NIBOHON MBEN ISRAEL GI NIGOM 13:6 - ALLAH NIHYET MEM TUNGWATU NYA

⁶ Leu api Daud ya tut yok ba, yuug ei minu ndig Baala di ninyeng hi Kiryat-Yearim ei keret Yehuda ide hanjop nsi leu binhyepo ikon Brua Gi Preu kwei. Ijem Brua Gi Preu dima ninyeng hi tuhan di kui bigwam ei banggo mbrei di jo nai kerub nya dip.

NIBOHON MBEN ISRAEL GI NIGOM 13:6 ပူးပေါင်းရင်းမြစ်များ

NIBOU NDIG NYA GI NIGOM 8:16

‘Tirigi po dibuwak Ditde limwa nya kwei leu minu Mesir pima kikau kwei bipek nijam dini kep lene dindo mpia ttou nsi gom mem gima angot Ditde Ig bijikuk je biDa eisi bidem minu Israel nisurti-nipekti hagom bina bi. Noro didimig na di Daud ei leu binhyepo anyeng mitak kep Ditde limwa nya.’ ”

NIBOU NDIG NYA GI NICAN 19:15

Lene noni ngat nadi bipai “tuhan di nok Allah mem nye di mben Israel e, agwam ei Ade banggo mbrei dip nai njiriek kerub nya. Nangkom ne Allah rin ba, anyeng tak kep nibou ndig nya bidem dihyeisi dini hagom. Apai tes dihyeisi dini kin mpia-bbed him cem.

MAZMUR 80:1

Doia Asaf mem no di bie tut doia nimpung bit leu nihyet nibikiek Mitou Bakung.

MAZMUR 99:1

tuhan ne Nibou Ndig ri. Gima rino ngkiai nya yahagom igwam nidigitti. Noni gwam ei Nide banggo mbrei di jo anai kerub nya dip ba, dihyeisi dini ugwa-kwei.

NEHEI LEUSI 20:24

Ma jiba dihyei bibon nimbar hum dok gom mem Dani. Ma jibui jide domba nya kin sapi nya bijindig kep hum eisi. Lene jiba mindhe-ndhe bihi bikuk je biDa ba, jiba mindhe-ndhe bihi biyai jingon kwes kin Da. Midihwou yai gi kei bije ei mpia ttou nsi di dindo bije mem gima jibikuk je biDa eisi hagom.

NEHEI LEUSI 23:21

Ma jingig jitingou mem malaikat dima nihyet ba, jibit nihyet cem. Ma jikiek jimig jou tut noni au. Lewo dipinak noni ndam je tu. Noni miciu ser sisar nipigau hanjopti dima kan bi.

NEHEI LEUSI 25:22

Midiya um na hammi Brua dima nibeng lene midimbot kep tut Ditde niggai serti nya mem mben Israel bina tirigi dingat rin ei nai Brua dima nibeng dip ei kerub nya ikieti.”

YESAYA 37:16

“tuhan Di Ninyeng Jei Bibor di Allah Israel di gwam nai kerub dip e, Nani ne Allah gom ngat hak di anyeng tak kep minu ninyeng tak kepti nya hagom ei dihyei ninjek dip dini ri. Nani rino apai tes mpia-bbed him kin dihyeisi dini.

MBEN ISRAEL IMBUT-MBUT NYEN 6:27

Lene tuhan binut bu bipai “Gino imam nya indat kep dinyeng gau mben Israel tirigi ingat nadi tindei mun di kei mem yok lene midinjei mun di kei bak yoni.”

MBEN ISRAEL IMBUT-MBUT NYEN 7:89

Bikwop mpe di Musa coi ug ei tuhan De Prak Meng nsi bimbrap bit tuhan lene noni miap tuhan nihyet di tibim kwei leu Brua Gi Preu nibeng dip ei kerub cin ikieti.

YOSUA 15:60

Bitut minu ndig cin kin minu mien di jo ttai nya hi kin bu cem. Minu ndig cin dima rino Kiryat-Baal (di bon ninyeng hi Kiryat-Yearim) kin Raba cem.

YOSUA 15:9

Lene mbut kikau bipek kin minyei yaisi ei Me-Neftoah bimbut kikau bipek kin minu ndig nya di dideu Nungug Efron lene kriek ei sirima ndam Baala (Baala ne Kiryat-Yearim ninyeng hi ri).

SAMUEL GI NIGOM 4:4

Gima rino ipinak tungwatu nya bingkwei hanyen ug ei Silo leu api yo dima ikon Brua Gi Preu di nok tuhan Di Sindem Bibor Nide banggo mbrei di dia-diau kei kwei. Lene Eli nipmot bat cin di Hofni kin Pinehas cem injei bit Brua dima kwei.

SAMUEL GI NIGOM 6:21

Lene isok ighyet bak mben Kiryat-Yearim bipai biyok “Mben Filistin itug tuhan De Brua Gi Preu hanyen kwei binye tu. Ma jikwei yai leu nyeni hak ug.”