NIBOHON MBEN ISRAEL GI NIGOM 15:16 - ALLAH NIHYET MEM TUNGWATU NYA

¹⁶ Daud cuk nibou Lewi dima yok leu binhyepo indo ibou poi leu ide keret mem gima ipai doia ba, ibikek nggong mbrei kin yeng beng ngkimom-tembaga di ibui cem ba, ibipai doia niyai nillei cem.

NIBOHON MBEN ISRAEL GI NIGOM 15:16 ပူးပေါင်းရင်းမြစ်များ

NIBOHON MBEN ISRAEL GI NIGOM 13:8

Lene Daud kin mben Israel yahagom ibien-bien nyen ba, ibingon mingon ser. Lene iba ingon di llei bibor bikon Allah ninyeng ba, ibikek nggong mbrei kin ndug-ndug kin yeng beng ngkimom-tembaga di ibui kin pun mbrei cem.

NIBOHON MBEN ISRAEL GI NIGOM 15:12

bipai biyok “Jeni ne nibou mem jide bat nya di intun keret Lewi him ri. Gima rino suar jeni kin keret Lewi nindigsi nya jibon midut nipiap jenti bipwoi. Leu api jittei tuhan Allah Israel De Brua Gi Preu kwei ei mpia ttou nsi di ditin ei mem tu.

NIBOHON MBEN ISRAEL GI NIGOM 16:42

Heman kin Yedutun cem inyeng tak kep yo di iba pun mbrei kin yeng beng ngkimom-tembaga pima di ikek kep bibibit doia di ipai bibikon tuhan ninyenga. Lene yo di intun Yedutun ninsi de him nya igya ser dimbou pmem nya ei gumihyep dima.

NIBOHON MBEN ISRAEL GI NIGOM 16:5

Asaf ne nibou di ya bibie mem yok ri. Lene Zakharia ya kui noni. Idimig Yoel kin Semiramot kin Yehiel kin Matica kin Eliab kin Benaya kin Obed-Edom kin Yeiel ei mem gima ikek nggong mbrei nya. Asaf bui yeng beng ngkimom-tembaga ba,

NIBOHON MBEN ISRAEL GI NIGOM 23:5

Noni dimig ibou sribu bitai ei nok yo di igya ser tuhan De Ig a. Lene dimig ibou sribu bitai bu ei mem gima iba musik di itin ei su nya bipai doia mem gima ibinggei sut tuhan ninyenga.

NIBOHON MBEN ISRAEL GI NIGOM 6:16

Lewi yai nipmot bat nya ibou ningai ba, inyeng rino Gerson kin Kehat kin Merari.

NIBOHON MBEN ISRAEL GI NICAN 20:19

Leu api Lewi nya di intun Kehat kin Korah insi de him nya ikiju bigya. Iba nimbos-hi-mbos bikon mben Israel ide tuhan Allah ninyenga.

NIBOHON MBEN ISRAEL GI NICAN 30:12

Nok gima cem Allah pingok ei timiei Yehuda nya ingonti bibindei ba, yahagom ingon gom tut gi ibit Allah ningon kanti mungkun kei tug hon gi ibit nibou ndig kin yo di igya kui noni icuk yokti dima.

NIBOHON MBEN ISRAEL GI NICAN 7:6

Imam nya igya igyati ei mpia di indo mem yok ba, iba yoho rok Lewi nya di iba mun nyeng hi gom hi gom po Nibou Ndig Daud bon bou ninda him pima bikon tuhan ninyeng ba, ipai doia “tuhan ningon ngakei tungwatu nyati jo kikau buug hon nohonti bi sren.” Doia dima bit leu Daud nipingokti. Limwa nya yahagom igya igyati lene imam nya yuhui jo kep pun mbrei bimiep.

NEHEMIA 12:27

Tirigi ipiga ngug tig di jo ttai minu ndig Yerusalem lene ijem Lewi nya ba, ikwei leu ide minu di ibong niti hagom leu binhyepo iba doia nipai sigyoti bikon tuhan ninyeng ei njap nipiga ngug tig dimati. Yo dini iba yeng beng nya kin nggong brei nya bikon tuhan ninyenga.

NEHEMIA 12:36

Yo di igya abia kep Zakharia ninghim dip bu ne nimpung leu bibikwop Semaya kin Azareel kin Milalai kin Gilalai kin Maai kin Netaneel kin Yehuda kin Hanani yoni insi de nya ri. Yo dini yahagom ikrau mun di ibikek doia noyam kin gi hi po Nibou Ndig Daud po Allah de awak bikek pima ei indati. Lene Imam Ezra di ningon ki tut Allah de nikos tutti nya bie tut nibou mu.

