NIBOHON MBEN ISRAEL GI NIGOM 12:17 - ALLAH NIHYET MEM TUNGWATU NYA

¹⁷ Daud kiju buug ngat yok lene pai biyok “Gino jikwei nok disut mem gima jitti kin da lene ma jikwei bicom yam bit nye hak ug. Niba ningon di kei bicigit je! Noro mbro nok gino dibon mun di kinei tut je bi lo, gi jingon kanti mijitri dinghapti bak siceu nya lene Allah di idigup bat-idigai bat nya ikuk yok bak kan tut gima leu api mikes hukum ei jeni dip.”

NIBOHON MBEN ISRAEL GI NIGOM 12:17 ပူးပေါင်းရင်းမြစ်များ

NITRITI 31:42

Gino dignyon Abraham kin dicig Ishak ide Allah nyohou da bi lene dikan bipia ma ajji da bidiba dinda ngwak bingkwei hanyen ug ei ditimieisi. Noro Allah ngat igbit mun di buhun tak da bou niyai him ba, Noni kan tut ditde midyai nya. Apino Noni pai igbit nikos tutti mem himmun di ammani.”

NITRITI 31:53

Abraham kin Nahor ide Allah miya hacan nok nikei mem sa. Lene Yakub heng bitug hon nicig Ishak de Allah ninyeng bipai bipia noni miyok ngon kep mun di Laban yoni ipreu kep yam tut dima.

NIBOU NDIG NYA GI NIGOM 2:13

Mpe di gom lene Adonia ug ngat nidrot Batsyeba leu api Batsyeba hig ser noni “Aba angon di gom bikwei cem kep da e?” Lene Adonia buhup “Igbit,”

NIBOU NDIG NYA GI NICAN 10:15

Yehu bimbut kikau ba, ug ei puig sinon lene Yonadab di Rekhab nipmot kwei um noni. Yehu pigo bipai bak “Nyeni ingon jo gom bi e? Ajoi sut gima akon hampiap bou tut da e?” Lene Yonadab ce bipai “Igbit rin dijoi sut.” Yehu pai bak “Gi nok lene akwei ba, sikrau yam nda.” Ikrau yam nda lene Yehu brim Yonadab ninda bikui ei nide kroba pranti bibit.

NIBOU NDIG NYA GI NICAN 9:22

Lene Yoram hig ser Yehu “Aba angon di kwes bikwei nok disut rin e?” Noro Yehu buhup “Notou midikwei nok asut tirigino yo di nung kui yok nya imang bibor kin yo di ikuk yok bak kwar di apmem Izebel bindei bikieng kep mpia dini yo rinaha yo i?”

NIBOHON MBEN ISRAEL GI NIGOM 12:16

Mpe di gom ne tungwatu nimpung gom di intun keret Benyamin kin keret Yehuda him yuug ngat Daud ei dikti di noni bong ser.

NIBOHON MBEN ISRAEL GI NIGOM 12:18

Hammi tirigi pai bak nok rino Allah Ninnei sindem tut Amasai di bit yok ba, niabiati bu mitug ndei ninyeng nibou mem nimpung “Nihwen Mun Cig Ibou Ningot Ningai” pima. Leu api noni pai, “Na di Andigpoi Daud di Isai nipmot e, nyeni nahati tut nani! Handei kon ba, aya tut yo di impu na bijibrim jingkek kikau ba, jibingat ningat kep. Allah tti kin na di Andigpoi tu!” Pai nok leu api Daud cigit yok bikon inyeng nok nibou mem nide tentara nya.

MAZMUR 7:6

lene asindui sut ba, ditde siceu di iba nitok bida yuhuk da bikat da leu api igyai nimai bida lene ibikes dingut bijo hak ei dihyei ngunti bimbut hak leu.

MAZMUR 86:11

tuhan e, angginau da tut angon kanti nya leu binhyepo diba dingon di gom bibit Na kikau. Abindei ba, diba dingon titut bikuk da biNa.

YEREMIA 32:39

Midibindei ba, ikos tut ingon kanti gom ngat. Ingon kanti gom ngat di ikos tut dima rino ibou cut bak Dani bijo ninno bijo kikau. Ide nikos tutti dima mibindei ba, mun di kei mipek kep mem yonti kin ide nintun him yamti di bram yam nya yo.

ZAKHARIA 3:2

Lene tuhan de malaikati pai binoni “Bilis e, nna ba tuhan kes hukum ei na dip hak ug! Nna ba, tuhan di ngondut minu ndig Yerusalem kes hukum ei nani dip. Yosua dem kep nok hum priot di ikus leu hum njengti.”

KISAH 4:32

Yo di ingon jo kep nya yahagom ingon kin innei gom kin yam ba, hi drui kep nide mun di nyeng tut bi. Noro ibippiet hagom biyam.

KORINTUS GI NIGOM 1:10

Disut bat jen, dibidip huk je drek dip Tuhan Yesus Kristus ninyeng. Ma jice tut yam hyet leu binhyepo jiba nitok biyam au. Ma jingon kanti kin jibou ngwakti hagom nok gom.

KORINTUS GI NICAN 13:11

He disut bat jen, gini ne srat ningwigsi ri. Ma jingon llei bibor bijita jibou ei ningon kwes-kwauti. Ma jibit ditde nipingok jeti nya cem jingon kwes kin yam cem jingon jo nyahan mem yam cem. Allah di nok nibousi mem ningon ngakei yamti kin ningon jo nyahanti ningat rin bit je.

FILIPI 1:27

Mun nyeng gom bon ninyeng mem jeni. Ma jiyai kepti nya bit leu Nihyet Di Kei tut Kristus nipingok jeti. Leu binhyepo gino dihwou ngat je cem dihwou ngat je bi cem lo, dimiap tut bipia jingon gom tut yam ba, jiba jingon kanti gom kin jingon llei sutti gom binjei bit yam bijicom jahanggwap tut niba ningon comti di ntun Allah De Nihyet Di Kei him.

PETRUS GI NIGOM 2:23

Tirigi ikucang Noni ne buhup bikucang yok hanyen bi sren. Tirigi ihwen bit Noni ne cug yok bi lene ba nihwen bit yokti birop hanyen bi sren. Noro kes munhyet dima ei Allah di nok Nikei di ningon sren-srau nindati.

YUDAS 1:9

Noro Mikhael di nok nibou ndig mem malaikati nindigsi nya bon nok gima bibrim ningkek kep Bilis hak bi. Tirigi noni kin Bilis isrep yam tut Musa nimai lene Mikhael pai kep Bilis bisriman noni bi. Noro pai hak a Nnaba! Tuhan mikes hukum ei na dip hak ug!

SAMUEL GI NIGOM 16:4

Lene Samuel yai hagom bit leu nok tuhan nicuk noti leu api mbut ug ei Betlehem. Noni kwei krau lene nibou minu dima nya iba inghuisi di mpig sut kwei um noni bihig ser “Andigpoi di akan huk mindur kan e, aba angon di kwes kin nye bikwei cem kep nyeni e?”

SAMUEL GI NIGOM 18:1

Lene Saul kin Daud ikes ighyet hon bimbrap bi. Mpe dima lene Yonatan di Saul nipmot hig nisut bit Daud nindig bibor lewo ningon ngakei Daud bit leu nok ningon ngakei nonti.

SAMUEL GI NIGOM 18:3

Lene Yonatan preu ei kin neheng bipia Daud kin noni yahacem ingon ce yam bi bijo ninno bijo kikau.