NIBOHON MBEN ISRAEL GI NIGOM 12:18 - ALLAH NIHYET MEM TUNGWATU NYA

¹⁸ Hammi tirigi pai bak nok rino Allah Ninnei sindem tut Amasai di bit yok ba, niabiati bu mitug ndei ninyeng nibou mem nimpung “Nihwen Mun Cig Ibou Ningot Ningai” pima. Leu api noni pai, “Na di Andigpoi Daud di Isai nipmot e, nyeni nahati tut nani! Handei kon ba, aya tut yo di impu na bijibrim jingkek kikau ba, jibingat ningat kep. Allah tti kin na di Andigpoi tu!” Pai nok leu api Daud cigit yok bikon inyeng nok nibou mem nide tentara nya.

NIBOHON MBEN ISRAEL GI NIGOM 12:18 ပူးပေါင်းရင်းမြစ်များ

SAMUEL GI NICAN 15:21

Noro Itai buhup “Andigpoi e, diba neheng bipai bina tug hon tuhan ninyeng bipia mbro nok gino ditug midut lo, midibit na bidem ambutti nya hagom.”

SAMUEL GI NICAN 17:25

Absalom ta Amasa nok nibou pran biya luei Yoab nohoti tu. Amasa nicig ninyeng Yitra di mben Ismael lo, nipmem ninyeng Abigail di nicig ninyeng Nahas ba, nikindig ninyeng Zeruya. Zeruya ne Yoab nipmem ri.)

SAMUEL GI NICAN 19:13

Lene Daud sok nihyet ei yok dip bak Amasa cem bipai binoni “Ditig mbier tut na. Hon kep ammani kui lene dita nani ba, aya luei Yoab nohoti nok nibou pran bu. Gino diyai igbit dipreu ei mem nati dima bi lene ma Allah yai nimai bida hak ug.”

SAMUEL GI NICAN 5:2

Mbro nok gino Saul nok nibou ndig mem nye nipou su lo, na di Andigpoi abie tut tentara Israel ug ei nikon pranti. Mpe dima lene tuhan preu ei mem na bipia mimbrek-mimbrek lene mporo abie tut Nide limwa nya ba, anyeng mitak kep yok.”

NIBOU NDIG NYA GI NIGOM 9:22

Noro Salomo ubon mben Israel binok awak bi. Noni dimig yok ei binok tentara nya kin nibou tentara nya kin nibou pran nya kin nibou mem yo di ikrau kroba pran nya kin tentara di iba kuda di ibri nya bikon pran kan nya cem lene nok.

NIBOU NDIG NYA GI NICAN 10:15

Yehu bimbut kikau ba, ug ei puig sinon lene Yonadab di Rekhab nipmot kwei um noni. Yehu pigo bipai bak “Nyeni ingon jo gom bi e? Ajoi sut gima akon hampiap bou tut da e?” Lene Yonadab ce bipai “Igbit rin dijoi sut.” Yehu pai bak “Gi nok lene akwei ba, sikrau yam nda.” Ikrau yam nda lene Yehu brim Yonadab ninda bikui ei nide kroba pranti bibit.

NIBOU NDIG NYA GI NICAN 10:5

Gima rino nibou mem ig nibou ndig kin yo di inyeng jei nya kin nibou di ibie tut limwa nya kin ndigpoi di inyohou Ahab nignyon bat dima yok ei minu ndig dima isok ighyet hanyen bak Yehu bipai “Nyeni ne na di Andigpoi ade awak hak rin ba, nitin ei mem mun nyeng hagom di Na di Andigpoi acuk nye binibon nya. Noro dem mem gima nikon tungwa hi bigwam nok nibou ndig mem nye bi. Gima rino ma ayai igbit angon kanti di kei mem nye hak ug.”

NIBOU NDIG NYA GI NICAN 9:32

Lene Yehu kiek no bitou kep kendera mihyeti lene jem “Tou rino tti kin dani i? Yo di igya kui nibou ndig ibou pwoi di ibong ei ig nibou ndig dima imiap nihyet lene ikiek yok bitou kep nimo jug.”

NIBOHON MBEN ISRAEL GI NIGOM 11:11

Nibou tentara gi nigom ninyeng Yasobam. Yasobam ne mben Hakhmoni ri. Noni ne nibou di bie tut tentara di inyeng Nihwen Mun Cig Ibou Ningai ri. Mpe di gom di ikon pran bit yam lene noni kiju bihwen siceu nya ibou sratus ningai ba, imai hak tug hon nide micim di srer bijo nindati.

NIBOHON MBEN ISRAEL GI NIGOM 12:17

Daud kiju buug ngat yok lene pai biyok “Gino jikwei nok disut mem gima jitti kin da lene ma jikwei bicom yam bit nye hak ug. Niba ningon di kei bicigit je! Noro mbro nok gino dibon mun di kinei tut je bi lo, gi jingon kanti mijitri dinghapti bak siceu nya lene Allah di idigup bat-idigai bat nya ikuk yok bak kan tut gima leu api mikes hukum ei jeni dip.”

