NIBOHON MBEN ISRAEL GI NIGOM 11:3 - ALLAH NIHYET MEM TUNGWATU NYA

³ Gima rino Daud kiju di bon gi preu bit nibou mben Israel leu api ita noni binok nibou ndig mben Israel dem igbit tuhan nipreu ei tug hon Samuelti nipou su.

NIBOHON MBEN ISRAEL GI NIGOM 11:3 ပူးပေါင်းရင်းမြစ်များ

SAMUEL GI NICAN 2:4

Lene keret Yehuda nya induk yam kwei ei Hebron leu api ita Daud nok nibou ndig mem yok. Mpe dima lene noni miap tut mben Yabesh ei Gilead itig Saul ningut.

SAMUEL GI NICAN 5:3

Lene Daud kin nibou mben Israel yahagom ipreu ei biyam ei tuhan niyai him leu api nibou nya ita Daud nok nibou ndig mem mben Israel cem yahagom.

SAMUEL GI NICAN 5:5

Ninyeng tak kep keret Yehuda ei Hebron mem ari bingwam muhwindacan biniken lene ninyeng tak kep mben Israel kin Yehuda yahagom ei minu ndig Yerusalem mem ari bingwam ningot ningai ba, ningai biniken bu.

NIBOU NDIG NYA GI NICAN 11:17

Mpe dima lene Imam Yoyada cuk nibou ndig kin limwa nya leu binhyepo iba neheng bipreu ei bak tuhan bipia yoni ne tuhan de limwa nya ri. Lene cuk nibou ndig nonti cem leu binhyepo ba neheng dima bipreu ei bak nide limwa nya.

NIBOU NDIG NYA GI NICAN 23:30

Lene yo di igya kui noni ikon ningut bikes ei kroba pranti bingkwei sut hanyen kwei ei minu ndig Yerusalem leu api itig ei jui dip nibou ndig nya ide. Lene timiei Yehuda nya idimig Yoahas di Yosia nipmot bita noni nok nibou ndig nijep bu.

NIBOHON MBEN ISRAEL GI NIGOM 11:10

Yo dini ne Daud de nibou tentara di isindem bibor nya inyeng ri. Ibie tut mben Israel ba, ikon pran kikau leu binhyepo Daud kui bigwam nok nibou ndig bipek kep mun di tuhan preu ei mem no nipou su. Yo dini yahati tut Daud ninyeng tak kep limwa nyati cem.

NIBOHON MBEN ISRAEL GI NICAN 23:3

Yahagom idem yam hak ei tuhan De Ig ba, ibon gi preu bit Yoas di nibou ndig nipmot. Yoyada pai biyok “Nibou Ndig Ahazia di mai su nipmot no rini! Suar ikon noni nogindini ba, kui bigwam banggo mbrei nibou ndig dip. Lewo tuhan preu ei nipou su bipia Daud de nintun him yamti di bram yam nya inyeng mitak kep ide limwa nya kikau.

NIJAM NIKEI NYA 11:11

Lene Yefta kiju bibit nibou Gilead nya leu api limwa Gilead nya ikon noni nok no di ninyeng tak kep yok lene nok nibou pran di bie tut yok cem. Lene Yefta ndat kep nikos tutti nya poi bak nide limwa Gilead nya ei tuhan Noho bei ei minu mien Mizpa.

SAMUEL GI NIGOM 11:15

Gima rino yahagom ingkwei hanyen ug ei Gilgal mpia di kwes kei pima ba, ita Saul nok nibou ndig. Lene ibon midut nibiyai ningon kwes kin Allahti leu api Saul kin nide limwa di mben Israel yahagom ibon pesta kep mun di pek kep mem yok.

SAMUEL GI NIGOM 15:28

Lene Samuel pai binoni “Allah rik anyeng di tak kep ade limwa nya bingwig leu na mem njap di ammani leu api yai bak no di ningon sren dor njiriek na di Andigpoi tu.

SAMUEL GI NIGOM 16:1

Bed poi ser lene tuhan hig ser Samuel “Apig api akes hon ba, angon ngguk tut Saul bu bi i? Dikou sut noni nok nibou ndig mem mben Israel. Gima rino ma apwoi ampou tut mini zaitun leu api ambut tut ug ei Betlehem ba, anggok ser Isai lewo didimig nipmot hi ei nok nibou ndig bu.”

SAMUEL GI NIGOM 16:3

Lene ma ahig Isai kwei ei nibon midut nindig mindheti dima leu api midindo dingon kanti bina. Ma ata no di dindo no bina nok nibou ndig.”

SAMUEL GI NIGOM 23:18

Leu api Daud kin Yonatan ibon gi preu nicom nigau ei yamti bingkiem ei tuhan Noho bei. Gima leu su lene Yonatan ngkwei hanyen ug ei nide ig lo, Daud gwam kikau ei Hores.

SAMUEL GI NIGOM 28:17

tuhan bibon na bit leu nok gi po Noni pai bina tug hon dani nipou su. Noni yai anyeng di tak kep ade limwa nya leu na ba, yai hanyen bak Daud leu api noni ya luei ahoti bu tu.