NIBOHON MBEN ISRAEL GI NIGOM 15:12 - ALLAH NIHYET MEM TUNGWATU NYA

¹² bipai biyok “Jeni ne nibou mem jide bat nya di intun keret Lewi him ri. Gima rino suar jeni kin keret Lewi nindigsi nya jibon midut nipiap jenti bipwoi. Leu api jittei tuhan Allah Israel De Brua Gi Preu kwei ei mpia ttou nsi di ditin ei mem tu.

NIBOHON MBEN ISRAEL GI NIGOM 15:12 ပူးပေါင်းရင်းမြစ်များ

NIBOHON MBEN ISRAEL GI NICAN 35:6

Suar bikwop jahagom jikos domba kep nibon midut Njap Ndig Paskah. Tut gima lene jibindei pwoi jenti nipou ug e leu binhyepo jikuk je bak tuhan. Jibitin ei mindhe-ndhe di jindig ei nimbar hum dokti mem gima jibikuk je bak tuhan cem. Leu binhyepo tug hon nisinati dima lene limwa mben Israel nindigsi nya cem idem mem gima ibindei mbut tuhan De nicuk nyeti di tug hon Musa.”

NIBOHON MBEN ISRAEL GI NICAN 30:15

Leu api ibui domba Njap Ndig Paskah mem njap gi nisimnaibrimigtai ei bed gi nican. Imam nya kin Lewi nya di map kui yok nya immai sut yonti bibor. Gima rino ibindei pwoi yonti leu binhyepo ibon midut nindig mindhe-ndhe ei nimbar hum dokti ei tuhan De Ig.

NIBOHON MBEN ISRAEL GI NIGOM 15:14

Gima rino imam nya kin Lewi nya ibon midut nipiap yonti bipwoi leu api yuug ttei tuhan Allah De Brua Gi Preu dima kwei.

YOHANES 17:17

Ma adimig yok ei mem Nanti tug hon nijit-jausi. Nihyet Ade ne nijit-jau ri.

YEHEZKIEL 48:11

Imam di intun Zadok him igyai dihyei hanjop nsi di ikwas pijum dima nok ide dihyei ninda rom lewo yoni rino iba ingon gom bigyai midyai mem tuhan lene iginoyam kin mben Lewi nindigsi nya di ibon sisar bit limwa mben Israel bi.

NIBOHON MBEN ISRAEL GI NICAN 5:11

Imam yahagom di idem yam ei dima leu nimpung imam nya hagom rin ba, yahagom itin ei yonti mem midut dima tu. Lewi nya di ipai kep doia nya kin gi iba musik bipai kep doia nya inyeng rino Asaf kin Heman kin Yedutun bitut yo di intun insi de nya him yahagom ba, ijuk sinsun di iba minghas di nggriu-nggrop kei binap noyam. Lene Lewi nya ikiju bigya ei nimbar hum dok nite bei mpia nipriti bikrau yeng beng kin nggong mbrei ei inda him. Lene imam ibou sratus gom ningot can di ikrau pun mbrei di imiep nya igya bit yok ei sirima leu api yo di ipai doia di ibibit mun di hiter ikek kep pima ipai ba, ibibit pun mbrei kin yeng beng kin mun di ibikek kep doia nindigsi nya. Doia di ipai di ibikon tuhan ninyeng dima nibimbiti pai, “tuhan kei-kau! Gima rino ma jikon ninyenga. Ningon ngakei nyeti jo ninno bijo kikau.” Tirigi Imam nya sindi yehei kwei leu tuhan De Ig lene nipigati di piga mpia kei di bindo tut tuhan di Ningat rin ei sirima tau kros lene piga bidem Ig dima ninsi titut yam apino bit bon ibinut midut nikuk yok bak Allah eisi dima kikau ug bipek ningwigsi kan bi.

NIBOHON MBEN ISRAEL GI NIGOM 24:31

Tut midyai di igyai bibit leu ide nimpung nya lene bikwop nibou ig bei gom kin nikinjoi pinai yoni ikus bit sur yam noyam kin gi ide bat di imam nya di intun Imam Harun him ibon pima. Ikus bit dima bou Nibou Ndig Daud kin Zadok kin Ahimelekh kin nimpung imam nya di inok nibou mem nimpung ig bei nsi nya kin nimpung Lewi nya di inok nibou mem nimpung ig bei nsi nya yahagom igyai him.

NIBOHON MBEN ISRAEL GI NIGOM 15:3

Gima rino Daud nduk mben Israel yahagom kwei ei minu ndig Yerusalem mem gima ittei tuhan De Brua Gi Preu kwei ei mpia ttou nsi di Daud tin ei mem tu.

NIBOHON MBEN ISRAEL GI NIGOM 15:1

Mpe hi bu ne Daud ngot ig ningat poi mem nonti ei Daud De Minu Ndig bitin ei mpia ttou nsi gom mem Allah de Brua Gi Preu cem. Noni hok prak meng gom mem Brua dima ei mpia ttou nsi dima.

NIBOHON MBEN ISRAEL GI NIGOM 9:34

Yo di inyeng jo nai dini kui ne nibou ig bei nsi nya di intun keret Lewi him bit leu ide pung di intun him ba, ibong hak ei minu ndig Yerusalem.

NEHEMIA 13:22

Leu api dicuk Lewi nya leu binhyepo ibon midut nibindei kwes yonti leu api suar igya ser dimbou pmem nya leu binhyepo map kui Njap Nigwam Kep Ninghuisiti bi.” Lene dingat nadi “Allah e, ma ayok ngon kep mun nyeng hagom di dibon dima. Aba Ade ningon ngakeisi di nindig bibor bingondut da.”

NIBOHON MBEN ISRAEL GI NIGOM 16:1

Brua Gi Preu dima ne ittei bikes ei prak meng nsi di Daud tin ei mem tu. Leu api ibon midut nindig mindhe titut kep humti kin midut nibiyai ningon kwes kin Allahti ei nimbar hum dokti. Iba nibon midut dima bikuk yok bak tuhan.

NIBOHON MBEN ISRAEL GI NICAN 1:2

Nibou Ndig Salomo cuk nibou tentara nya ibou sribu gom kin nibou tentara nya ibou sratus gom kin nibou di inyeng jei ei nide ninyeng tak kepti dima kin nibou mem nimpung ig bei nsi mben Israel yahagom,

NIBOHON MBEN ISRAEL GI NICAN 1:4

Noro tuhan De Brua Gi Preu no jo ei prak mengti di Nibou Ndig Daud hok mem ei minu ndig Yerusalem. Brua dima jo ei sirima habiei leu mpe di po ikon kwei leu Kiryat-Yearim.)

NIBOHON MBEN ISRAEL GI NICAN 5:2

Gima ngwig leu lene Nibou Ndig Salomo nduk nibou mem keret nya kin nibou mem mben Israel insi de nya ba, yahagom idem yam ei minu ndig Yerusalem mem gima ikon tuhan de Brua Gi Preu leu Sion dino Daud De Minu Ndig ug ei tuhan De Ig.

YESAYA 52:11

Je di jittei tuhan De Ig nimbumbati nya bijikwei sut e, ma jikes minu Babel ei ba, jikwei leu! Ma jingget mun di map kuisi au. Lene ma jitin ei jingon di kwes kei nipou tirigi jikwei krau bigyo.