NIBOHON MBEN ISRAEL GI NIGOM 10:2 - ALLAH NIHYET MEM TUNGWATU NYA

² Noro mben Filistin yahatap yok bigyai nimai bak Saul nipmot bat nya ibou ningai di inyeng rino Yonatan kin Abinadab kin Malkisua.

NIBOHON MBEN ISRAEL GI NIGOM 10:2 ပူးပေါင်းရင်းမြစ်များ

NIBOU NDIG NYA GI NICAN 23:29

Mpe dino Yosia ninyeng tak kep timiei Yehuda nya ne nibou ndig Nekho leu minu Mesir njei sut nide tentara nya bikak puig ug ei Minyei Efrat nyai leu binhyepo injei siceu bit nibou ndig mben Asyur. Yosia kin nide tentara ikon pran bit tentara Mesir ei Megido noro Yosia tug ndei nimai ei pranti dima.

NIBOU NDIG NYA GI NICAN 25:7

Noni bindei ba, Zedekia nipmot bat nya itug ndei nimai bou icig niyai him leu api noni cuk tentara itak Zedekia niyai. Lene iba lante biteu noni ug ei minu Babel.

NIBOHON MBEN ISRAEL GI NIGOM 10:3

Yo di ikon pran itot yam sindem bibor simiak Saul ei nite hi nite hi apino nide siceu nya iprindei noni bibindei ba, nibok buhun bibor.

NIBOHON MBEN ISRAEL GI NIGOM 8:33

Nibou Ndig Saul nicig ninyeng Kish ba, nignyon ninyeng Ner. Saul yai nipmot bat nya ibou bitai ba, inyeng rino Yonatan kin Malkisua kin Abinadab kin Esybaal.

NIBOHON MBEN ISRAEL GI NIGOM 9:39

Nibou Ndig Saul nicig ninyeng rino Kish ba, nignyon ninyeng rino Ner. Saul yai nipmot bat nya ibou bitai ba, inyeng rino Yonatan kin Malkisua kin Abinadab kin Esybaal.

NEHEI LEUSI 20:5

Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

SAMUEL GI NIGOM 14:49

Saul yai nipmot bat nya di inyeng Yonatan kin Yiswi kin Malkisua. Nipmisop mighumbou ninyeng Merab ba, Merab nikinjoi ninyeng Mikhal.

SAMUEL GI NIGOM 14:6

Lene Yonatan pai bak pinai pilei pima “Akwei ba, suug ei mben Filistin ide prak meng yati. Yoni ikuk yok bak Allah bi. Mpaba tuhan mimpu sa lewo Noni sindem mem gima bindei ba, side siceu nya micut tug hon tentara di imang bibor kin tentara di ibou poi he cem.”

SAMUEL GI NIGOM 31:2

Noro mben Filistin yahatap yok bigyai nimai bak Saul nipmot bat nya ibou ningai di inyeng rino Yonatan kin Abinadab kin Malkisua.