NIBOHON MBEN ISRAEL GI NIGOM 11:2 - ALLAH NIHYET MEM TUNGWATU NYA

² Na Di Anyeng Jei rino attei nibou tut tentara Israel bikwop mpe di injei mem gima ikon pran habiei nipou cem mpe di Saul ninyeng tak kep nye cem. Nok gima cem Na Di Anyeng Jei ade tuhan Allah preu ei su bipai mporo akui ba, agwam nok nibou ndig ba, abie tut Nide limwa nya.”

NIBOHON MBEN ISRAEL GI NIGOM 11:2 ပူးပေါင်းရင်းမြစ်များ

SAMUEL GI NICAN 5:2

Mbro nok gino Saul nok nibou ndig mem nye nipou su lo, na di Andigpoi abie tut tentara Israel ug ei nikon pranti. Mpe dima lene tuhan preu ei mem na bipia mimbrek-mimbrek lene mporo abie tut Nide limwa nya ba, anyeng mitak kep yok.”

YOHANES 10:4

Tirigi noni hei sut domba nya bibie tut yok lene domba nya ibit lewo imiap igbit nihyet.

MAZMUR 78:71

yai leu mpia di noni nyohou kep domba nipmem eisi. Leu binhyepo Daud minyohou mben Israel di Nide limwa nya.

SAMUEL GI NICAN 7:7

Tirigi dibong-bong nyen bidem minu bit mben Israel pima lene dahara ide nibou di didimig ei su nya leu binhyepo iba biei buom Libanon bingot ig gom mem Da bi sren.”

MATIUS 2:6

‘He minu mien Betlehem ei hanjop Yudea e, anyeng mitibim nok minu mien he ei minu Yehuda bu bi. Lewo nibou di ninyeng jei mijem nitimieisi leu ade minu mien leu api Noni mibie tut Ditde mben Israel.’ ”

MIKHA 5:4

Noni mibindei ba, yahagom ingon kwes kin yam. Tirigi tentara mben Asyur nya ihwen ide minu dini binggek ngug tig nya lene nyeni micuk ide nibou di mimbri kui ingkek ba, ihwen yok bibiyai nimai biyok.

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

YEREMIA 3:15

Lene midita nibou di ibit dihyet nya mem je yo. Yoni iba ningon di ki kin ningon di huk niti bibie tut je.

YESAYA 55:4

Dita noni nok nibou ndig cem nibou pran cem bidindo Ditde nisindemti bak ngkiai nya ei dihyeisi dini tug hon noni.

YESAYA 40:11

Noni minyohou Nide domba nya dem kep nok no di gembala bibie tut yok. Noni mikon domba mien nya bibong ei ninda kroisi lene ba ningon di nggriu-nggrop bijem niwek di ibep nya.

NIBOU NDIG NYA GI NIGOM 14:7

Angkwei hanyen ba, apai sut bak Yerobeam bipia tuhan Allah mben Israel pai ‘Didimig na di Yerobeam leu limwa Israel ikieti bidikon nani nok no di ninyeng tak kep Ditde limwa Israel tu.

NIBOU NDIG NYA GI NIGOM 3:9

Gima rino ma abindei ba, dingon ki leu binhyepo diba dingon di sren kei bibie tut Ade limwa nya ba, dikan igbit tut mun di kei kin mun di kinei niter leu yamti cem. Gino ampu da bi lene notou midibie tut Ade limwa nya di imang bibor dini i?”

SAMUEL GI NIGOM 18:13

Gima rino noni kes Daud bibong ter leu api Saul ta noni nok nibou mem tentara ibou sribu gom. Nok gima lene Daud njei sut nide limwa nya ba, ikon pran.

SAMUEL GI NIGOM 16:13

Haninyai Samuel hit ampou tut mini zaitun pima bisiber ei Daud nibou nggram him bou nikindig bat nya igyai him. Mpe dima lene tuhan Ninnei sindem tut noni ba, ningat rin bit noni kikau. Lene Samuel ngkwei hanyen ug ei minu ndig Rama.

SAMUEL GI NIGOM 16:1

Bed poi ser lene tuhan hig ser Samuel “Apig api akes hon ba, angon ngguk tut Saul bu bi i? Dikou sut noni nok nibou ndig mem mben Israel. Gima rino ma apwoi ampou tut mini zaitun leu api ambut tut ug ei Betlehem ba, anggok ser Isai lewo didimig nipmot hi ei nok nibou ndig bu.”

MBEN ISRAEL IMBUT-MBUT NYEN 27:17

Ando igbit no di mibie tut yok kan ei mpe di ikon pran leu binhyepo Ade limwa nya minok domba di ibon ide gembala hi bi nya au.”