NIBOHON MBEN ISRAEL GI NIGOM 14:16 - ALLAH NIHYET MEM TUNGWATU NYA

¹⁶ Lene Daud bon igbit tuhan Allah nicuk noti dima. Noni ya tut nide tentara nya bikon pran bit tentara Filistin. Leu api tentara Filistin isu jou kep inghim dip leu Gibeon kikau ug bipek kin Gezer.

NIBOHON MBEN ISRAEL GI NIGOM 14:16 ပူးပေါင်းရင်းမြစ်များ

NITRITI 6:22

Lene Nuh yai mun nyeng hagom bit leu nok Allah nicuk noti.

SAMUEL GI NICAN 5:25

Lene Daud yai hagom bit leu nok tuhan nicuk noti bijji Filistin nya leu Geba kikau ug ei Gezer bibindei ba, igyai nimai.

NIBOHON MBEN ISRAEL GI NIGOM 14:15

Gino jimiap nibimbiti di dem kep tentara di ittei yam kui-juk nyen ei biei murbei nimengti ei ninggrupti lene suar jikiju bijihwen yok. Lewo midiya bibie joho bei bidibindei timek tentara Filistin ug ri.”

NIBOHON MBEN ISRAEL GI NIGOM 14:17

Apino Daud ninyeng di jeisi tibim bidem minu hagom nisurti-nipekti. tuhan bindei ba, mben nya yahagom idigit tut Daud bibor.

NIBOHON MBEN ISRAEL GI NIGOM 20:4

Jei bi lene Daud kon pran bu bit mben Filistin ei Gezer. Mpe dima lene Sibkhai di timiei Husa gom bindei mai Sipai di nok tentara Filistin di ningut anjan ndig ngat. Apino mben Filistin icut biyoni.

NIBOHON MBEN ISRAEL GI NIGOM 6:67

Minu dima yok ninyeng rino Sikhem di nok minu ndig ninang coi ei nungug him ei hanjop nsi dima kin Gezer kin Yokmeam kin Bet-Horon kin Ayalon kin Gat-Rimon.

YESAYA 28:21

tuhan mikiju bikon pran noyam kin gi po kiju ei Nungug Perazim ba, Noni mikon pran noyam kin gi po kon pran ei Mbang Briep Gibeon leu binhyepo bindei ba, ningon kanti pek kep. Ningon kanti dima jo nibreisi mem tungwatu nya bi! Noni mibindei mbut Nide midyai di bindei ninggap leusi.

YOHANES 13:17

Gino jingon dorti tut dihyet dini hagom bijibit lene jingon nggei-hi-nggei.

YOHANES 15:14

Gino jibit Ditde nicukti nya lene jinok disut bat di dingon kieti nya ri.

YOHANES 2:5

Noro Yesus nipmem cuk awak nya “Ma jiyai igbit dipmot nicuk jeti hak ug.”

YOSUA 16:10

Noro keret Efraim igijji timiei minu Kanaan leu minu ndig Gezer bi. Gima rino timiei minu Kanaan nya ibong timiei ei Gezer bit keret Efraim kikau kwei bipek ammani kep lo, keret Efraim nya yuubon yok binok ide awak nya he.