NIBOHON MBEN ISRAEL GI NIGOM 12:40 - ALLAH NIHYET MEM TUNGWATU NYA

⁴⁰ Keret di ibong ting bibor ei nite bei mpia nijjai cem injei kwei leu ide minu ba, ibinjei sut keledai kin unta kin bagal kin sapi di ipian njita di nindig bibor kwei. Yo dima ne keret Isakhar kin Zebulon kin Naftali nya ri. Njita di injei sut kwei nya ne tepun kin biei ara ngat kin kismis kin ba anggur ngat kin mini zaitun nya ri. Yo dini ijem sapi kin domba kwei mem gima ibui nok mikwau bigyem. Mun di igyai dima yok hagom bindo tut bipia mben Israel yahagom ingon nggei-hi-nggei bibor.

NIBOHON MBEN ISRAEL GI NIGOM 12:40 ပူးပေါင်းရင်းမြစ်များ

SAMUEL GI NICAN 16:1

Daud njiriek mbigdip dima mbigom lene Ziba di Mefiboset de awak pima tau kep noni kros. Noni jem keledai ningut can di ibiang minai nya tut roti nindak sratus can kin biei ngat kismis naham sratus gom kin biei ngat nindigsi nya ningat sratus gom kin aigmui mindhe ngkek nindig gom di ba anggur ningei joti hagom kwei.

NIBOU NDIG NYA GI NIGOM 1:40

Lene yahagom ibit Salomo bingkwei hanyen. Imbos-hi-mbos ba, imiep porei nya lene nibimbi bindei ba, tereu nok dihyei ugwa-kwei.

NIBOU NDIG NYA GI NICAN 11:20

Limwa nya yahagom ingon nggei-hi-nggei ba, mpia mbum-bra ei minu ndig dima nisurti-nipekti lewo igyai nimai bak Atalya tu.

NIBOHON MBEN ISRAEL GI NIGOM 12:39

Tentara dima yok ibong bit Daud ei Hebron mem njap ningai ba, igyem pesta di mben Israel nindigsi nya itin ei mem yok tu. Nok igyem njita ba, ibidut ndia ngei cem.

NIBOHON MBEN ISRAEL GI NIGOM 13:1

Nibou Ndig Daud mbrap bit nide nibou tentara di ibie tut nimpung tentara ibou sribu gom nya kin nimpung sratus gom nya yahagom.

NIBOHON MBEN ISRAEL GI NIGOM 29:22

Njap dima ne yahagom iba ingon di nggei-hi-nggei biyem njita bidut ndia ngei cem ei tuhan Noho bei. Mben Israel ikon ighyet nimbican bu tut Salomo nok nibou ndig. Ikon Salomo nok ide nibou ndig lene ikon Zadok nok ide imam tug hon tuhan ninyeng.

NIPINGOK NINGONTI 11:10

Gino timiei minu ndig di ingon sren yuum mun di isuar nya nok gi dem ne ingon llei bibor. Yo dima imbos-hi-mbos ei mpe dino no di sibut mai su.

NIPINGOK NINGONTI 29:2

Mpe dino nibou ndig di ningon sren ninyeng tak kep limwa nya ne yoni ingon llei. Noro mpe dino nibou ndig di sibut ninyeng tak kep yok ne ingon buhun bibor.

HOSEA 3:1

tuhan pai bida “Ma aug hanyen ba, angon ngakei sop di nikrar jut gom di cut tut pinai ariwace. Ma angon ngakei noni noyam kin gi dingon ngakei mben Israel. Mbro nok gino ikes Da ei leu bikuk yok bak nung nya ba, ikwas roti di kismis srigsi tut yok lo, dingon ngakei yok kikau.”

SAMUEL GI NIGOM 25:18

Leu api Abigail yai roti nindak sratus can kin aigmui mindhe ngkek can di ba anggur ngei joti buut bibor kin domba di ibam ei su ningut muhwi kin gandum di ikang ei su kilo simnaimuhwidip brimigtehican kin ba anggur ngat di ningak nimbeu sratus gom kin roti ara nindak sratus can ba, kon gima yok hagom ei keledai nide nya dip.