NIBOHON MBEN ISRAEL GI NIGOM 14:12 - ALLAH NIHYET MEM TUNGWATU NYA

¹² Tirigi tentara Filistin inang leu lene ibindei cut ide kwar nya bijo ei mpia dima hak. Tirigi Daud ngat kwar dima yok lene cuk nide limwa nya ba, indig hagom kep hum hak ug.

NIBOHON MBEN ISRAEL GI NIGOM 14:12 ပူးပေါင်းရင်းမြစ်များ

SAMUEL GI NICAN 5:21

Tirigi tentara Filistin inang bingwig leu mpia dima lene bon nituti mem ipwoi ide kwar di ikuk yok bak biyuug sut bi. Gima rino Daud kin nide limwa nya imbus kwar dima yok bimbut tut.

NIBOU NDIG NYA GI NICAN 10:26

ibindei hei kwar Baal ug ei nisai bindig kep hum hak.

NIBOU NDIG NYA GI NICAN 19:18

Lene indig yo dima ide kwar nya kep hum tu. Lewo kwar dima yok isindem bi. Tungwatu dihyeisi dini iba biei kin tig bibon hagom bou inda him he.

NIBOHON MBEN ISRAEL GI NIGOM 14:11

Leu api Daud njei sut nide tentara nya ba, ikon pran bit Filistin nya ei Baal-Perasim bibindei timek yok. Lene noni pai “tuhan ba dani binggek siceu ide nisindemti noyam kin minyei di su sindem bihwen mun nyeng hagom mbigom ngat hak.” Gima rino ijem mpia dima ninyeng ‘Baal-Perasim.’

NIBOHON MBEN ISRAEL GI NIGOM 14:13

Jei bi lene mben Filistin ikwei hanyen ba, igya bidem Mbang Briep Refaim ba, icat ndigban nya hagom.

NEHEI LEUSI 12:12

Lewo midiya bidem minu Mesir nisurti-nipekti mem mmun dima bidiyai nimai bak munggwom pinai mighumbou nya bidem ide ig bei hagom kin mindhe-ndhe nipmot bou nya hagom. Ba, midikes hukum ei mben Mesir ide kwar nya hagom dip tug hon nisinati dima. Lewo Dani ne tuhan ri.

NEHEI LEUSI 32:20

Lene noni ug yai kwar di nide limwa nya iba mas bibon noyam kin sapi pima bindig kep hum ba, jet bingwig. Api tirigi hem tu lene noni dram hagom bindung-ndiem leu api ba minyei biwir lene cuk mben Israel yahagom bidut minyei dima.

NINDAT KEP TUHAN NICUKTI NYA 7:25

Ma jindig ide kwar di ikuk yok bak nya kep huma. Ma jingon pri kep perak kin mas di jo kin ide kwar nya bijiyai mem jenti au. Gino jiyai mun dima yok mem jenti lene mijitug ndei nimai drek dip lewo tuhan di nok jide Allah ningon mpo tut yo di ikuk yok bak kwar nya.

NINDAT KEP TUHAN NICUKTI NYA 7:5

Gima rino ma jinggek ide nimbar hum dok nya ba, jiki ide cou tig di ipigig sut nya kukiau bijitam ide kwar mien di bindo tut kwar nisop Asyera nya cem leu api ma jindig ide kwar nindigsi di ikuk yok bak nya kep hum bingwig.