روت 3:9 - کیتاب مقدّس به گیلکی (رشتی)

⁹ وَورسه: «تو کیسی؟» روت جواب بده: «تی کنیز روت ایسم. تی ردا کنار مرَ جا بدن، چونکی تو اَمی فامیلأنٚ وکیلٚ وصی ایسی.» او زمان اَ کار ایتأ نیشانه‌یٚ درخوأستٚ عروسی کودن بو.

روت 3:9 ပူးပေါင်းရင်းမြစ်များ

لوقا 14:11

چونکی هر کی بخوأیه خورَه پیله‌دأنه نیشأن بده، خوار و ذلیل بِه و هر کی‌یم خورَه کوچیکَ کونه، پیله کس بِه.»

روت 2:20

نَعومی خو عروسَ بوگفته: «خوداوندی کی همیشه زنده‌یأن و مورده‌یأنَ رحمت کونه، اونَ برکت فدَه. اون می فامیلأنٚ نزدیک و اَمی فامیلأنٚ وکیلٚ وصی ایسه.»

روت 3:10

بوعَز بوگفته: «خوداوند ترَ برکت فده، دُختر جان. تو تی آخرین وفاداری‌یَ به اَمی خانواده‌یم خیلی خُب نیشأن بدَیی، چونکی جوانٚ دونبأل، چی فقیر، چی ثروتمند رأ دنکفتی.

روت 3:12

هسأ دوروسته کی من تی وکیلٚ وصی‌ام ولی وکیلٚ وصی‌یٚ دیگری ایسَه کی می جأ، ترَ نزدیکتره.

روت 3:8

نصفٚ شب بوعَز خوابٚ جأ بپرسته وأگردسته، تعجبٚ مره بیده کی ایتأ زنای اونٚ پا کنار دراز بکشه.

روت 4:4

مرَ فیکر بوکودم ترَ ماجرا جأ وأخبرَ کونم و اَ مردومی کی آیه نیشتیدی و می قومٚ ریش سیفیدأنٚ ورجأ، ترَ پیشنهاد بدم کی تو اونٚ وکیلٚ وصی بیبی و او زیمینَ بیهینی. ولی اگه اونَ نخوأستی، مرَ بوگو تا بدأنم، چونکی به جز تو کسٚ دیگری نِیسه. اگه تو نیهینی، منم کی حق دأرم او زیمینَ بیهینم.» اون جواب بده: «من اونٚ وکیلٚ وصی بم و او زیمینَ هینم.»

روت 4:6

اون وأگردسته بوگفته: «پس من نتأنم او زیمینَ مِره بیهینم، چونکی نخوأیم می مال و منال به خطر دکفه. می حقَ ترَ واگذارَ کونم کی تو او زیمینَ بیهینی. من توانٚ اَ کارَ نأرم.»