NIBOHON MBEN ISRAEL GI NIGOM 12:8 - ALLAH NIHYET MEM TUNGWATU NYA

⁸ Mpe di po Daud ningat rin ei nide dikti ei iggum ndigsi lene tentara di mimbri kui ingkek di ihwen mun kan nya di intun keret Gad him ikwei bicom yam bit noni. Yo dini ne tentara di iba mun di ibipukep ser minggwen nya leu yonti cem iba micim bikon pran kan cem ri. Mimbri kui tentara dini yok ingkek dem kep nok singa di niten-pos lene ibrim imig noyam kin rusa ninangti.

NIBOHON MBEN ISRAEL GI NIGOM 12:8 ပူးပေါင်းရင်းမြစ်များ

SAMUEL GI NICAN 1:23

Saul kin Yonatan e, jisingat ba, ningon ngakei je. Jiya kui yam mem nijam di jiyaijo kin njap di jimai cem. Jahacem jidwop juk sindem bibor dor njiriek hacam krubri nya ba, jide nisindemti nindig bibor dor njiriek mindhe singa.

SAMUEL GI NICAN 17:10

Mpe dima lene mbro nok gino mimbri kui ade tentara ingkek ba, isindem bibor dor njiriek mindhe singa lo, yoni mittin tut noni lewo mben Israel yahagom ikan tut bipia mimbri kui nibou ndig ningkek bikon pran kan ba, nide tentara nya yahagom ihwen ide siceu nya sindem bibor cem.

SAMUEL GI NICAN 2:18

Zeruya nipmot bat ibou ningai di Yoab kin Abisai kin Asael ingat rin ei sirima. Asael nidorti dem kep rusa nidorti.

SAMUEL GI NICAN 23:20

Nibou tentara gi ter bu di ninyeng jei ne Benaya di Yoyada leu Kabzeel nipmot ri. Noni cem ba mimbri ngat bibrim ningkek mbirimang bibor. Noni yai nimai bak pinjoi ndig leu Moab di isindem bibor ibou can ba, mimbri kui ingkek cem lo, imai hak. Mpe di gom tirigi es nggai kep dihyeisi lene Benaya jug ug ei jui nsi gom bitot singa ningut gom bimai.

NIBOHON MBEN ISRAEL GI NIGOM 11:22

Nibou tentara di ninyeng jei hiter bu ninyeng rino Benaya di Yoyada nipmot di mben Kabzeel. Mimbri kui ningkek bibor apino yai nimai bak mben Moab ide nihwen mun cig ibou can di inyeng jei. Mpe hi bu tirigi es kin hou cut lene noni hwen singa ningut gom ei dihyei mihyeti bibui ei sirima.

NIBOHON MBEN ISRAEL GI NIGOM 12:16

Mpe di gom ne tungwatu nimpung gom di intun keret Benyamin kin keret Yehuda him yuug ngat Daud ei dikti di noni bong ser.

NIBOHON MBEN ISRAEL GI NIGOM 12:9

Yo di inyeng jo daptarti bibit leu inyeng jeisi rini ba, inyeng rino Ezer kin Obaja kin Eliab kin Mismana kin Yeremia kin Atai kin Eliel kin Yohanan kin Elzabad kin Yeremia kin Makhbanai.

NIBOHON MBEN ISRAEL GI NICAN 25:5

Mpe dima lene Nibou Ndig Amazia nduk timiei Yehuda kin Benyamin nya yahagom bidem yam. Leu api cuk yok ba, idis yam dem igbit insi de nya gom-gom. Lene nibou tentara nimpung sribu gom kin nibou tentara nimpung sratus gom ibie tut ide nimpung tentara dima. Leu api noni nduk yo di ide njap ug ei ari bingwam nyatungwagom bikui di isindem mem gima ikon pran nya di ingon ki tut gima iba micim kin mun di ibipukep siceu ide minggwen nya bikon pran kwei. Yo dima imangti ibou sribu sratus ningai.

NIPINGOK NINGONTI 28:1

Mbro nok gino hi huk bram no di sibut bi lo, noni nang ug. Noro mimbri kui no di ningon gom ningkek dem kep nok mindhe singa.

NIPINGOK NINGONTI 6:5

akwek nanti leu bansi dima dem kep nok ha kin rusa di kwek nonti biningwes ngun leu no di huk no mem gima prindei no ug e.

DIUN MIMUN 8:14

“Dingon kieti e, ma ador kwei ba, aum da lewo dinoyam kin andai kin rusa nikre nitu di idor ug ei biei ngat di nyop kei ninghousi ei nungug him Beter.”

YEREMIA 46:9

Kuda e, ma jidor sindem! Kroba pran e, ma jiyai je ba, jinggan! Je di pinjoi ndig di mimbri kui jingkek bijikon mun di jibipukep tibor ninggwenti ba, jitimieisi leu minu Sudan kin Libia bitut je di pinjoi ndig Lidia di jikri tibor kan e, ma jibrim jingkek!’ ”

SAMUEL GI NIGOM 23:14

Gima leu lene Daud bong-bong nyen ei hak mihyeti ngot di jo ei nungug him dideu iggum ndigsi Zif. Saul huk-huk nyen Daud kikau noro tuhan gi kes noni ei nibou ndig Saul nindati bi.

SAMUEL GI NIGOM 24:22

Noro ma apreu ei mem da tug hon tuhan ninyeng bipia mporo ayai nimai bak yo di intun dani him ba, tungwatu nya ingon miprion ser ditde keret ninyeng bi.”