NIBOHON MBEN ISRAEL GI NIGOM 14:17 - ALLAH NIHYET MEM TUNGWATU NYA

¹⁷ Apino Daud ninyeng di jeisi tibim bidem minu hagom nisurti-nipekti. tuhan bindei ba, mben nya yahagom idigit tut Daud bibor.

NIBOHON MBEN ISRAEL GI NIGOM 14:17 ပူးပေါင်းရင်းမြစ်များ

NIBOHON MBEN ISRAEL GI NIGOM 14:16

Lene Daud bon igbit tuhan Allah nicuk noti dima. Noni ya tut nide tentara nya bikon pran bit tentara Filistin. Leu api tentara Filistin isu jou kep inghim dip leu Gibeon kikau ug bipek kin Gezer.

NIBOHON MBEN ISRAEL GI NIGOM 17:8

Dimpu na bidem aug eisi nya hagom lene dibindei ba, ade siceu nya cem isar bingwig ei mpe di akon pran bit yoni. Midibindei ba, anyeng jei bibor noyam kin nibou di inyeng jei nindigsi nya ei dihyeisi dini.

NIBOHON MBEN ISRAEL GI NICAN 26:8

Mben Amon igo belasten gau yonti bak Uzia. Uzia de nisindem biborti bikum eisi kikau ba, ninyeng tibim tut kikau ug ei minu Mesir cem.

MAZMUR 18:44

Akwek da bidingwes ngun leu nimpung di ibit Ade nicukti bi nya inda nsi leu api akon da bidinok no di ninyeng tak kep ngkiai nya. Ngkiai nya di dikan tut bi nya cem inok ditde awak bu tu.

NINDAT KEP TUHAN NICUKTI NYA 11:25

Jide tuhan Allah mibindei ba, timiei nya bidem minu dima hagom mittin tut jeni nindig bibor bit leu nok gi po Noni preu ei mem jeni nipou su pima. Apino bit bon tungwagom mibigen ser je kan bi.

NINDAT KEP TUHAN NICUKTI NYA 2:25

Hon njap di ammani kui lene midibindei ba, mben nya bidem dihyei nisurti-nipekti hagom mittin tut jeni. Bikwop yo di imiap tut jinghapti midigit tut ba, mittin tut jeni cem.’ ”

YOSUA 6:27

Gima rino tuhan ningat rin bit Yosua leu api tungwatu nya ei minu dima hagom inga leu tut nide midyai nya.

YOSUA 9:24

Lene mben Gibeon ibuhup “Andigpoi e, nimiap tut bipia tuhan Allah di jikuk je bak cuk Nide awak Musa mem gima yai minu dini titut yam bina di Andigpoi a. Lene suar jiyai nimai bak yo di ibong ei minu ndig dini yahagom mpe dino jiyai minu ndig dini ba, jiyati. Nyeni nittin tut jeni nindig bibor. Leu mijiyai nimai bak nyeni cem. Gima rino niris mun bije tug hon niyai munti pima yok.