NIBOHON MBEN ISRAEL GI NIGOM 2:17

Abigail wak Yeter di ntun keret Ismael him. Yo cin dima igyai ipmot gom ngat di ninyeng Amasa.

YESAYA 59:17

Noni miba ningon sren-srausi kin niteu yok bingwes ngunti bijuk No dem kep sinsun pran kin topi yeng ngkuong di ngkiem kei. Noni mibrim ningkek bipui nihyet tut gima ngkwei mun di hagom bijo nijoti nok gi nipou noro buhup niyai munti di igbit bi nya hanyen.

ZAKHARIA 8:23

Njap dima dem ne ngkiai nya ibou simnai mikwei ngat mben Yahudi gom ngat bipai bak ‘Nyeni cem nijoi sut ningat ningat di kei noyam kin nani lewo nimiap tut bipia Allah ningat rin ei jikieti.’ ” tuhan Di Sindem Bibor simbot dat tu.

MATIUS 12:30

No di srep tut Da bi tti kin Da. No di mpu Da bi nggek tut Ditde midyai nya.

GALATIA 6:16

Handei kon ba, Allah singat tut Allah de limwa nya di ice tut bibit dicuk jeti dini yahagom ba, ingon jo nyahan.

NIJAM NIKEI NYA 13:25

Mpe di gom tirigi Simson ningat rin ei keret Dan ide prak meng yati ei Zora kin Esytaol nikieti lene noni sindi yai nisindemti leu tuhan Ninnei.

NIJAM NIKEI NYA 3:10

tuhan Ninnei sindem tut Otniel apino kiju nok nibou di bie tut mben Israel. Leu api tuhan bindei ba, noni ug kon pran bit nibou ndig Mesopotamia bibindei timek noni ningwig a.

NIJAM NIKEI NYA 6:34

Mpe dima lene Gideon yai nisindemti leu tuhan Ninnei. Noni miep pun mbrei gom binduk yo di imbier kim Abiezer yahagom kwei bingwig kep noni.

SRAT RUT 1:16

Noro Rut buhup “Amei e, ma acuk da bidingkwei hanyen au. Asindui sut da bidibit na kikau. Midibit na kikau bidem ambutti ba, midibong bit na bidem abongti ba, miditig mbier tut ade bat nya bidikuk da bak Allah di akuk na bak cem.

SAMUEL GI NIGOM 16:4

Lene Samuel yai hagom bit leu nok tuhan nicuk noti leu api mbut ug ei Betlehem. Noni kwei krau lene nibou minu dima nya iba inghuisi di mpig sut kwei um noni bihig ser “Andigpoi di akan huk mindur kan e, aba angon di kwes kin nye bikwei cem kep nyeni e?”

SAMUEL GI NIGOM 16:5

Lene noni buhup “I, dingon kwes kin je lo, dikwei mem dibon midut nindig mindhe kep hum bak tuhan. Ma jibon midut nipiap jenti bipwoi leu api jikwei bit da.” Lene noni cuk Isai kin nipmot bat nya cem bipia ibon midut nipiap yonti bipwoi leu api hig yoni cem ikwei bit nibon midut nindig mindhe kep hum bak tuhan dima.

SAMUEL GI NIGOM 22:7

lene Saul pai bak nibou tentara nide nya “Keret Benyamin jen, jimiap! Jikan bipia Daud dima mikwas miai kin biei anggur nghousi tut je bikon jahagom jinyeng bijinok nibou mem nide tentara nya e?

SAMUEL GI NIGOM 24:12

Arig e! Angat i! Disu dinda tut ade sinsun ndok di jei ninghas gom di dikos nogindi pa leu na tu ba, angat i! Bon nituti di kei bibor mem diyai nimai bak na di Andigpoi noro dikos ade sinsun ninghas leu na he. Mun dini yok ndo bindo brei bak na di Andigpoi bipia midaham nimbuk kep na ba, dimbuk tut na bi. Mbro nok gino dibon mun tunggwei sut na di Andigpoi bi lo, ahuk da leu binhyepo ayai nimai bida.

SAMUEL GI NIGOM 24:13

Ma tuhan mbus singonti leu binhyepo ndo igbit gi hi di bon mun tunggwei! Handei kon ba, Noni mibirop bak na di Andigpoi drek dip gi abibon da kinei lewo dimbuk tut na di Andigpoi poi mien cem bi.

SAMUEL GI NIGOM 24:16

tuhan mimbus singonti leu binhyepo ndo igbit gi hi di yai mun tunggwei. Handei kon ba, Noni minggok tut munhyet dini bimbrap gau da biteu da bidingwes ngun leu na di Andigpoi andati cem.”

SAMUEL GI NIGOM 8:12

Noni mita bihi nok nibou mem tentara ibou sribu gom lene mita bihi nok nibou mem tentara ibou ningot muhwi. Noni mikes midyai di buhun bibor ei jipmot bat nya inghat dip. Yoni migyai kep nide miai nya bipuk nide njita ningat kwei leu beisi cem ba, ibon nide minggwen nya kin nimbumbati mem nide kroba pran cem.