NEHEMIA 12:43

Njap dima ne ibui mindhe-ndhe ngot bindig ei nimbar hum dokti bak tuhan. Limwa nya igyai nillei lewo Allah bindei ba, ingon nggei-hi-nggei su. Sop nya kin munggwom nya cem ibit yok tut pesta dima lene ighyet di ibigyai nillei dima tibim ug ei minu ting bijo ninno.

NEHEMIA 12:46

Habiei leu nijam Nibou Ndig Daud kin Asaf di ningon ki tut doia ne yo di ipai kep doia iba doia dima bikon Allah ninyeng ba, ibipai sigyo bak Noni cem kikau kwei bipek ammani kep.

MAZMUR 100:1

Doia mem midut nibipai sigyo bak tuhanti. Je di tungwatu dihyeisi dini hagom e, ma jipai kep doia bak tuhan!

MAZMUR 149:3

Ma jiba nibien-bien nyenti kin doia bikon ninyenga. Ma jiba nggong brei kin mun di nggileng bikon ninyenga!

MAZMUR 150:5

Ma jiba mun di nok yeng nibeng mien di nggileng kin yeng nibeng ndig di nggileng cem nimbimbi binggei sut Noni.

MAZMUR 81:1

Doia Asaf mem no di bie tut doia nimpung bit leu nihyet nibikiek Gitit.

MAZMUR 81:3

Ma jikon doia ba, jibibit mun di impig-mpig nyen nibimbiti cem. Ma jikek nggong kin nggong mbrei kin nibimbiti di bindei ba, itingou ngakei.

MAZMUR 87:7

Yo dima ipri-pri nyen bipai doia “Sion ne mpia di nijem nok nitimieisi ri.”

MAZMUR 95:1

Jikwei ba, inggei sut tuhan. Iba ingon di llei bibor bipai doia bak Noni lewo Noni sindem bibor biya srak ko hagau nye!

NEHEI LEUSI 15:20

Lene Miryam di nok nabi sop di Harun nikwohop pima ug yai nide mun di nggileng ba, nisut bat sop nindigsi nya yahagom impig ide mun di nggileng nya bit noni bipri-pri nyen.

YESAYA 49:23

Nibou ndig nya mibon yonti ba, inok jicig bat nya. Nibou ndig sop nya mibon yonti ba, inok jipmem bat nya. Yoni miba ibiau bicom mpia ei jimig him bikon jinyeng ba, ikuk yok bije binggei sut je. Mpe dima lene mijikan tut bipia Dani ne tuhan ri. Yo di igyok ingon mem Da miwok Da hanyen bi sren.”

YEREMIA 33:11

Noro nihyet niyai nilleisi kin ningon di nggei-hi-nggeisi kin nihyet nibon pesta niwak yamti mitibim hanyen kwei leu mpia dini yo. Doia di tibim leu yo di ibon midut nibipai sigyo ei Ditde Ig yuhui him cem mitibim yo. Yoni mipai, “Ma jipai sigyo bak tuhan Di Sindem Bibor lewo Noni singat kei ba, ningon ngakeisi jo ninno bijo mimpui.” Midibindei ba, nibong kei nigwam keisi kieng kep minu dini noyam kin gi nipou pima. Da di tuhan disimbot dat tu.”

AMOS 6:5

Jiluei-luei nyen doia nijep nya bit leu nok Daud niyaisi leu api jiba nggong mbrei nya bipai doia dima yok.

KISAH 14:23

Paulus kin Barnabas ita nibou mbusyamei nya bidem ig mbusyamei niyati hagom lene iba nadi kin niyem njita bi mem nituti poi bikes yok ei Allah di nibou dima yok ingon jo kep nindati.

2 TIMOTIUS GI NICAN 2:2

Ma aba ditde ningginausi nya di ditri tut bak tungwatu nya imang bibor bitri tut hanyen bak yo di ingon gom nya leu binhyepo ibingginau yo di hiter bu sindam.

TITUS 1:5

Dikes na ei Mios Kreta leu binhyepo aprios kep bram mun di niken bu ba, ata nibou mbusyamei nggi minu di yo di mbusyamei nya ingat rin eisi. Ma ayok ngon kep dipingok nati nya.