NIBOHON MBEN ISRAEL GI NIGOM 15:15 - ALLAH NIHYET MEM TUNGWATU NYA

¹⁵ Tirigi ittei brua dima kwei lene iba ug can bikon ei inghat dip leu api ittei sut ba, ibibit leu tuhan nikos tutti di yai bak Musa nipou su.

NIBOHON MBEN ISRAEL GI NIGOM 15:15 ပူးပေါင်းရင်းမြစ်များ

SAMUEL GI NICAN 6:12

Lene Nibou Ndig Daud miap tut bipia tuhan njei mun di kei bak Obed-Edom bitut nide ig bei nsi nya kin mun di noni nyeng tut nya hagom drek dip Brua Gi Preu dima. Gima rino noni ug ei Obed-Edom de ig lene ba nimbos-hi-mbos bikon Brua Gi Preu dima buug sut hanyen ug ei minu ndig Yerusalem.

SAMUEL GI NICAN 6:13

Tirigi yo di ittei Brua Gi Preu dima imbut bicom imig mbimuhwindagom he lene noni cuk yok bigya leu api ba sapi nikre kin sapi mien di pap-nap kei bibon midut nindig mindhe kep humti bak tuhan.

NIBOU NDIG NYA GI NIGOM 8:8

Ug di ibittei dima jei bibor. Gima rino tungwa tou rino ya hammi dimbou hui ei Ninsi Di Kwes-Kwau mingat niyenti nya bou niyai him. (Ug dima yok jo nijoti kikau kwei bipek ammani kep.)

NIBOHON MBEN ISRAEL GI NIGOM 13:10

Hammi tirigi noni yai nok rino tuhan gga Uza hak lewo niyai munti dima dem kep nok ningkek ndok tut tuhan. Leu api tuhan yai nimai bak noni hak ei nikrau bruati dima. Hon njap dima kwei lene ijem mpia dima ninyeng Peres-Uza. Lene Daud gga tut gi tuhan bindei di Uza mai hak nok gima.

NIBOHON MBEN ISRAEL GI NICAN 5:9

Ug di ibittei dima jei bibor apino niyenti tau ei Ninsi Di Kwes-Kwau nuhui him bijo brei, ei tungwatu nya di igya dideu Ninsi dima nuhui him igyai him noro yo di igya nisai ne igingat bi. (Ug dima hacem no jo nijoti ei ninsi dima kikau kwei bipek ammani kep.)

NEHEI LEUSI 40:20

Lene ikon tig mma can pima bikes hacem ei Brua Gi Preuti. Lene igyai ug nya ba, isu ei srak nyati leu api iba nibeng bikibou kep.

MBEN ISRAEL IMBUT-MBUT NYEN 4:15

Tirigi jam dem mem jilet jide prak meng nya bijipri leu mpia ttou nsi gom lene suar Harun kin nipmot bat nya icoi ug ei Ditde Prak Meng nsi ba, iba minyahas binggai ndigban hagom kin nimbumbati hagom ei sirima. Gima leu ug api Kehat nide bat nya ikwei mem gima ittei ba, yuug sut. Noro ma ingget mun di kwes-kwau dima yok au. Gino ingget mun nyeng gom lene imai drek dip. Gima ne Kehat nide bat nya ide midyai di igyai ei mpe dino jilet Ditde Prak Meng bijimbut tut ri.

MBEN ISRAEL IMBUT-MBUT NYEN 7:9

Noro Kehat nide bat nya igyai kroba nindig kin sapi leu Musa bi lewo suar yoni ikon ndigban di kwes-kwau di yahati tut nya ei inghat dip bimbut tut.

NINDAT KEP TUHAN NICUKTI NYA 10:8

Ei nungug dima lene tuhan dimig pinai nya leu keret Lewi ba, ta yok nok yo di inyohou Brua Gi Preu ba, igyai midyai nok imam nya ba, ingat nadi tindei mun di kei mem tuhan de limwa nya tug hon ninyeng cem. Yo dima igyai kep midyai dima kikau kwei bipek ammani kep.