NIBOHON MBEN ISRAEL GI NIGOM 15:25 - ALLAH NIHYET MEM TUNGWATU NYA

²⁵ Leu api Daud njei sut nibou mben Israel kin nibou tentara nya ba, yuug ei Obed-Edom de ig mem gima ittei Brua Gi Preu kwei ba, ibon midut di nindig bibor cem kep.

NIBOHON MBEN ISRAEL GI NIGOM 15:25 ပူးပေါင်းရင်းမြစ်များ

NIBOU NDIG NYA GI NIGOM 8:1

Tirigi hagom put tu lene Nibou Ndig Salomo nduk mben Israel ide nibou keret nya kin nibou mbier nya yahagom ba, ikwei ngat noni ei minu ndig Yerusalem leu binhyepo ikon tuhan De Brua Gi Preu leu Sion po Daud De Minu Ndig pima buug sut ug ei tuhan De Ig.

NIBOHON MBEN ISRAEL GI NICAN 1:4

Noro tuhan De Brua Gi Preu no jo ei prak mengti di Nibou Ndig Daud hok mem ei minu ndig Yerusalem. Brua dima jo ei sirima habiei leu mpe di po ikon kwei leu Kiryat-Yearim.)

NIBOHON MBEN ISRAEL GI NICAN 5:2

Gima ngwig leu lene Nibou Ndig Salomo nduk nibou mem keret nya kin nibou mem mben Israel insi de nya ba, yahagom idem yam ei minu ndig Yerusalem mem gima ikon tuhan de Brua Gi Preu leu Sion dino Daud De Minu Ndig ug ei tuhan De Ig.

EZRA 6:16

Lene mben Israel bitut imam nya kin keret Lewi nya kin yo di ingkwei hanyen kwei leu ingkiaisi yahagom iba ingon di llei bibor bipiga tuhan De Ig a.

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

MBEN ISRAEL IMBUT-MBUT NYEN 31:14

Noro hammi tirigi yuum yam rino Musa gga nibou ndig tentara nya kin nibou nimpung nya,

NINDAT KEP TUHAN NICUKTI NYA 1:15

Leu api dimbus nibou di ingon ki bibor kin gi igya hacan mem tungwatu nya igkei di jindo ei su pima ba, dita yok nok nibou nya mem je. Dita yok nok nibou mem nimpung nya di imangti ibou sribu gom kin nimpung nya di imangti ibou sratus gom kin nimpung nya di imangti ibou ningot muhwi kin nimpung nya di imangti ibou ningot gom lene nok. Lene dita nibou hiter nya mem gima igyok igyai kep jide mben nya.

NINDAT KEP TUHAN NICUKTI NYA 12:18

Ma jeni kin jimunggwom bat nya kin jide awak nya kin yo di intun Lewi him di ibong ei jide minu nya jahagom jiyem kep mun di jipigig sut ei mem tuhan di nok jide Allah ei Nonti Noho bei ei minu ttou nsi gom ngat di Noni ndo ei mem jikuk je biNoni eisi. Lene ma jillei ngwig sut mun di jiyai nya hagom.

NINDAT KEP TUHAN NICUKTI NYA 12:7

Ma jeni kin jimunggwom bat nya jiyem pesta kep ba, jillei ngwig sut jide midyai di jinda jo kep nya ei tuhan di nok jide Allah Noho bei ei minu ttou nsi gom dima. Lewo Noni singat tut je nindig bibor.

NINDAT KEP TUHAN NICUKTI NYA 16:11

Suar jiyai nillei bit jimunggwom bat nya kin awak jide nya kin keret Lewi nya kin ngkiai nya kin moibihi nya kin kibom nya di ibong ei jide minu ndig nya. Ma jibon midut dima ei jide tuhan Allah Noho bei ei mpia ttou nsi di Noni ndo ei mem je tu.

NINDAT KEP TUHAN NICUKTI NYA 16:15

Suar jiba midut dima bikon jide tuhan Allah ninyeng kikau mem njap muhwindacan ei mpia ttou nsi di tuhan ndo ei mem je tu.

FILIPI 3:3

Lewo nyeni icoi ei midut sunat di nijitti tu noro yoni ne bi. Lewo ikuk nye bak Allah tug hon Allah Ninnei di mpu nyeni ba, ingon llei sut ide ninok gom kin Kristus Yesusti ba, iba ingon com nibon midut ningkek dip nya bi.

FILIPI 4:4

Handei kon ba, jingon llei bibor bikwop mmun-njap drek dip jide ninok gom kin Tuhanti. Ditigtai je mbigom kin bu “Ma jingon llei bibor!”

SAMUEL GI NIGOM 10:19

Dinyeng tak kep je ba, diteu je leu mun di cut igkep je kin mun di buhun tak je bijingwes ngun tu. Noro tini bu lene jikou sut Da ba, jisuar jide nibou ndig gom. Nna ba dice tut jingon kanti dima. Gima rino ma jahagom jikwas yam bit leu nok jide keret kin jide pung di jintun him nya cem leu api jikwei ya ei tuhan Noho bei.’ ”

SAMUEL GI NIGOM 22:7

lene Saul pai bak nibou tentara nide nya “Keret Benyamin jen, jimiap! Jikan bipia Daud dima mikwas miai kin biei anggur nghousi tut je bikon jahagom jinyeng bijinok nibou mem nide tentara nya e?

SAMUEL GI NIGOM 8:12

Noni mita bihi nok nibou mem tentara ibou sribu gom lene mita bihi nok nibou mem tentara ibou ningot muhwi. Noni mikes midyai di buhun bibor ei jipmot bat nya inghat dip. Yoni migyai kep nide miai nya bipuk nide njita ningat kwei leu beisi cem ba, ibon nide minggwen nya kin nimbumbati mem nide kroba pran cem.