NIBOHON MBEN ISRAEL GI NIGOM 11:19 - ALLAH NIHYET MEM TUNGWATU NYA

¹⁹ pai bipia “Deheng bitug hon tuhan ninyeng bipia mididut minyei dini bi sren! Gino didut minyei dini lene dem kep nok didut yo di inggok imai eisi mem da inggrom ri!” Gima rino Daud kou sut gi dut minyei dima bibor. Gima ne tentara Nihwen Mun Cig ibou ningai di mimbri kui ingkek bibor dima ide nibon mun nyeng gomti ri.

NIBOHON MBEN ISRAEL GI NIGOM 11:19 ပူးပေါင်းရင်းမြစ်များ

NITRITI 9:4

Noro harin dima jiyem mikwau di ninggrom huisi a. Lewo niyaisi no jo ninggromti.

SAMUEL GI NICAN 23:17

Lene pai “tuhan e, gi mbun didut minyei dini kan bi! Gino didut lene gima noyam kin didut yo di inggok imai eisi dini inggrom ri!” Gima rino Daud dut minyei dima bi sren. Nipui sut nibou tentara ibou ningai di mimbri kui ingkek dima ide niyai munti di mipbor ngat nya ri.

NIBOU NDIG NYA GI NIGOM 21:3

Lene Nabot buhup “Diba dakep ba anggur nghousi dima leu didigup bat-didigai bat nya. Gima rino dipai kin neheng tug hon Allah ninyeng bipia miditri gima hanyen bak na di Andigpoi bi sren!”

NIBOHON MBEN ISRAEL GI NIGOM 11:18

Lene nibou tentara ibou ningai dima imiap nihyet dima. Gima rino isu yok nyahan sin mben Filistinti ei ide prak meng yati bitau minyei leu minyei bousi pima leu api ittei kwei bak Daud. Noro Daud dut minyei dima bi. Noni kiber nok midut nikwas mun tut tuhan ba,

NIBOHON MBEN ISRAEL GI NIGOM 11:20

Nibou tentara ibou ningot ningai di inyeng jei dima ne ijem yok ‘Nihwen Mun Cig Ibou Ningot Ningai’ ba, Abisai di Yoab nikijoi rinok nibou mem yoni. Abisai ba nide micim biyai nimai bak ibou sratus ningai leu api tug ndei ninyeng di jei tug hon nibon munti dima. Noro tug ndei ninyeng jei noyam kin Nihwen Mun Cig Ibou Ningai pima bi.

AYUB 31:31

Ditde awak nya di igyai midyai mem da yahagom ikan tut bipia dicigit ngkiai nya kui ig bit leu nok diyai kepti.

MAZMUR 72:14

Noni pos yok leu yo di isibut nya kin yo di imbuk nya indati lewo yonti njem-nnei bon ninyeng mem noni.

IMAM NYA IDE MIDYAI 17:10

Gino mben Israel gom e, he ngkiai gom di bong timiei ei mben Israel ikieti e, yem mikwau di ninggrom huisi lene tuhan mikes hukum ei no dima dip. Ma jibibon no dima tereu nok no di nggre kin Allah de limwa bu bi.

MARKUS 14:24

Gima ngwig lene Noni pai biyok “Gini ne dinggrom di tak buk ser Allah de gi preu nijep rin ba, dinggrom di siber mem tungwatu nya imang bibor ri.

YOHANES 6:55

Lewo dinghui ne njita ningat-ngat rin ba, dinggrom cem ba anggur ngei ningat-ngat ri.

ROMA 16:4

binggok imai eisi tut da mpe di iteu da bidingwes ngun pima. Gima rino dipai sigyo biyok lo, dangkom he bi noro mbusyamei ngkiai nya cem yahagom ipai sigyo biyok.

KORINTUS GI NIGOM 15:30

Nggon rino ninggok nimai eisi tut Kristus bikwop njap ngwa hagom i?

NIJAM NIKEI NYA 5:18

Noro keret Zebulon kin Naftali inggok imai eisi tirigi ikon pran bihwen ide siceu nya.

NIJAM NIKEI NYA 9:17

Ma jiyok ngon kep bipia dicig nggok nimai eisi tut je tirigi po noni hwen mben Midian lene teu je bijingwes ngun leu yok pima.

SAMUEL GI NIGOM 19:5

Noni nggok nimai eisi tirigi po noni yai nimai bak Goliat pima leu api tuhan sindem tut nye di mben Israel tug hon nihwen Goliatti leu api sihwen side siceu nya ba, itimek bingwig. Arig e, mpe di po angat gima lene ajoi sut noni nindig bibor. Arig e, nggon rino ma ahwen bit no di ningon ngun ba, ayai nimai binoni mikui-kausi i?”