ittei brua dima ba, sindi ibicoi minu ndig lene Saul nipmisop Mikhal su no kendera mihyeti bingat Nibou Ndig Daud di bien-bien nyen leu api ba ningon di nggei-hi-nggei bingon-mingon cem. Apino Mikhal koi nuhwap tut noni.

NIBOHON MBEN ISRAEL GI NIGOM 15:29 ပူးပေါင်းရင်းမြစ်များ

SAMUEL GI NICAN 6:16

Tirigi sindi ittei Brua dima bicoi kwei ei minu dima lene Mikhal po Saul nipmisop pima ya ei kendera mihyeti bingat lo, Nibou Ndig Daud pri-pri nyen bibinggei sut tuhan lene Mikhal ningon pus tut noni nindig bibor.

NIBOHON MBEN ISRAEL GI NIGOM 15:28

Mben Israel yahagom injei nyahan bit Brua Gi Preu dima kikau ba, ikwei krau minu ndig Yerusalem kep. Lene iba ingon di llei bimbos-hi-mbos cem imiep pun mbrei nicun nya kin nijei nya cem ibui yeng beng ngkimom-tembaga cem ikek nggong mbrei nya cem.

NIBOHON MBEN ISRAEL GI NIGOM 17:1

Niabiati Nibou Ndig Daud bong ser nide ig nibou ndig lene jem Nabi Natan kwei bipai bak “Angat i! Dibong ei ig nibou ndig di iba buom Libanon bingot. Noro tuhan De Brua Gi Preu jo hak ei prak mengti he.”

MAZMUR 149:3

Ma jiba nibien-bien nyenti kin doia bikon ninyenga. Ma jiba nggong brei kin mun di nggileng bikon ninyenga!

MAZMUR 150:4

Ma jipri-pri nyen bijiba mun di nggileng di jimpig-mpig nyen nibimbi binggei sut Noni. Ma jiba nggong nya kin porei nya nibimbi binggei sut Noni.

MAZMUR 30:11

tuhan e, amiap kep dihyet ba, angondut dani cem leu api ampu da o!”

NEHEI LEUSI 15:20

Lene Miryam di nok nabi sop di Harun nikwohop pima ug yai nide mun di nggileng ba, nisut bat sop nindigsi nya yahagom impig ide mun di nggileng nya bit noni bipri-pri nyen.

NIBA NINGON SRIP HUKTI 3:4

nituti mem ipim kin nituti mem ipa cem ba, nituti mem ingon ngguk kin nituti mem ipri-pri nyen cem ba,

YEREMIA 3:16

Leu api tirigi jimangti kum eisi ba, jimang bibor bijikieng kep mpia ei mpia dima lene tungwatu nya misimbot kep biyam tut Ditde Brua Gi Preu bu bi. Yoni mikan-kan nyen tut ba, igyok ngon kep bu bi. Yoni isuar Brua Gi Preu ba, ibon nijep hi bu cem bi.

YEREMIA 30:19

Timiei minu ndig Yerusalem nya miba doia bikon dinyenga. Yoni iba ingon di kei bimbos-hi-mbos cem. Dibindei ba, ngkiai nya ibou cut biyok. Ighyet kinei sut yok bu bi. Ditde limwa nya imangti mikum eisi kikau.

YEREMIA 33:11

Noro nihyet niyai nilleisi kin ningon di nggei-hi-nggeisi kin nihyet nibon pesta niwak yamti mitibim hanyen kwei leu mpia dini yo. Doia di tibim leu yo di ibon midut nibipai sigyo ei Ditde Ig yuhui him cem mitibim yo. Yoni mipai, “Ma jipai sigyo bak tuhan Di Sindem Bibor lewo Noni singat kei ba, ningon ngakeisi jo ninno bijo mimpui.” Midibindei ba, nibong kei nigwam keisi kieng kep minu dini noyam kin gi nipou pima. Da di tuhan disimbot dat tu.”

MBEN ISRAEL IMBUT-MBUT NYEN 10:33

Tirigi po mben Israel ikes Nungug Sinai po tuhan pigig ser pima bimbut lene imbut mem mmun-njap ningai. Mpe dima ne tuhan De Brua Gi Preu bie tut yok leu binhyepo ndo igbit mpia ttou nsi di kei mem gima yohok ide prak meng nya eisi.

KISAH 2:13

Noro ibou poi iba ighyet bicig yo di ingon jo kep nya bipai “Yo dini idut mun di pu yok!”

KORINTUS GI NIGOM 2:14

Bit bon no di yai Allah Ninnei ei ningonti bi dima yai mun di kei nya di kwei leu Allah Ninnei kan bi. Lewo ningon dorti tut bi ba, mun di kei dima bon ninyeng mem noni bi. Bit bon noni kan tut mun di kei nya nibok kan bi bibou noni yai Allah Ninnei ei ningonti nipou ug e.

KORINTUS GI NICAN 5:13

Gino hi pai kep da bipia dintin kiek ne diba dintin kiekti dima bahati tut Allah. Gino hi simbot dat bipia dingon tungwatu ne diba dingon tungwatu dima bahati tut je.

NINDAT KEP TUHAN NICUKTI NYA 31:26

“Ma jiyai srat di Allah nicukti nya joti dini bijikon bijo simiak tuhan di nok ide Allah Nide Brua Gi Preu bijo kikau ei sirima binok mun di bindo tut Nide limwa nya igyai munti nya.

IBRANI 9:4

Ikon nimbar hum ndok di iba mas bibon mem indig biei nggrai di ui-gwang kei eisi kin Brua Gi Preu di iba mas binggai kep ei ninsi dima. Leu api igyok yeng di iba mas bibon dino njita manna joti kin Harun de tom di biop kin tig mma can di Allah niggai serti simnai joti ei brua nsi dima.

YOSUA 4:7

ma jipingok ingonti bijipai Minyei Yordan tun leu yam ei mpe di po imam nya ikon tuhan de Brua Gi Preu ba, ibisigon pima. Tig dini ne tig nibiyok ngon kep mem mben Israel rin leu binhyepo igyok ngon kep mun di pek kep mem yok ei mpia dini.”

NIJAM NIKEI NYA 20:27

Ei nijam dima ne Allah De Brua Gi Preu jo nijoti ei minu ndig Betel ba, Pinehas di Eleazar nipmot ba, Harun nignyon yai midyai nok imam. Leu api mben Israel ihig ser tuhan “tuhan e, suar nuug hanyen bu binikon pran bit nisut bat tentara keret Benyamin nya e? he nikes hon ba, nikon pran dini bu bi e?” Lene tuhan buhup “Ma juug ba, jikon pran bit yok hanyen bu lewo njap di hyep bu lene midibindei ba, jibindei timek yok ug ri.”

SAMUEL GI NIGOM 25:44

Nipou tirigi Daud wak Abigail bigyo lene Saul tuug nipmisop Mikhal di Daud nitnem ndig leu ba, ndo bak Palti di nicig ninyeng Lais leu minu ndig Galim.

SAMUEL GI NIGOM 4:3

Tirigi tentara Israel di ingwes ngun nya induk yam hanyen kwei ei prak meng yati lene ide nibou pran nya ipai biyam “Nggon rino tuhan sindui sut mben Filistin di ihwen nye bingwig ei njap di ammani i? Jikwei ba, ingkwei hanyen ug ei Silo ba, igyai tuhan De Brua Gi Preu kwei leu binhyepo Noni miya tut nye bibindei ba, nye di mben Israel ingwes ngun leu ide siceu nya indati.”