NIBOHON MBEN ISRAEL GI NIGOM 1:17 - ALLAH NIHYET MEM TUNGWATU NYA

¹⁷ Sem yai nipmot bat nya di inyeng rino Elam kin Asyur kin Arpakhsad kin Lud kin Aram kin Us kin Hul kin Geter kin Mesekh. Yo dini ne pung di mem mben di iba yok bijem inyeng hanyen nya intun him ri.

NIBOHON MBEN ISRAEL GI NIGOM 1:17 ပူးပေါင်းရင်းမြစ်များ

NITRITI 10:21

Lene Yafet nikindig Sem nok pung di mben Ibrani yahagom intun him.

NITRITI 11:10

Daptar dini tibim tut Sem de nintun him yamti di bram yam nya inyenga. Tirigi minyei pingge leu dihyei ninjek dip ug ei ari bingwam can tu ba, Sem de njap ug ei ari bingwam sratus gom leu api noni yai nipmot Arpakhsad.

NITRITI 14:1

Mpe dima lene nibou ndig ibou bitai di inyeng Amrafel leu minu Babilonia kin Ariokh leu Elasar kin Kedorlaomer leu Elam kin Tideal leu Goyim injei siceu.

NIBOHON MBEN ISRAEL GI NIGOM 1:18

Saleh nicig ninyeng Arpakhsad. Lene Eber nicig ninyeng Saleh.

EZRA 4:2

Gima rino yuug ngat Zerubabel kin nibou insi de nya ba, ipai ingon kanti biyok “Ma jisindui sut ba, nyeni cem niya bit je biwin tuhan De Ig dima. Lewo nyeni cem nikuk nye bak Allah noyam kin jeni. Nibui mindhe-ndhe ba, nibikuk nye bak Noni habiei mpe di po Esar-Hadon di nibou ndig Mben Asyur buwak nye kwei bikes nye ei minu dini nimbie him pima tu.”

MAZMUR 83:8

kin Gebal kin Amon kin Amalek kin Filistea kin limwa Tirus nya.

YESAYA 11:11

Ei mpe dima lene tuhan miba Nide nisindemti bibuwak Nide limwa niken-ken nya di ibong ei minu Asyur kin minu Mesir kin minu Patros kin minu Sudan kin minu Elam kin minu Babel kin minu Hamat kin mios nya di ting ba, yahagom ikwei hanyen bu.

YESAYA 21:2

Dingat ningat-hi-ngat tut mun di cut igkep tungwatu nya di bibon ingon di ttin bibor kin naham nimbuk kep yamti kin nibindei sar yamti cem. Tentara Elam e, ma jikiju bijinjei siceu bijihwen! Tentara Madai e, ma jiyon ttai! Allah mibindei ba, ninghuisi wei hagom di minu Babel bindei mbut nya mikes hon.

YESAYA 22:6

Tentara Siria injei sut ide nimpung di ibri kuda kin gi ibri kroba pran kwei. Tentara Elam injei sut ide hampiap kin singau tibor di jo inda him nok-nok. Tentara Kir itin ei ide mun di ibipukep tibor ninggwenti nya di ibicuon ser igyaisi.

YESAYA 66:19

lene midikes mun di bindo ninyeng gom ei ikieti. Mididimig ibou poi di ingwes ngun leu api dipinak yok ndam ngkiai nya di ibong ei minu ting bibor di imiap tut Dani bi sren yo kin gi ingat Ditde ninyeng di jei biborti kin Ditde nisindemti bou igyai him bigyo nya. Midipinak yok ug ei minu Spanyol kin Libia kin Lidia di bon nikri kep tibor cig nya kin Tubal kin Yunani nya. Yoni mitri tut Ditde ninyeng jei biborti ei mben ngkiai dima yok ikieti.

YEREMIA 25:25

kin nibou ndig Zimri kin Elam kin Madai yahagom,

YEHEZKIEL 27:10

Tentara di ikwei leu minu Persia kin Lidia kin Libia nya iba yok bikum ade tentara nya. Ipindur ide mun di ibipukep tibor ninggwenti nya kin ide topi yeng ngkuong ei ade tentara nibousi di igya coi nya. Tentara dima ripo impu na ba, ibindei timek ade siceu nya bibikum ei ade ninyeng jeisi.

YEHEZKIEL 27:23

Timiei minu ndig ngot di ikwei leu minu ndig Haran kin Kane kin Eden kin nitri-nipek mun nindig bibor cig di leu minu Syeba nya kin timiei minu ndig ngot di Asyur kin Kilmad yahagom itri mun bibipek ndiyok bit nani.

YEHEZKIEL 32:22

Minu Asyur bong ei mpia dima. Iba ide tentara nya ijui bigahai minu Asyur lewo yahagom ikrop ei pranti.

YEHEZKIEL 32:24

Minu Elam ningat rin ei mpia dima ba, nide tentara nya ijui bigahai minu Elam de jui dip ba, ikrop ei pranti nipou tirigi igyai midut sunat bigyo leu api ijuk ug ei minu nimai nya ide. Tirigi igyaijo yo ne ibindei ba, ngkiai nya yahagom ingon ttin bibor noro tini bu ne imai ba, suar ibiang ide nimmai sut yonti nibuhunti bit yo di ikrop ei pranti nya.

DANIEL 8:2

Ei ningat-hi-ngat dimati ne dingat lo, dingat rin ei hanjop Elam ei minu ndig Susan di nok minu ndig nipmem ei minu Persia. Diya dideu Minyei Ulai,

HOSEA 14:3

Ma jingkwei hanyen ndam tuhan lene ma jingat nadi “tuhan e, ma akos ser nyende sisar hagom ba, angig atingou mem nyende nadi leu api mininggei sut Na bit leu nok gi nipreu ei mem Na tu.

MBEN ISRAEL IMBUT-MBUT NYEN 23:7

Lene Bileam tri tut Allah ningon kanti bipai “Balak di nibou ndig mben Moab buwak da kwei leu Aram di jo nungug him bei mpia nipriti leu binhyepo diya luei nohoti ba, dimbriom mben Israel.

LUKAS 3:36

Salmon ntun Kenan him ba, Kenan ntun Arpakhsad him ba, Arpakhsad ntun Sem him ba, Sem ntun Nuh him ba, Nuh ntun Lamekh him ba,